ທີ່ອົງການກວດສອບແຫ່ງລັດ ຈັດພິທີມອບໃບຢັ້ງຢືນໃຫ້ນັກກວດສອບ ຂັ້ນ 1 ຈຳນວນ 8 ທ່ານ ຍິງ 1 ທ່ານ ແລະ ເຜີຍແຜ່ເອກະສານກ່ຽວກັບຂໍ້ຕົກລົງວ່າດ້ວຍການກໍານົດຂັ້ນນັກກວດສອບແຫ່ງລັດ ທີ່ອົງການກວດສອບແຫ່ງລັດ.
ໃຫ້ກຽດມອບໃບຢັ້ງຢືນແກ່ນັກກວດສອບແຫ່ງລັດໃນຄັ້ງນີ້ ໂດຍທ່ານ ເຄນ ລໍວັນໄຊ ຮອງປະທານອົງການກວດສອບແຫ່ງລັດ ມີບັນດາຫົວໜ້າກົມ ຮອງກົມ ແລະ ພາກສ່ວນກ່ຽວຂ້ອງເຂົ້າຮ່ວມ.
ການມອບໃບຢັ້ງຢືນໃນຄັ້ງນີ້ ແມ່ນເປັນຄັ້ງທໍາອິດໃນການຮັບຮອງເອົານັກກວດສອບຂັ້ນ 1 ເຊິ່ງໄດ້ດຳເນີນການເຝິກອົບຮົມລະຫວ່າງວັນທີ 19 ທັນວາ 2019 ຫາ 17 ມັງກອນ 2020 ໃນການສອບເສັງຄັດເລືອກເພື່ອໃຫ້ໄດ້ຕາມມາດຖານ ແລະ ເງື່ອນໄຂທີ່ໄດ້ກຳນົດໄວ້ ໃນຂໍ້ຕົກລົງວ່າດ້ວຍຂໍ້ກຳນົດຂັ້ນນັກກວດສອບແຫ່ງລັດ ສະບັບເລກທີ 462/ອກສລ ລົງວັນທີ 7 ເມສາ 2017.
ເພື່ອເຂົ້າຮຽນໃນຫຼັກສູດເຝິກອົບຮົມນັກກວດສອບແຫ່ງລັດຂັ້ນ 1 ພາຍຫຼັງສຳເລັດອົບຮົມຕາມຫຼັກສູດຂອງສະຖາບັນເຝິກອົບຮົມ ອົງການກວດສອບແຫ່ງລັດ ສອບເສັງໄດ້ຄະແນນຕາມລະດັບຄາດໝາຍ 12 ທ່ານ ຍິງ 3 ທ່ານ ເຊິ່ງໄດ້ຈັດພິທີມອບໃບຢັ້ງຢືນຢູ່ອົງການກວດສອບພາກໃຕ້ໄປແລ້ວ 4 ທ່ານ ຍິງ 2 ທ່ານ ເຊິ່ງພາຍຳເລັດການເຝິກອົບຮົມ ນັກກວດສອບຈະໄດ້ນຳເອົາຄວາມຮູ້ທີ່ໄດ້ຮຽນມາ ໄປຈັດຕັ້ງຜັນຂະຫຍາຍໃນໜ້າທີ່ວຽກງານວິຊາສະເພາະໃຫ້ເກີດປະໂຫຍດສູງສຸດ.
ແຫຼ່ງຂໍ້ມູນ: ວຽງຈັນໃໝ່