ການສໍ້ລາດບັງຫຼວງ ທີ່ຫຼາຍຄົນຮູ້ຈັກກັນດີ, ເຊິ່ງລ້ວນແລ້ວແຕ່ແມ່ນການປະພຶດ, ການກະທໍາທີ່ ກໍ່ຄວາມເສຍ ຫາຍໃຫ້ແກ່ປະເທດຊາດ ເພື່ອແກ້ໄຂ ແລະ ອັດປ່ອງຮົ່ວໄຫຼຂອງງົບປະມານທີ່ຖືກພະນັກງານ ພາກລັດ ກອບໂກຍເອົາດ້ວຍການສໍ້ລາດບັງຫຼວງ, ພັກ-ລັດຖະບານ ຈຶ່ງສ້າງຕັ້ງຄະນະກໍາມະການກວດກາ ພັກ-ລັດ ຂຶ້ນມາ
ເພື່ອກວດກາ, ດູແລການປະພຶດ, ການກະທໍາຂອງບຸກຄົນ ຫຼື ກຸ່ມຄົນບໍ່ດີ ທີ່ສວຍໂອກາດ ຖືເອົາຫນ້າທີ່ອໍານາດມາບັງ ຫນ້າ ເພື່ອສະແຫວງຫາຜົນປະໂຫຍດສ່ວນຕົວ ຈົນເຮັດໃຫ້ເສຍຊັບສົມບັດຂອງ ລັດໄປທີ່ໄດ້ມາຈາກຢາດເຫື່ອແຮງງານຂອງປະຊາຊົນທັງຊາດ ດ້ວຍການເສຍພັນທະພາສີໃຫ້ລັດໃນແຕ່ລະ
ບັນຫາດັ່ງກ່າວນີ້, ຖ້າຈະຍົກຂຶ້ນມາໄຈ້ແຍກໃຫ້ລະອຽດຖີ່ຖ້ວນແລ້ວ ມັນກໍມີຫຼາຍດ້ານໂດຍ ສະເພາະແມ່ນການສໍ້ໂກງຈາກໂຄງ ການຕ່າງໆຂອງລັດ ທີ່ບໍ່ມີຕົວຕົນຢູ່ບັນດາ ແຂວງ, ໂຄງການທີ່ຈ່າຍງົບ ປະມານເກີນ ແລະ ຊຶ້ງຊ້ອນຢູ່ບັນດາກະຊວງ-ອົງການ ແລະ ບັນດາແຂວງ-ນະຄອນຫຼວງ;
ນອກນີ້, ບາງຄົນ ຍັງກອບໂກຍເອົາເງິນບາງຮ່ວງຂອງໂຄງການລົງທຶນ, ໂຄງການກໍ່ສ້າງຕ່າງໆຂອງລັດມາເປັນຂອງຕົນເອງ ດ້ວຍຫຼາຍວິທີທີ່ແຕກຕ່າງກັນໄປ ແລະ ແນບນຽມທີ່ສຸດ ຖ້າບໍ່ມີການກວດສອບຢ່າງລະອຽດຖີ່ຖ້ວນ ອາດຈະບໍ່ພົບເຖິງການກະທໍາຜິດ ຫຼື ພຶດຕິກໍາຂອງພວກເຂົາ;
ຕໍ່ກັບບັນຫາດັ່ງກ່າວນີ້ ມັກຈະເກີດຂຶ້ນຢູ່ຕາມ ອົງການບໍລິຫານແຫ່ງລັດ ແລະ ອົງການຈັດຕັ້ງ ມະຫາຊົນອື່ນໆ ທີ່ກິນເງິນເດືອນນໍາງົບປະມານ ແຫ່ງລັດ, ຖ້າເກີດຢູ່ໃນບ່ອນທີ່ມີເສດຖະກິດກໍມັກຈະເກີດຂຶ້ນຢູ່ຕາມລັດວິສາຫະ ກິດຕ່າງໆ ເຊິ່ງອົງການເຫຼົ່ານັ້ນ ກໍລ້ວນແຕ່ມີມາດຕະການອັນເຂັ້ມງວດໃນການສະກັດກັ້ນ ແລະ ປາບປາມບໍ່ໃຫ້ມັນເກີດຂຶ້ນ; ການສໍ້ລາດບັງຫຼວງທີ່ເກີດຂຶ້ນໃນຖັນແຖວໃດກໍຕາມ ລ້ວນແລ້ວແຕ່ມີການວາງແຜນ-ຫ້າງຫາກະກຽມໄວ້ລ່ວງຫນ້າແລ້ວ, ມີທັງການປ້ອງກັນຜົນຮ້າຍທີ່ຈະເກີດຂຶ້ນແກ່ຕົນເອງດ້ວຍຫຼາຍຮູບແບບ, ມີວິທີແກ້ຕົວ ແລະ ມີວິທີປັດປ່າຍຄວາມຜິດໄປໃສ່ຜູ້ອື່ນຢ່າງຫນ້າຕາເສີຍ ໂດຍສັງຄົມຮັບເອົາບໍ່ໄດ້ ຖ້າວ່າ ບໍ່ສອບສວນ ຫຼື ຊອກຫາເນື້ອແທ້ ຂອງການກະທໍາຜິດຂອງບຸກຄົນເຫຼົ່ານັ້ນແມ່ນຍາກທີ່ຈະພົບເຫັນຄວາມຜິດຂອງພວກເຂົາກໍຂຶ້ນ.
