ນະຄອນຊຽງໄຮ້ ສປ ຈີນ ໄດ້ມອບອຸປະກອນການແພດ ຕ້ານພະຍາດໂຄວິດ-19 ໃຫ້ ນະຄອນຫລວງວຽງຈັນ ໃນວັນທີ 21 ເມສາ 2020
ໃນນັ້ນປະກອບມີ: ຜ້າອັດປາກ-ດັງ N95 ຈໍານວນ 3.000 ອັນ, ຜ້າອັດປາກແພດນໍາ ໃຊ້ທົ່ວໄປ 30.000 ອັນ ແລະ ຊຸດປ້ອງກັນພະຍາດ 400 ຊຸດ ລວມມູນຄ່າທັງໝົດ 13.500 ໂດລາສະຫະລັດ ຫລື ປະມານ 128 ລ້ານກີບ.
ເພື່ອຮັບໃຊ້ເຂົ້າໃນວຽກ ງານຄວບຄຸມ ແລະ ປ້ອງກັນພະຍາດໂຄວິດ-19 ເຊິ່ງຕ່າງໜ້າມອບໂດຍທ່ານ ຈຽງ ຈາຍຕົງ ເອກອັກຄະລັດຖະທູດ ແຫ່ງ ສປ ຈີນ ປະຈໍາ ສປປ ລາວ.
ໂອກາດນີ້, ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ ກໍໄດ້ຕາງໜ້າໃຫ້ແກ່ອຳນາດການປົກ ຄອງນະຄອນຫລວງວຽງຈັນ ສະແດງຄວາມຂອບອົກ ຂອບໃຈມາຍັງທ່ານ ຈຽງ ຈາຍຕົງ ກໍຄື ນະຄອນຊຽງໄຮ້ ທີ່ໄດ້ປະກອບສ່ວນຄວາມສຳຄັນໃນວຽກງານຕ້ານ ການແຜ່ລະບາດ ພະຍາດໂຄວິດ-19 ຢູ່ ສປປ ລາວ
ແລະ ທ່ານໄດ້ສະແດງຄວາມຢືນຢັນວ່າ ຈະນຳເຄື່ອງຊ່ວຍເຫລືອດັ່ງກ່າວ ໄປນຳໃຊ້ໃຫ້ເກີດຜົນປະໂຫຍດສຸງສຸດ ເພື່ອສະກັດກັ້ນບໍ່ໃຫ້ເຊື້ອພະຍາດດັ່ງກ່າວ ຂະຫຍາຍອອກເປັນວົງກວ້າງ ແລະ ເຮັດໃຫ້ ສປປ ລາວ ກັບຄືນສູ່ສະພາບປົກກະຕິໂດຍໄວ.
ແຫຼ່ງຂໍ້ມູນ: ຂ່າວ: ກິດຕາ, ຂປລ