5 ທັບນັກກິລາຊ໋ອບເທັນນິດທີມຊາດລາວ ເຂົ້າຮ່ວມຊີງໄຊ 3 ລາຍການ ປະເພດດ່ຽວ, ທີມຄູ ແລະ ທີມຊຸດຊາຍ ການແຂ່ງຂັນກິລາຊ໋ອບເທັນນິດຊີງແຊ໋ມໂລກ ຫຼື ລາຍການ ເດີ ຄິງ ຄັບ ເວີດທົວມາສເຕີ 2020 ອິນເຕີເນເຊິນນອລ ຊ໋ອບ ເທັນນິດ ແຊ໋ມປ້ຽນຊິບ (The King’s Cup World Tour Master 2020 Internationnal Soft Tennis ChampionShips) ລະຫວ່າງວັນທີ 9-15 ມີນານີ້ ທີ່ແຂວງພັດທະຍາ ຣາຊະອານາຈັກໄທ ຮັບກຽດເປັນເຈົ້າພາບ ໂດຍມີ 4 ຊາດເຂົ້າຮ່ວມຊີງໄຊ.
ການແຂ່ງຂັນກິລາຊ໋ອບເທັນນິດ ລາຍການ ເດີ ຄິງ ຄັບ ເວີດທົວມາສເຕີ 2020 ອິນເຕີເນເຊິນນອລ ຊ໋ອບ ເທັນນິດ ແຊ໋ມປ້ຽນຊິບ ລະຫວ່າງວັນທີ 9-15 ມີນາ 2020 ທີ່ແຂວງດັ່ງກ່າວ ເບື້ອງຕົ້ນຈະມີຫຼາຍປະເທດເຂົ້າຮ່ວມແຂ່ງຂັນແຕ່ຍ້ອນ ສະພາບພະຍາດສາຍພັນໃໝ່ ໂຄວິດ-19 ແຜ່ລະບາດໜັກ.
ຈຶ່ງມີນັກກິລາພຽງ 4 ຊາດ ເຂົ້າຮ່ວມແຂ່ງຂັນ ປະກອບມີ ເຈົ້າພາບ ໄທ, ມາເລເຊຍ, ອິນໂດເນເຊຍ ແລະ ສປປ ລາວ, ໃນນັ້ນ ມີການຊີງໄຊກັນທັງໝົດ 6 ລາຍການ ຄື ປະເພດດ່ຽວຍິງ-ຊາຍ, ທີມຄູ່ຍິງ-ຊາຍ ແລະ ທີມຊຸດຍິງ-ຊາຍ ແຕ່ສະເພາະລາວ ສົ່ງພຽງ 3 ລາຍການ ກໍຄື ດ່ຽວ, ທີມຄູ່ ແລະ ທີມຊຸດ ປະເພດຊາຍເທົ່ານັ້ນ.
ແຫຼ່ງຂໍ້ມູນ: Lao su su ລາວ ສູ້ ສູ້