ປະກາດເລື່ອນຊັ້ນ ພັນໂທ ຂຶ້ນ ພັນເອກ ໃຫ້ນາຍຕໍາຫຼວດໃນທົ່ວປະເທດ

ກະຊວງ ປກສ ໄດ້ຈັດພິທີປະກາດເລື່ອນຊັ້ນ ພັນໂທ ຂຶ້ນເປັນ ພັນເອກ ໃຫ້ນາຍຕໍາຫຼວດ ໃນວັນທີ 28 ມັງກອນ 2020, ເປັນປະທານ ແລະ ປະດັບຊັນໂດຍ ພົທ ວິໄລ ຫຼ້າຄໍາຟອງ ລັດຖະມົນຕີ ກະຊວງ ່ ປກສ, ໂດຍມີ ຮອງລັດຖະມົນຕີ, ຄະນະປະຈໍາພັກກະຊວງ, ຫົວຫນ້າກົມ-ຮອງກົມ, ວິທະຍາຄານ, ລັດວິສາຫະກິດ ແລະ ນາຍຕໍາຫຼວດຜູ້ທີ່ໄດ້ຮັບການເລື່ອນຊັ້ນເຂົ້າຮ່ວມ.

ພົຕ ວັນທອງ ກອງມະນີ ຫົວຫນ້າກົມໃຫຍ່ການເມືອງ ປກສ ໄດ້ຜ່ານດໍາລັດຂອງ ນາຍົກ ລັດຖະມົນຕີ ສະບັບເລກທີ 47-69/ນຍ ລົງວັນທີ 15 ມັງກອນ 2020 ວ່າດ້ວຍ ການເລື່ອນຊັ້ນ ພັນໂທ ຂຶ້ນເປັນ ພັນເອກ ຈໍານວນ 23 ສະຫາຍ ຄື:

• ພັອ ຄອນສະຫວັນ ສົມພາໄຊ ຫົວຫນ້າກົມຈັດຕັ້ງພະນັກງານ ກົມໃຫຍ່ການເມືອງ ປກສ

• ພັອ ປອ ຫຸມພັນ ຜິວເຂັມພອນ ຫົວຫນ້າກົມພັກ ກົມໃຫຍ່ການເມືອງ ປກສ

• ພັອ ປວ ຄໍາເສັງ ໄຊສົມພົງ ຮອງຫົວຫນ້າກົມ 209 ກົມໃຫຍ່ສັນຕິບານ

• ພັອ ຈັນທະວົງ ພະສຸນົນ ຮອງຫົວຫນ້າຫ້ອງການ ກົມໃຫຍ່ສັນຕິບານ

• ພັອ ພຸທອນ ວົງພະໄຕ ຮອງຫົວຫນ້າກົມ 200 ກົມໃຫຍ່ສັນຕິບານ

• ພັອ ວົງລິດ ອິນສຸມັງ ຮອງຫົວຫນ້າກົມ 201 ກົມໃຫຍ່ສັນຕິບານ

• ພັອ ວາດສະຫນາ ວິລະວົງ ຮອງຫົວຫນ້າກົມຕໍາຫຼວດສືບຂ່າວອາຍາ ກົມໃຫຍ່ຕໍາຫຼວດ

• ພັອ ຄອນສີ ເນົາວະລາດ ຫົວຫນ້າກົມຕໍາຫຼວດຝຶກແອບ ແລະ ນໍາໃຊ້ຫມາວິຊາສະເພາະ ກົມໃຫຍ່ຕໍາຫຼວດ

