ເພື່ອເປັນການອະນຸລັກຮັກສາ ເອກະລັກ ວັດທະນະທຳ ຮີດຄອງປະເພນີອັນດີງາມ ຂອງຊາດ ແລະ ຂອງທ້ອງຖີ່ນ ໃຫ້ເປັນທີ່ເຜີຍແຜ່ ກວ້າງຂວາງ ແລະ ສົ່ງເສີມການທ່ອງທ່ຽວຢ່າງຕັ້ງໜ້າຊາວເມືອງປາກລາຍ ແຂວງ ໄຊຍະບູລີ.
ເຊີນຊວນທຸກທ່ານ ຍາດພີ່ນ້ອງທັງໃກ້ ແລະ ໄກ ມາທ່ຽວງານເທດສະການ ບຸນພະເຫວດສັນດອນຊາດົກ ແຫ່ງເອກະລັກແຫ່ຜີໂຂນເຂົ້າເມືອງ ເຊີ່ງຈະຈັດຂື້ນໃນລະຫວ່າງ ວັນທີ 4-9 ມີນາ 2020 ນີ້.
ເຊິ່ງພາຍໃນງານຈະມີຫຼາກຫຼາຍກິດຈະກຳ ຮອງຮັບຄວາມເບີກບານມ່ວນຊື່ນ ແຫ່ງສີສັນວັດທະນະທຳເຜົ່າ ເວທີປະກວດນາງງາມແຫ່ງທິດາພະເຫວດສັນດອນຊາດົກ ຮ່ວມເຊຍການແຂ່ງຂັນເຮືອຊ່ວງ 12 ສີພາຍ ພ້ອມເຂົ້າມາເປັນສ່ວນໜຶ່ງໃນການຊ່ວຍສົ່ງເສີມສິນຄ້າ ຕະຫຼາດນັດມວນຊົນຂອງປະຊາຊົນໃນຂົງເຂດນີ້ດ້ວຍ.
ນອກນີ້ ຜູ້ເຂົ້າຮ່ວມງານຍັງຈະໄດ້ເພີດເພີນໄປກັບດົນຕີມະໂຫລີປະສົມປະສານນັກສິລະປິນທີ່ມີຊື່ສຽງມາກໜ້າຫຼາຍຕາ ມາຮ່ວມສ້າງສີສັນ ໃຫ້ທຸກທ່ານໄດ້ມ່ວນຊື່ນ ຢ່າລືມມາເປັນສ່ວນຮ່ວມ ສົ່ງເສີມການທ່ອງທ່ຽວ ແລະ ປະກອບສ່ວນພັດທະນາເມືອງປາກລາຍຂອງພວກເຮົາໃນໂອກາດນີ້ດ້ວຍ.
