ປະຈຳວັນ ⠚ 17 ມີນາ 2021 ⠓ ໜັງສືພິມວຽງຈັນທາຍໄດ້ໃຫ້ຮູ້ວ່າ:
ສ່ວຍສາອາກອນແຂວງອັດຕະປື ເລັ່ງໃຫ້ພະນັກງານລັດຖະກອນຈ່າຍຄ່າທາງ ແລະ ທີ່ດິນ ເປັນແບບຢ່າງ
ທ່ານ ສຸລິພອນ ຟອງສະໜຸດ ຮອງຫົວໜ້າສ່ວຍສາອາກອນປະຈໍາແຂວງອັດຕະປື ໄດ້ແນະນຳແຈ້ງການຂອງເຈົ້າແຂວງ ກ່ຽວກັບການຊໍາລະຄ່າທໍານຽມທາງ ແລະ ພາສີທີ່ດິນ
ເພິ່ນໄດ້ເລັ່ງໃສ່ບັນດາອົງການຈັດຕັ້ງລັດ ແລະ ພະນັກງານ-ລັດຖະກອນຕ້ອງເປັນແບບຢ່າງ ໃນການຊຳລະຄ່າທຳນຽມທາງ ແລະ ພາສີທີ່ດິນຢ່າງຕັ້ງໜ້າ, ຮັບປະກັນໃນການຄຸ້ມຄອງເກັບລາບຮັບໃຫ້ບັນລຸ ຕາມທິດ ທາງແຜນການທີ່ກຳນົດໄວ້ ດ້ວຍການມີສ່ວນຮ່ວມໃນການຊຸກຍູ້,ປິ່ນອ້ອມຈາກ ທຸກພາກສ່ວນທີ່ກ່ຽວຂ້ອງ
ການຊຳລະຄ່າທຳນຽມທາງປະຈຳປີ 2021 ຈະໝົດເວລາໃນການຊໍາລະໃນວັນທີ 31 ມີນາ 2021 ນີ້ ແລະ ການຊຳລະພາສີທີ່ດິນ ຄາດໝາຍຈະໃຫ້ສຳເລັດກ່ອນວັນທີ 30 ມິຖຸນາ 2021…ອ່ານຕໍ່
ສູນກວດສຸຂະພາບແຮງງານພາຍໃນ ແລະ ຕ່າງປະເທດ ໂຮງໝໍມະໂຫສົດ ໄດ້ເປີດຢ່າງເປັນທາງການແລ້ວ
ສູນກວດສຸຂະພາບແຫ່ງນີ້ ແມ່ນເນັ້ນໃສ່ກວດສຸຂະພາບແຮງງານປະຈຳປີແບບເປັນລະບົບຄົບຊຸດ-ທັນສະໄໝອີກແຫ່ງໜຶ່ງ ແລະ ເພື່ອອໍານວຍ ຄວາມສະດວກໃຫ້ຜູ້ອອກແຮງງານກວດເຊັກສຸຂະພາບຂອງຕົນຢູ່ໃນສະຖານທີ່ເຮັດວຽກ
ສູນແຫ່ງນີ້ ໄດ້ຮັບການສະໜັບສະໜູນຈາກພາກລັດຖະບານ ພາຍໃຕ້ເງື່ອນໄຂ ແລະ ສະພາບແຫ່ງຄວາມຮຽກຮ້ອງຕ້ອງການຂອງວຽກງານການປົກປ້ອງສິດ ແລະ ຜົນປະໂຫຍດ ຂອງຜູ້ອອກແຮງງານ…ອ່ານຕໍ່
ສປປ ລາວ ຍັງເຫຼືອຜູ້ຕິດເຊື່ອໂຄວິດ-19 ທີ່ກຳລັງປິ່ນປົວພຽງແຕ່ 4 ຄົນ
ປັດຈຸບັນ ສປປ ລາວ ມີຜູ້ຕິດເຊື້ອສະສົມທັງໝົດ 4 ຄົນ ນະຄອນຫຼວງ 3ຄົນ ແລະ ສະຫວັນນະເຂດ 1ຄົນ ເຊິ່ງທຸກຄົນຍັງມີສຸຂະພາບດີ ແລະ ບໍ່ມີອາການຂັດສົນຫຍັງ
ມາດຕະການປ້ອງກັນພະຍາດໂຄວິດ-19 ຍັງເປັນສິ່ງສຳຄັນທີ່ເຮົາຕ້ອງຕັ້ງໜ້າປະຕິບັດ ຫຼີກລ້ຽງບ່ອນຄົນແອອັດ ໃສ່ຜ້າປິດປາກ-ດັງ ເພື່ອປ້ອງກັນບໍ່ໃຫ້ເກີດການແຜ່ລະບາດຂຶ້ນພາຍໃນປະເທດ..ອ່ານຕໍ່