ທ່ານ ສີໃນ ມຽງລາວັນ ຮອງປະທານຄະນະກວດກາສູນກາງພັກ ແລະ ອົງການກວດກາລັດຖະບານ, ຮອງຫົວ ຫນ້າອົງການຕ້ານການສໍ້ລາດບັງຫຼວງຂັ້ນສູນກາງກ່າວໃນພິທີສະເຫຼີມສະຫຼອງວັນສ້າງຕັ້ງອົງການ ກວດກາພັກ-ລັດ ຄົບຮອບ 38 ປີ ໃນວັນທີ 18 ກຸມພາ 2020 ວ່າ:
ຜ່ານມາ, ອົງການກວດກາພັກ-ລັດ ໄດ້ເອົາໃຈໃສ່ຈັດຕັ້ງການ ໂຄສະນາເຜີຍແຜ່ຢ່າງແຂງແຮງ, ກວ້າງຂວາງໃຊ້ຫຼາຍຮູບການ, ຫຼາຍວິທີການໃຫ້ທຸກການຈັດຕັ້ງພັກ-ລັດ, ການຈັດຕັ້ງເສດຖະກິດ-ສັງຄົມ, ສະມາຊິກພັກ, ພະ ນັກງານ, ທະຫານ, ຕໍາຫຼວດ ແລະ ພົນລະເມືອງຮັບຮູ້ເຂົ້າໃຈຜົນຮ້າຍ ແລະ ໄພອັນຕະລາຍຂອງພະຍາດອາດຍາສິດ, ແນວຄິດເອກະຊົນ, ການສໍ້ລາດບັງຫຼວງ ແລະ ປະກົດການຫຍໍ້ທໍ້ຕ່າງໆ ເພື່ອປ້ອງກັນບໍ່ໃຫ້ເກີດຂຶ້ນ.
ແຕ່ເຖິງຢ່າງໃດກໍຕາມ, ຕະຫຼອດໄລຍະທີ່ຜ່ານມາ ອົງການກວດກາພັກ -ລັດ ແຕ່ລະຂັ້ນໄດ້ຕັ້ງຫນ້າປະຕິບັດສິດ, ຫນ້າທີ່ ຄວາມຮັບຜິດຊອບຢ່າງແຂງແຮງ ສາມາດຍາດໄດ້ຜົນງານຫຼາຍດ້ານໃນວຽກງານຕິດຕາມ, ກວດກາພັກ, ຕິດຕາມ, ກວດກາລັດ, ການສະກັດກັ້ນ ແລະ ຕ້ານການສໍ້ລາດບັງຫຼວງ ອັນພົ້ນເດັ່ນໄດ້ຈັດຕັ້ງຄະນະກວດກາສະເພາະກິດ (ພິເສດ) ດໍາເນີນການກວດກາໂຄງການບໍ່ມີຕົວຕົນຢູ່ແຂວງອຸດົມໄຊ ແລະ ຫຼວງນ້ໍາທາ, ໂຄງການຈ່າຍງົບປະມານເກີນ ແລະ ຈ່າຍຊໍ້າຊ້ອນຢູ່ບັນດາກະຊວງ-ອົງການ ແລະ ບັນດາແຂວງນະຄອນຫຼວງ;
ຜ່ານການກວດກາ ພົບເຫັນຜົນເສຍຫາຍ 857 ຕື້ກວ່າກີບ; ໃນນີ້, ເກັບກູ້ຄືນໃຫ້ລັດແລ້ວ 229 ຕື້ກວ່າກີບ, 12 ລ້ານກວ່າບາດ ແລະ 622.000 ກວ່າໂດລາ; ຕໍ່ກັບຜົນເສຍຫາຍດັ່ງກ່າວພົວພັນນໍາ ພະນັກງານຂອງລັດ ແລະ ຜູ້ປະກອບການທັງຫມົດ 228 ຄົນ, ຖືກປະຕິບັດວິໄນ ທັງຫມົດ 182 ຄົນ, ໃນນີ້, ຖືກດໍາເນີນຄະດີ 48 ຄົນ.
ຢ່າງໃດກໍຕາມ, ບັນຫາການສໍ້ລາດບັງຫຼວງທີ່ເກີດຂຶ້ນຢູ່ໃນສັງຄົມທຸກວັນນີ້ແມ່ນບັນຫາສໍາຄັນຂອງ ຊາດ ເພາະມັນເປັນບັນຫາລວມທີ່ພັກ-ລັດ ແລະ ພະນັກງານທຸກຂັ້ນ ຕ້ອງຮ່ວມໃຈກັນສະກັດກັ້ນ ແລະ ແກ້ໄຂບັນຫາເຫຼົ່ານີ້ໃຫ້ຫຼຸດຫນ້ອຍຖອຍລົງ; ຖ້າວ່າກວດສອບເຫັນພຶດຕິກໍາການສໍ້ລາດບັງຫຼວງ ຄວນໃຊ້
ມາດຕະການເດັດຂາດໃນການປັບໃຫມໃສ່ໂທດ ຫຼື ດໍາເນີນຄະດີຕາມລະບຽບກົດຫມາຍຕໍ່ຜູ້ລະເມີດ ເພື່ອບໍ່ ໃຫ້ບຸກຄົນອື່ນເອົາໄປເປັນແບບ ຢ່າງກະທໍາຜິດໃນຮູບແບບຕ່າງໆທີ່ເປັນການສໍ້ລາດບັງຫຼວງອີກ, ຖ້າບໍ່ມີການສໍ້ລາດບັງຫຼວງຂອງພະນັກງານລັດຢູ່ບັນດາກະຊວງ-ອົງການ, ບັນດາແຂວງ ເຊື່ອວ່າການຮົ່ວໄຫຼງົບ ປະມານຂອງລັດກໍຈະບໍ່ເກີດຂຶ້ນ.
ແຫຼ່ງຂໍ້ມູນ: ຂ່າວ ປກສ
