ບັນດາພະນັກງານວິຊາການ ສະເພາະກິດຕ້ານພະຍາດໄວ ຣັດອັກ ເສບປອດສາຍພັນໃໝ່ COVID-19 ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ ໄດ້ຈັດຕັ້ງບັ້ນຝຶກອົບຮົມກ່ຽວກັບຫລັກການປ້ອງກັນ ແລະ ຕອບໂຕ້ພະຍາດໂຄວິດ-19 ຂຶ້ນ
ໂດຍການເຂົ້າຂອງ ທ່ານ ພັທ ດຣ ໂພສະເດັດ ເສນາມຸນຕີ ຫົວໜ້າການທະຫານ, ມີບັນຄະນະພັກ-ຄະນະບັນຊາ, ພະນັກງານວິຊາການ, ຈຸທີມງານສະເພາະກິດຕ້ານພະຍາດໂຄວິດ ເຂົ້າຮ່ວມ.
ທ່ານ ພັນເອກ ດຣ. ຮາເຖເຕິນ ຜູ້ຊ່ຽວຊານດ້ານລະບາດວິທະຍາ ກອງທັບປະຊາຊົນຫວຽດນາມ (ວິທະຍາກອນ) ໄດ້ສະເໜີໃຫ້ຄວາມຮູ້ກ່ຽວກັບສະພາບການລະບາດຂອງພະຍາດອັກເສບປອດສາຍພັນໃໝ່ COVID-19 ທີ່ແຜ່ລະບາດໄປທົ່ວໂລກໃນໄລຍະ 4 ເດືອນຜ່ານມາ
ໂດຍສະເພາະໃນຂົງເຂດປະເທດອາຊີ ເຮັດໃຫ້ມີຜູ້ຄົນຈໍານວນຫລາຍເຈັບປ່ວຍ ແລະ ເສຍຊີວິດເປັນຈໍານວນຫລາຍ;
ພ້ອມນັ້ນ ໄດ້ສະເໜີໃຫ້ຄວາມຮູ້ປະສົບການບົດຮຽນການປ້ອງກັນ, ການກະກຽມຄວາມພ້ອມທາງດ້ານວິຊາການ, ພາຫະ ນະເຕັກນິກ, ເຄື່ອງມື, ວັດຖຸອຸປະກອນ ແລະ ນໍ້າຢາຂ້າເຊື້ອທີ່ຈໍາເປັນ, ລວມທັງຫລັກການນໍາໃຊ້ຊຸດເຄື່ອງປ້ອງກັນ, ການປະສົມຢາເຄມີຂ້າເຊື້ອ, ຫລັກການພົ່ນຢາທີ່ຖືກຕ້ອງ, ຫລັກການທໍາລາຍສິ່ງເສດເຫລືອໃນເວລາປະຕິບັດການຂອງວິຊາການຕ້ານພະຍາດໂຄວິດ-19.
ຜູ້ຊ່ຽວຊານດ້ານລະບາດວິທະຍາ ກອງທັບປະຊາຊົນຫວຽດນາມ ຍັງໄດ້ເນັ້ນໜັກຫລັກການກັກກັນຕົນເອງ, ວິທີປ້ອງກັນຕົນເອງ-ຄອບຄົວ, ຊຸມຊົນ ເປັນຕົ້ນ ແມ່ນເວລາຢູ່ເຮຶອນ, ຫ້ອງການໃຫ້ໄຂປະຕູ, ປ່ອງຢ້ຽມເພື່ອໃຫ້ອາກາດລ່ວງລະບາຍເຊື້ອພະຍາດອອກສູ່ແດດພາຍນອກພະຍາດຈະຕາຍ, ໝັ່ນຕາກເຄື່ອງນຸ່ງ-ເຄຶື່ອງນອນ, ເກີບ, ໝັ່ນລ້າງມືດ້ວຍເຈວປະສົມເຫລົ້າ 70-90 ອົງສາ,
ເນັ້ນລ້າງດ້ວຍສະບູຈະໄດ້ຮັບຜົນດີກວ່າ, ຫລີກເວັ້ນການເປີດແອ ເພາະອຸນຫະພູມຕໍ່າຈະກາຍເປັນບ່ອນບົ່ມຊ້ອນພະຍາດໂຄວິດໄດ້ດົນ ແລະ ສາມາດຕິດແປດໄດ້ງ່າຍ.
ແຫຼ່ງຂໍ້ມູນ: ໂດຍ. ອ້ອຍພັນ, ຂປລ