ປະຈຳວັນ ⠚ 26 ເມສາ 2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:
ຄະນະສະເພາະກິດໂຄວິດ-19 ແຂວງສະຫວັນນະເຂດລົງເຄື່ອນໄຫວ ວຽກງານຢູ່ເມືອງໄຊບູລີ
ທ່ານນາງ ຫຼິງທອງ ແສງຕາວັນ ຮອງເຈົ້າແຂວງສະຫວັນນະເຂດ ພ້ອມດ້ວຍທີມງານ ໄດ້ລົງຕິດຕາມກວດກາ ແລະ ຊຸກຍູ້ການເຝົ້າລະວັງການປ້ອງກັນ ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄ ວິດ 19 ຢູ່ເມືອງໄຊບູລີ
ຕິດຕາມລຽບຕາມແຄມແມ່ນໍ້າຂອງປະກອບມີ 2 ກຸ່ມບ້ານຄື: ກຸ່ມແກ້ງກະເບົາ ແລະ ກຸ່ມປາກເຊບັ້ງໄຟ ເພື່ອໃຫ້ອໍານາດການປົກຄອງ ພ້ອມດ້ວຍພໍ່ແມ່ປະຊາຊົນເຂົ້າໃຈລະອຽດກ່ຽວກັບມາດຕະການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດ ໂຄວິດ 19
ໂດຍສະເພາະເຈົ້າຂອງເຮືອທຸກປະເພດ ຈະຕ້ອງໄດ້ຢຸດຕິການເດີນເຮືອຊົ່ວຄາວຕາມລໍາແມ່ນໍ້າຂອງແຕ່ວັນທີ 19-30 ເມສາ 2021 ເພື່ອຫຼີກ ລ້ຽງ ການລັກລອບເຂົ້າ-ອອກເມືອງແບບຜິດກົດໝາຍ…ອ່ານຕໍ່
ວິລະບູລີ ເນັ້ນໃສ່ເພີ່ມການຜະລິດ ລະດູແລ້ງ ແລະ ລະດູຝົນ ໃຫ້ສະບຽງອາຫານພຽງພໍ
ເມືອງວິລະບູລີໄດ້ສົ່ງເສີມການປູກພືດເປັນສິນຄ້າ, ໂດຍອີງໃສ່ແຜນປູກພືດລະດູແລ້ງ 732 ເຊິ່ງມີ ປະເພດຜັກກາດຈຳນວນ 16ແພັກ,ຜັກສະຫຼັດ 6ແພັກ,ແກ່ນໝາກຖົ່ວ 16ແພັກ,ແກ່ນໝາກແຕງ 6ແພັກ,ສາລີຫວານ 14ກິໂລ,ສາລີເຂົ້າໜຽວ 20ຖົງ
ພືດດັ່ງກ່າວທາງຫ້ອງການກະສິກຳເມືອງກໍ່ໄດ້ໄປແຈກຈ່າຍໃຫ້ຄອບຄົວຫຼືບຸກຄົນ ທີ່ມີຄວາມພ້ອມດ້ານເນື້ອທີ່ແຮງງານ ແລະ ນໍ້າພຽງພໍ ຫຼື ຄອບຄົວທຸກຍາກທີ່ຢູ່ຫ່າງໄກສອກຫຼີກ
ນອກນັ້ນກໍ່ມີປະຊາຊົນຈໍານວນ 15 ບ້ານ 28 ຄອບຄົວມີເນື້ອທີ່ 9,5 ເຮັກຕາປູກພືດຜັກສົ່ງເປັນສິນຄ້າ ສະໜອງໃຫ້ ເຊິ່ງເປັນປະເພດຜັກ…ອ່ານຕໍ່