• ພັອ ທອງຂັນ ສີສຸພັນທອງ ຫົວຫນ້າກົມຕໍາຫຼວດສາກົນ ກົມໃຫຍ່ຕໍາຫຼວດ

• ພັອ ວິທອງ ພົມທະວີ ຮອງຫົວຫນ້າກົມເສນາທິການ ຫ້ອງວ່າການ ກະຊວງ ປກສ

• ພັອ ເຄນທະວີໄຊ ເພັດພະນາ ຮອງຫົວຫນ້າກົມເລຂາ ຫ້ອງວ່າການ ກະຊວງ ປກສ

• ພັອ ລຸນທອງ ເພັງມີໄຊ ຮອງຫົວຫນ້າກົມກົດລັບ ຫ້ອງວ່າການ ກະຊວງ ປກສ

• ພັອ ຊີ້ ຈັນທະວົງສາ ຫົວຫນ້າກົມພົວພັນຕ່າງປະເທດ ຫ້ອງວ່າການກະຊວງ ປກສ

• ພັອ ສຸວັນນີ ສິດທິໄຊ ຮອງຫົວຫນ້າກົມບໍລິຫານ ຫ້ອງວ່າການ ກະຊວງ ປກສ

• ພັອ ພູທອນ ພົນໂພສີລາຫົງ ຫົວຫນ້າກົມຄຸ້ມຄອງການຜະລິດ-ທຸລະກິດ ກົມໃຫຍ່ພະລາທິການ

• ພັອ ບຸນມີ ວົງຄໍາແສນ ຮອງຫົວຫນ້າກົມອຸປະໂພກ-ບໍລິໂພກ ກົມໃຫຍ່ພະລາທິການ

• ພັອ ປອ ສີພອນ ພັນທະວົງ ຫົວຫນ້າຫ້ອງການເມືອງ ວິທະຍາຄານສັນຕິບານປະຊາຊົນ

• ພັອ ປອ ຈິດວິໄຊ ແກ້ວມະນີວົງ ຫົວຫນ້າຫ້ອງຄຸ້ມຄອງວິທະຍາສາດ ວິທະຍາຄານຕໍາຫຼວດປະຊາຊົນ

• ພັອ ປອ ໂອໄດ ທິລັນດາ ຫົວຫນ້າຫ້ອງຄຸ້ມຄອງຫຼັກສູດການສຶກສາ ວິທະຍາຄານຕໍາຫຼວດປະຊາຊົນ

• ພັອ ໂອລົມ ອິນທະວົງ ຮອງຫົວຫນ້າກອງບັນຊາການ ປກສ ແຂວງໄຊສົມບູນ

• ພັອ ກາຍຍະສອນ ສິງວິໄຊ ຮອງຫົວຫນ້າກອງບັນຊາການ ປກສ ແຂວງບໍ່ແກ້ວ

• ພັອ ສີວອນ ໄຊຍະວົງ ຮັກສາການຫົວຫນ້າກອງບັນຊາການ ປກສ ແຂວງອຸດົມໄຊ

• ພັອ ທອງຂຽວ ທໍາມະວົງ ຮອງຫົວຫນ້າກົມ 203 ກົມໃຫຍ່ສັນຕິບານ

ທັ້ງນີ້, ພົທ ວິໄລ ຫຼ້າຄໍາຟອງ ໄດ້ໃຫ້ທິດຊີ້ນໍາຕໍ່ຜູ້ທີ່ໄດ້ຮັບການເລື່ອນຊັ້ນໃນຄັ້ງນີ້ ຕະຫຼອດຮອດ ຄະນະພັກ-ຄະນະນໍາແຕ່ລະຂັ້ນ ຈົ່ງພ້ອມກັນເພີ່ມທະວີຮັກສາຄວາມສາມັກຄີພາຍໃນໃຫ້ຫນັກແຫນ້ນ ກໍຄື ຄວາມສາມັກຄີໃນລະບຽບຫຼັກການ, ຍົກສູງສະຕິຄວາມຮັບຜິດຊອບຕໍ່ຫນ້າທີ່ການເມືອງຂອງຕົນ, ມີຄວາມເປັນເອກະພາບພາຍໃນພັກ, ເປັນກໍາລັງແຮງອັນດຽວກັນ ເຊິ່ງຈະເປັນເງື່ອນໄຂພື້ນຖານ ໃນການຈັດຕັ້ງ ປະຕິບັດຫນ້າທີ່ວຽກງານການເມືອງ ໃຫ້ມີຜົນສໍາເລັດ ເພື່ອຫຼີກລ່ຽງຫາງສຽງ ແລະ ຮັບປະກັນຜົນປະ ໂຫຍດ ອັນຊອບທໍາ ໃນກົມກອງຂອງຕົນ.

ແຫຼ່ງຂໍ້ມູນ: ໜັງສືພິມ ຄວາມສະຫງົບ