ປະຈຳວັນ ⠚ 1 ເມສາ 2021 ⠓ ໜັງສືພິມວຽງຈັນທາຍໄດ້ໃຫ້ຮູ້ວ່າ:
ອົງການປະກັນສັງຄົມແຫ່ງຊາດ ຫັນເຂົ້າສູ່ການໃຫ້ບໍລິການການເງິນແບບດີຈີຕອນ
ອົງການປະກັນສັງຄົມແຫ່ງຊາດ ຮ່ວມມືກັບ ບໍລິສັດ ລາວໂມບາຍມັນນີ ຈຳກັດຜູ້ດຽວເຊັນສັນຍາວ່າດ້ວຍການເປັນຄູ່ຮ່ວມທຸລະກິດ
ການຮ່ວມມືທາງທຸລະກິດຄັ້ງນີ້ຍັງເປັນບາດກ້າວໜຶ່ງທີ່ສຳຄັນ ແລະ ເປັນບາດກ້າວທຳອິດໃນການຫັນການຊຳລະເງິນຮູບແບບໃໝ່ຜ່ານ M Money ເຂົ້າໃນຫົວໜ່ວຍທຸລະກິດທີ່ທັນສະໄໝ ແລະ ມີຄວາມຈຳເປັນໃນການດຳລົງຊີວິດປະຈຳວັນ…ອ່ານຕໍ່
ຈີນ ຊ່ວຍເຫຼືອສົ່ງວັກຊີນໂຄວິດ-19 ອີກ 8ແສນໂດສ ໃຫ້ ສປປລາວ
ລັດຖະບານ ສປ ຈີນໄດ້ສົ່ງມອບໃຫ້ເປັນຈໍານວນ 500.000 ໂດສ ແລະ ກອງທັບປົດປ່ອຍປະຊາຊົນຈີນ 300.000ໂດສ ຊຶ່ງເປັນການຊ່ວຍເຫຼືອຄັ້ງທີ 3
ໃຫ້ກຽດຮັບໂດຍ ທ່ານ ພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ ລາວ ແລະ ຕາງໜ້າຝ່າຍຈີນກ່າວມອບໂດຍທ່ານ ຈ່ຽງ ຈ້າຍຕົ່ງ ເອກອັກຄະລັດຖະທູດ ສປ ຈີນ ປະຈໍາ ສປປ ລາວ…ອ່ານຕໍ່
ອຸບັດຕິເຫດຕາມທາງຫຼວງ ຍັງມີຈໍານວນຫຼາຍຄັ້ງແລະເສຍຫາຍຫຼາຍຕື້
ໃນປິ 2020 ຜ່ານມາ ສປປ ລາວ ມີອຸບັດເຫດເກີດຂຶ້ນທັງໝົດ 6.774 ຄັ້ງ ໃນທົ່ວປະເທດ ແລະ ມີຜູ້ເສຍຊີວິດເຖິງ 1.031 ຄົນ ລວມມູນຄ່າເສຍຫາຍ 103 ຕື້ກວ່າກີບ
ເຊິ່ງໃນແຕ່ລະປີທົ່ວໂລກ ມີຜູ້ເສຍຊີວິດຈາກການເກີດອຸບັດເຫດທາງຖະໜົນ ສະເລ່ຍ 1,3 ລ້ານຄົນ ແລະ ບາດເຈັບຫລາຍກວ່າ 23 ລ້ານຄົນ, ລວມມູນຄ່າຄວາມເສຍຫາຍກວມເອົາ 3% ຂອງ GDP ໃນທົ່ວໂລກ ຫຼື ປະມານ 2,5 ພັນຕື້ໂດລາ…ອ່ານຕໍ່
ເຈົ້າແຂວງອັດຕະປື ແລະຄະນະລົງເຄື່ອນໄຫວວຽກງານຢູ່ເມືອງພູວົງ ແຂວງອັດຕະປື
ເຈົ້າແຂວງຍັງໄດ້ເນັ້ນໃຫ້ການນໍາເມືອງເອົາໃຈໃສ່ຊຸກຍູ້ສົ່ງເສີມກຸ່ມການຜະລິດ ກະສິກໍາ ເປັນຕົ້ນ: ປູກອ້ອຍ, ມັນຕົ້ນ, ພືດຜັກຊະນິດຕ່າງໆ
ໂດຍຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໃຫ້ເກີດຜົນເປັນຈິງ, ຜັນຂະຫຍາຍເປັນແຜນວຽກລະອຽດ ໃຫ້ທຸກຂະແໜງການຂອງເມືອງສົມທົບກັບພາກສ່ວນກ່ຽວຂ້ອງຂອງແຂວງ, ນໍາເອົາແຜນວຽກລົງໄປຈັດຕັ້ງປະຕິບັດຢູ່ບ້ານ ແລະ ຕິດພັນກັບ ການຕິດຕາມກວດກາ-ປະເມີນຜົນ ແລະ ແກ້ໄຂຈຸດອອ່ນ ຂໍ້ຄົງຄ້າງ ຕາມຈຸດພິເສດຂອງແຕ່ລະຂົງເຂດ…ອ່ານຕໍ່
ລົມພະຍຸລະດູຮ້ອນໄດ້ພັດຕົ້ນກ້ວຍຢູ່ເມືອງພຽງ ແຂວງໄຊຍະບູລີ ເສຍຫາຍຫຼາຍກວ່າ 70 ເຮັກຕາ
ຄະນະກໍາມະການຄຸ້ມຄອງໄພພິບັດເມືອງ ພຽງ ແຂວງ ໄຊຍະບູລີ ແຈ້ງໃຫ້ຮູ້ວ່າ: ທີ່ຜ່ານມາໄດ້ເກີດມີລົມພະຍຸພັດຕົ້ນກ້ວຍຂອງບໍລິສັດບົວບານ ເສຍຫາຍ 63 ເຮັກຕາ ມີຕົ້ນກ້ວຍ 142.000 ຕົ້ນ, ລວມມູນຄ່າເສຍຫາຍ 16 ຕື້ກີບ ແລະ ສວນກ້ວຍຂອງ ບໍລິສັດ ຕາຄິງ ເສຍຫາຍ 10 ເຮັກຕາ ມີ 31.000 ຕົ້ນ ມູນຄ່າເສຍຫາຍລວມທັງໝົດເກືອບ 20ຕື້ກີບ…ອ່ານຕໍ່