ຄະນະຄຸ້ມຄອງເຂດເສດຖະກິດພິເສດແຂວງບໍ່ແກ້ວ ໄດ້ອອກໜັງສືສະເໜີເຖິງເຈົ້າແຂວງໆ ບໍ່ແກ້ວ ໂດຍມີເນື້ອໃນສຳຄັນສະເໜີຂໍພະນັກງານຈາກຂະແໜງສາທາລະນະສຸກແຂວງ ແລະ ພາກສ່ວນທີ່ກ່ຽວຂ້ອງລົງມາສົມທົບກັບຄະນະຄຸ້ມຄອງເຂດເສດຖະກິດພິເສດ,
ສະພາບໍລິຫານເຂດເສດຖະກິດພິເສດສາມຫຼ່ຽມຄຳ (ຂສພຄ) ດ່ານສາກົນສາມຫຼ່ຽມຄຳ ເພື່ອຮ່ວມກັນສະກັດກັ້ນ ແລະ ປ້ອງກັນການແຜ່ລະບາດຂອງພະຍາດປອດອັກເສບ ຈາກເຊື້ອຈຸລະໂລກໂຄໂຣນາສາຍພັນໃໝ່ ຢູ່ດ່ານສາກົນສາມຫຼ່ຽມຄຳ
ເຊິ່ງສະພາບໍລິຫານ ຂສພຄ ມີຈຸດປະສົງສະເໜີຂໍໃຫ້ທາງແຂວງພິຈາລະນາ ບໍ່ໃຫ້ຄົນສັນຊາດຈີນ ແລະ ສັນຊາດມຽນມາ ເຂົ້າ-ອອກ ຕາມດ່ານສາກົນສາມຫຼ່ຽມຄຳ ແລະ ດ່ານບ້ານມອມ ຈົນກວ່າຈະມີແຈ້ງການຂັ້ນເທິງລົງມາ.
