ງານການແຂ່ງຂັນກິລາ ມິດຕະພາບ ແລກປ່ຽນສິລະປະວັນນະຄະດີ ນັກຮຽນຊັ້ນມັດທະຍົມສຶກສາ 5 ແຂວງພາກເໜືອ ແລະ ແຂວງດຽນບຽນ ສສ ຫວຽດພາບ ຄັ້ງທີ 12 ແຂວງບໍ່ແກ້ວ ເປັນເຈົ້າພາບໃນລະຫວ່າງວັນທີ 06-10 ມັງກອນ 2020.
ການແຂ່ງຂັນກິລາເຕະບານ ໄດ້ມີຂຶ້ນໃນວັນທີ 06 ມັງກອນ 2020 ຢູ່ທີ່ສະຫນາມກິລາແຂວງບໍ່ແກ້ວ ນັດເປີດສະຫນາມເຈົ້າພາບ ບໍ່ແກ້ວ ໂຊຜົນງານໄດ້ໂດດເດັ່ນ ເອົາຊະນະ ແຂວງດຽນບຽນ ສສ ຫວຽດນາມ 3-0.
ສຳລັບການແຂ່ງຂັນເຕະບານໃນລາຍການດັ່ງກ່າວນີ້ ແມ່ນມີທີມເຂົ້າຮ່ວມທັງຫມົດ 6 ທີມ ແບ່ງອອກເປັນ 2 ກຸ່ມລະ 3 ທີມ ຄື:
ກຸ່ມເອ: ແຂວງບໍ່ແກ້ວ, ແຂວງດຽນບຽນ ສສ ຫວຽດນາມ ແລະ ແຂວງຫລວງພະບາງ.
ກຸ່ມບີ: ແຂວງຜົ້ງສາລີ, ແຂວງອຸດົມໄຊ ແລະ ແຂວງຫລວງນ້ຳທາ.
ການແຂ່ງຂັນລາຍການນີ້ແມ່ນຈະເອົາອັນອັບ 1 ຂອງກຸ່ມ ເອ ຜ່ານເຂົ້າຊີງຊະນະເລີດກັບ ອັນດັບ 1 ກຸ່ມບີ ສ່ວນນັດຊີງອັນດັບ 3 ແມ່ນອັນດັບ 2 ກຸ່ມ ເອ ພົບກັບ ອັນດັບ 2 ກຸ່ມບີ.
ສຳລັບຕາຕະລາງການແຂ່ງຂັນໃນວັນທີ 07 ມັງກອນ 2020 ແມ່ນມີການແຂ່ງຂັນ 2 ຄູ່: ເວລາ: 08:30 ແຂວງຜົ້ງສາລີ ພົບ ແຂວງອຸດົມໄຊ, ເວລາ 14:00 ແຂວງບໍ່ແກ້ວ ພົບ ແຂວງຫລວງພະບາງ ແຂ່ງຂັນຢູ່ທີ່ສະຫນາມກິລາແຂວງບໍ່ແກ້ວ.
ແຫຼ່ງຂໍ້ມູນ: Lao su su ລາວ ສູ້ ສູ້