ທ່ານ ພັນເອກ ສີດາ ໄຊຍະສິດ ມີລາຍໄດ້ຈາກການຂາຍສັດ ແລະ ພຶດຜັກຊະນິດຕ່າງໆປີໜຶ່ງບໍ່ຕໍ່າກວ່າ 30 ຫາ 50 ລ້ານກີບຕໍ່ປີ.
ຍ້ອນຄວາມດຸໝັ້ນ ໃນການທຳການຜະລິດປູກພືດຜັກຊະນິດຕ່າງໆຂາຍເພື່ອສ້າງລາຍໄດ້ເສີມໃຫ້ແກ່ຄອບຄົວ,ຫຼັງຈາກທີ່ວ່າເກັບກ່ຽວມ້ຽນມັດເຂົ້ານາສຳເລັດແລ້ວ ກໍ່ໄດ້ລົງມືປູກໝາກເຜັດ, ໝາກເຂືອ, ໝາກແຕງ, ສາລີ, ໝາກໂມ, ໝາກບວບ,ໝາກອຶ,ໝາກກ້ວຍ,ປູກຜັກກາດ,ຜັກບົ້ງ,ຜັກຫອມ, ສະລັດ,ກະທຽມ ແລະ ພືດຜັກຊະນິດອື່ນໆສົ່ງຂາຍປ້ອນໃຫ້ຕະຫຼາດເຊໂນ ມື້ໜຶ່ງຫຼາຍແສນກີບ
ທ່ານ ພັນເອກ ສີດາ ໄຊຍະສິດ ອາດີດຜູ້ບັນຊາການກອງພັນໃຫຍ່ 644 ໄດ້ໃຫ້ຮູ້ວ່າປະຈຸບັນອາຍຸຂອງເພີ່ນແມ່ນຢ່າງເຂົ້າສູ່ 65 ປີກວ່າແລ້ວ,ເຖິງແມ່ນວ່າຈະເຂົ້າຮັບເບ້ຍບຳນານແລ້ວກໍ່ຕາມ ແຕ່ກໍ່ຍັງແຂງແຮງດີ ມີຄວາມດຸໝັ້ນຂະຫຍັນພຽນ ໃນການປູກຜັກຂາຍ,ໂດຍໄດ້ເລີ່ມປູກມາແຕ່ປີ 1999 ເຖິງປະຈຸບັນ,
ເຊິ່ງແຕ່ລະປີພາຍຫຼັງເກັບກ່ຽວມ້ຽນມັດເຂົ້ານາປີສຳເລັດ ກໍ່ໄດ້ເລີ່ມລົງມືປູກໃສ່ໃນໄຮ່ນາລະຫວ່າງເດືອນ ມັງກອນ ຫາເດືອນມີນາ ໃນໄລຍະນີ້ຜັກຈະງາມ,ໃນເນື້ອທີ່ເກືອບເຮັກຕາ,ຂອງເນື້ອທີ່ ທີ່ເຮັດນາປີທັງໝົດ 2 ເຮັກຕາ,ໃນນີ້ໄດ້ແບ່ງເນື້ອທີ່ຂຸດໜອງສະ 3 ໜອງ 01 ເຮັກຕາເຄິ່ງ.ເພື່ອເກັບກັກນໍ້າໄວ້ໃຊ້ຫົດພຶດຜັກໃນລະດູແລ້ງ
ທ່ານ ພັນເອກ ສີດາ ໄຊຍະສິດ ໄດ້ໃຫ້ຮູ້ຕື່ມອີກວ່າ:
ໃນແຕ່ລະມື້ມີລາຍຮັບຈາກການຂາຍພືດຜັກຕ່າງໆຊິຕົກຢູ່ປະມານ 200.000 ກີບ ຫຼື ສະເລ່ຍເດືອນໜຶ່ງໄດ້ປະມານ 5 ລ້ານກີບ,ສະເພາະແຮງງານຕົ້ນຕໍແທ້ໆແມ່ນມີ 3 ຄົນ,ສ່ວນວ່າການລົງທຶນໃສ່ໃນປີນີ້ ມັນບໍ່ຫຼວງບໍ່ຫຼາຍປານໃດ,ແຕ່ຖ້າສະເລ່ຍລາຍຮັບໃນປີໜຶ່ງໆຈາກການຂາຍພຶດຜັກ,ງົວ,ແບ້,ໄກ່,ປາ ຊິຕົກຢູ່ປະມານ 40-50 ລ້ານກີບ.
ແຜນໃນຕໍ່ໜ້າຖ້າຫາກເຫື່ອແຮງຍັງມີຕົນເອງຍັງມີແມ່ນ ຈະໄດ້ຂະຫຍາຍເນື້ອທີ່ການປູກໃຫ້ຫຼາຍກວ່າເກົ່າ ເພື່ອສ້າງລາຍຮັບເຂົ້າສູ່ຄອບຄົວ ໃຫ້ກາຍເປັນຄອບຄົວຮັ່ງມີ %
ແຫຼ່ງຂໍ້ມູນ: ມີເດຍລາວ