ທີ່ ຫ້ອງວ່າການ ປົກຄອງນະຄອນຫຼວງວຽງຈັນ ໄດ້ຈັດກອງປະ ຊຸມ ເຜີຍແຜ່ຂໍ້ມູນຂ່າວສານ ແລະ ປຸກລະດົມຂໍຄວາມຮ່ວມມືເພື່ອເຝົ້າລະວັງປ້ອງກັນ ພະຍາດອັກເສບ ປອດຍ້ອນເຊື້ອຈຸລະໂລກໂຄໂຣນາ(nCOV) ເປັນປະທານຂອງ ທ່ານ ສີຫຸນ ສິດທິລືໄຊ ຮອງເຈົ້າຄອງ ນະຄອນ ຫຼວງວຽງຈັນທັງເປັນຫົວໜ້າຄະນະສະ ເພາະເພື່ອປ້ອງກັນ ຄວບຄຸມ ແລະ ແກ້ໄຂການລະ ບາດຂອງພະ ຍາດປອດອັກເສບຈາກເຊື້ອຈຸລະໂລກ ສາຍພັນໃໝ່ເປັນກຽດເຂົ້າຮ່ວມຂອງ ທ່ານ ສິນລະວົງ ຄຸດໄພທູນ ເຈົ້າຄອງນະຄອນ ຫຼວງວຽງຈັນ ພ້ອມດ້ວຍ ຫົວໜ້າ ຮອງ ພະແນກ ເຈົ້າເມືອງ ຮອງເຈົ້າເມືອງ ຫົວໜ້າຫ້ອງການສາທາລະນະສຸກ 9 ຕົວເມືອງ ຕາງ ໜ້າກະຊວງສາ ທາລະນະສຸກ ແລະ ພາກສ່ວນກ່ຽວຂ້ອງເຂົ້າ ຮ່ວມ.
ກອງປະຊຸມໃນຄັ້ງນີ້ເຈົ້າຄອງນະຄອນຫຼວງວຽງຈັນຕົກລົງແຕ່ງ ຕັ້ງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂການລະບາດຂອງພະຍາດປອດອັກເສບຈາກເຊື້ອຈຸລະໂລກ ສາຍພັນໃໝ່ ເຊິ່ງມີ ທ່ານ ສີຫຸນ ສິດທິລືໄຊ ຮອງເຈົ້າຄອງເປັນຫົວໜ້າຄະ ນະ ທ່ານ ຫົວໜ້າພະແນກ ສາທາລະນະສຸກນະຄອນຫຼວງວຽງ ຈັນເປັນຮອງຫົວໜ້າ ແລະ ມີ ຮອງຫົວໜ້າພະແນກການ ແລະ ຮອງເຈົ້າເມືອງ 9 ຕົວເມືອງເປັນກຳມະການ.
ສຳລັບນະຄອນຫຼວງວຽງຈັນໄດ້ເອົາໃຈໃສ່ເຝົ້າລະວັງພະຍາດນີ້ຢ່າງໃກ້ຊິດ ແລະ ຈັດຕັ້ງປະ ຕິບັດມາດຕະການປ້ອງກັນເລີ່ມແຕ່ມີການລະບາດຢູ່ ສປ ຈີນເປັນຕົ້ນມາ ຈົນເຖິງປັດຈຸບັນ ນະຄອນ ຫຼວງ ວຽງຈັນຍັງບໍ່ພົບກໍລະນີຄົນເຈັບຕິດເຊື້ອພະຍາດນີ້.
ແຫຼ່ງຂໍ້ມູນ: ພາບ-ຂ່າວ ເພັດສະໝອນ, ວຽງຈັນໃໝ່