ທີ່ເຂດເສດຖະກິດສະເພາະ ບຶງທາດຫຼວງ ນະຄອນຫຼວງວຽງຈັນ ມີພິທີວາງສີລາລືກ ໂຄງການກໍ່ສ້າງທາງດ່ວນນະຄອນຫຼວງວຽງຈັນ ໝາຍເລກ 1 ໂດຍການເຂົ້າຮ່ວມຂອງ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ມີບັນດາລັດຖະມົນຕີ ຮອງເຈົ້າຄອງນະຄອນຫຼວງ ບັນດາພະແນກການ ແລະ ພາກສ່ວນກ່ຽວຂ້ອງ.
ໂຄງການທາງດ່ວນວຽງຈັນ ໝາຍເລກ 1 ເປັນການລົງທຶນ ຂອງເອກະຊົນ 100% ໃນຮູບແບບ BOTອາຍຸສໍາປະທານ 50 ປີ ມີມູນຄ່າການລົງທຶນ ປະມານ 200 ລ້ານໂດລາ ປະມານ 1.778 ຕື້ກີບ (ໃນນີ້ ລວມມີຄ່າຊົດເຊີຍ ແລະ ທົດແທນມູນຄ່າເສຍຫາຍ ໃຫ້ຜູ້ຖືສິດນໍາໃຊ້ ແລະ ສິດໃຊ້ທີ່ດິນ ທີ່ຖືກໂຄງການກວມເອົາປະ ມານ 50 ລ້ານໂດລາສະຫະລັດ).
ສໍາລັບໄລຍະຂອງການກໍ່ສ້າງ ຄາດວ່າຈະໃຫ້ສໍາເລັດພາຍໃນ 24 ເດືອນ ຂະນະທີ່ຈະສຸມໃສ່ສ້າງໃຫ້ສໍາເລັດໄລຍະແຕ່ບຶງທາດຫຼວງ ຫາ ຖະໜົນ 450 ປີ ເພື່ອຄໍານັບຮັບຕ້ອນກອງປະຊຸມໃຫຍ່ຄັ້ງທີ XI ຂອງພັກ.
ແຫຼ່ງຂໍ້ມູນ: ວຽງຈັນໃໝ່
