ກະຊວງສາທາລະນະສຸກ ໄດ້ເປີດເຜີຍຕົວເລກ ຄົນເຈັບຕິດເຊື້ອໄຂ້ຍຸງລາຍ ນັບແຕ່ວັນທີ 28 ທັນວາ 2019 ຫາ ວັນທີ 24 ເມສາ 2020 ໄດ້ມີກໍລະນີສະສົມຄົນເຈັບພະຍາດໄຂ້ຍຸງລາຍທົ່ວປະເທດ ທັງໝົດ 904 ກໍລະນີ, ເສຍຊີວິດ 1 ກໍລະນີ.
ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໃຫ້ຮູ້ຕື່ມວ່າ:
ສະເພາະນະຄອນຫລວງວຽງຈັນ ແມ່ນມີອັດຕາການຕິດເຊື້ອໃນອັນດັບສູງກວ່າ ຊຶ່ງມີຈຳນວນທັງໝົດ 283 ກໍລະນີ, ເປັນຍິງ 143 ກໍລະນີ;
ຮອງລົງມາແມ່ນແຂວງອັດຕະປື 153 ກໍລະນີ, ແຂວງວຽງຈັນ 105 ກໍລະນີ, ສາລະວັນ 62 ກໍລະນີ, ຄຳມ່ວນ 62 ກລະນີ, ບໍລິຄຳໄຊ 55 ກໍລະນີ, ສະຫວັນນະເຂດ 48 ກໍລະນີ, ໄຊຍະບູລີ 37 ກໍລະນີ, ຫລວງນ້ຳທາ 37 ກໍລະນີ, ເຊກອງ 27 ກໍລະນີ, ອຸດົມໄຊ 21 ກໍລະນີ ແລະ ແຂວງອື່ນໆ ຕາມລຳດັບ.
ກົມຄວບຄຸມພະຍາດຕິດຕໍ່ ຍັງໄດ້ລະບຸຕົວເລກຜູ້ຕິດເຊື້ອທີ່ບໍ່ມີອາການເຕືອນ ໃນວັນທີ 24 ເມສາ 2020 ມີຈຳນວນ 13 ກໍລະນີ:
ຢູ່ນະຄອນຫລວງວຽງຈັນ 3 ກໍລະນີ (ເສຍຊີວິດ 1 ຄົນ), ແຂວງວຽງຈັນ 3 ກໍລະນີ, ໄຊຍະບູລີ 4 ກໍລະນີ, ແຂວງຄຳມ່ວນ, ບໍລິຄຳໄຊ ແລະ ສະຫວັນນະເຂດ ແຂວງລະ 1 ຄົນ.
ເພື່ອເປັນການປ້ອງກັນພະຍາດໄຂ້ຍຸງລາຍ ບໍ່ໃຫ້ມີການແຜ່ລະບາດແຜ່ລາມເປັນວົງກວ້າງ ແລະ ບໍ່ໃຫ້ມີກໍລະນີໃໝ່ນັ້ນ ທຸກຄົນຄວນພ້ອມກັນປ້ອງກັນບໍ່ໃຫ້ຍຸງລາຍກັດ ໄປຄຽງຄູ່ກັບການປະຕິບັດຫລັກການ 5 ປ ທີ່ກະຊວງສາທາລະນະສຸກວາງອອກເປັນປະຈຳ ໂດຍສະເພາະທຳລາຍແຫລ່ງເພາະພັນໜອນນ້ຳຍຸງລາຍ ບໍ່ມີໜອນນ້ຳ ກໍຈະບໍ່ມີຍຸງລາຍ.
ແຫຼ່ງຂໍ້ມູນ: ຂ່າວ: ມະນີທອນ, ຂປລ
ກະຊວງສາທາລະນະສຸກ ໄດ້ເປີດເຜີຍຕົວເລກ ຄົນເຈັບຕິດເຊື້ອໄຂ້ຍຸງລາຍ ນັບແຕ່ວັນທີ 28 ທັນວາ 2019 ຫາ ວັນທີ 24 ເມສາ 2020 ໄດ້ມີກໍລະນີສະສົມຄົນເຈັບພະຍາດໄຂ້ຍຸງລາຍທົ່ວປະເທດ ທັງໝົດ 904 ກໍລະນີ, ເສຍຊີວິດ 1 ກໍລະນີ.
ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໃຫ້ຮູ້ຕື່ມວ່າ:
ສະເພາະນະຄອນຫລວງວຽງຈັນ ແມ່ນມີອັດຕາການຕິດເຊື້ອໃນອັນດັບສູງກວ່າ ຊຶ່ງມີຈຳນວນທັງໝົດ 283 ກໍລະນີ, ເປັນຍິງ 143 ກໍລະນີ;
ຮອງລົງມາແມ່ນແຂວງອັດຕະປື 153 ກໍລະນີ, ແຂວງວຽງຈັນ 105 ກໍລະນີ, ສາລະວັນ 62 ກໍລະນີ, ຄຳມ່ວນ 62 ກລະນີ, ບໍລິຄຳໄຊ 55 ກໍລະນີ, ສະຫວັນນະເຂດ 48 ກໍລະນີ, ໄຊຍະບູລີ 37 ກໍລະນີ, ຫລວງນ້ຳທາ 37 ກໍລະນີ, ເຊກອງ 27 ກໍລະນີ, ອຸດົມໄຊ 21 ກໍລະນີ ແລະ ແຂວງອື່ນໆ ຕາມລຳດັບ.
ກົມຄວບຄຸມພະຍາດຕິດຕໍ່ ຍັງໄດ້ລະບຸຕົວເລກຜູ້ຕິດເຊື້ອທີ່ບໍ່ມີອາການເຕືອນ ໃນວັນທີ 24 ເມສາ 2020 ມີຈຳນວນ 13 ກໍລະນີ:
ຢູ່ນະຄອນຫລວງວຽງຈັນ 3 ກໍລະນີ (ເສຍຊີວິດ 1 ຄົນ), ແຂວງວຽງຈັນ 3 ກໍລະນີ, ໄຊຍະບູລີ 4 ກໍລະນີ, ແຂວງຄຳມ່ວນ, ບໍລິຄຳໄຊ ແລະ ສະຫວັນນະເຂດ ແຂວງລະ 1 ຄົນ.
ເພື່ອເປັນການປ້ອງກັນພະຍາດໄຂ້ຍຸງລາຍ ບໍ່ໃຫ້ມີການແຜ່ລະບາດແຜ່ລາມເປັນວົງກວ້າງ ແລະ ບໍ່ໃຫ້ມີກໍລະນີໃໝ່ນັ້ນ ທຸກຄົນຄວນພ້ອມກັນປ້ອງກັນບໍ່ໃຫ້ຍຸງລາຍກັດ ໄປຄຽງຄູ່ກັບການປະຕິບັດຫລັກການ 5 ປ ທີ່ກະຊວງສາທາລະນະສຸກວາງອອກເປັນປະຈຳ ໂດຍສະເພາະທຳລາຍແຫລ່ງເພາະພັນໜອນນ້ຳຍຸງລາຍ ບໍ່ມີໜອນນ້ຳ ກໍຈະບໍ່ມີຍຸງລາຍ.
ແຫຼ່ງຂໍ້ມູນ: ຂ່າວ: ມະນີທອນ, ຂປລ
