ຄະນະສະເພາະກິດ ແມ່ນມີຄວາມເປັນຫ່ວງເປັນໄຍ ຕໍ່ສຸຂະພາບຂອງປະຊາຊົນ ເປັນທີ່ສຸດ, ການວາງມາດຕະການຫຼາຍໆຢ່າງ ແມ່ນເພື່ອຫຼຸດຜ່ອນ ແລະ ຢັບຢັ້ງການລະບາດແຜ່ລາມຂອງພະຍາດ, ແຕ່ວ່າໃນບາງເຂດ, ບາງພາກສ່ວນ ແລະ ບາງຄົນຍັງຖືເບົາ ບໍ່ເຫັນຄວາມສໍາຄັນ ໃນການຈັດຕັ້ງປະຕິບັດ ໂດຍສະເພາະການຈໍາກັດບໍລິເວນ ເມື່ອເປັນຜູ້ສໍາຜັດໃກ້ຊິດຜູ້ຕິດເຊື້ອ ຫຼື ເດີນທາງມາແຕ່ເຂດລະ ບາດ ມັນເຮັດໃຫ້ສະພາບການລະບາດແມ່ນມີການຂະຫຍາຍອອກ.
ຕົວຢ່າງຈາກກໍລະນີ ຜູ້ຕິດເຊື້ອລາຍ 19: “ແມ່ນກໍບໍລິເວນຕົນເອງບໍ່ເຂັ້ມງວດ! ຮອດມື້ທີ 12-13 ແມ່ນຍັງອອກໄປຊຸມແຊວກັບໝູ່“.
ບໍ່ຢາກໃຫ້ເຫດກໍລະນີແບບນີ້ເກີດຂຶ້ນອີກ.
ຮຽກຮ້ອງໃຫ້ບັນດາທ່ານ ທີ່ສຳຜັດກັບຄົນທີ່ຕິດເຊື້ອ ຕ້ອງຈຳກັດຕົນເອງຈົນຮອດ 14 ວັນ, ຖ້າມີອາການເລັກນ້ອຍ ໃຫ້ມາກວດຢູ່ໂຮງໝໍ (ບໍລິການຟຣີສຳລັບທຸກຄົນ).
ຄະນະສະເພາະກິດ ຈະຂະຫຍາຍວົງກວ້າງ ໂດຍສະເພາະແຮງງານທີ່ກັບມາຈາກຕ່າງປະເທດ ແນະນຳໃຫ້ຜູ້ມີອາການໄຂ້ ຫຼືເຈັບຄໍເລັກນ້ອຍແມ່ນໃຫ້ໄປກວດ ຫຼືໂທປຶກສາຫາລື ທີ່ເບີ: 165 ຫຼື 166.
ອາທິດທີ່ຈະມາເຖິງນີ້ ແມ່ນເປັນບຸນປີໃຫມ່ລາວ ແມ່ນຢາກຮຽກຮ້ອງໃຫ້ທຸກໆຄົນ ເອົາໃຈໃສ່ຮ່ວມທີ່ສຸດ ໃນການຈັດຕັ້ງປະຕິບັດ ຄໍາສັ່ງ ເລກທີ 06/ ນຍ ທີ່ໄດ້ເນັ້ນໜັກຈໍາກັດການເດີນທາງ, ຈໍາກັດການອອກເຮືອນ ຖ້າບໍ່ຄວາມຈໍາເປັນແທ້, ໃຫ້ມີການຮັກສາໄລຍະຫ່າງ, ຫຼີກລ້ຽງງານຊຸມແຊວເປັນກຸ່ມ, ການປະກອບວຽກງານທາງສາດສະຫນາກໍ່ຄວນປະຕິບັດແບບບໍ່ການລວມກຸ່ມໃຫ່ຍ.
ຈາກການລາຍງານຂອງທ່ານ ດຣ.ພອນປະດິດ ສັງໄຊຍະລາດ ຫົວໜ້າສູນວິເຄາະແຫ່ງຊາດ ໃນລາຍການສົດໂທລະພາບລາວ ຊ່ອງ 1 ຕອນບ່າຍ ວັນທີ່ 12 ເມສາ 2020.