ປະຈຳວັນ ⠚ 30 ເມສາ 2021 ⠓ ໜັງສືພິມວຽງຈັນທາຍໄດ້ໃຫ້ຮູ້ວ່າ:
ອາເມລິກາ ສືບຕໍ່ຮ່ວມມືກັບລາວ ໃນການຂຸດຄົ້ນສິ່ງເສດເຫຼືອຂອງທະຫານອາເມຣິກາໃນສະໄໝກ່ອນ
ພາຍຫຼັງທີ່ທີມຈຸດຄົ້ນຂອງອາເມລິກາມາຮອດ ສປປ ລາວ ກໍ່ໄດ້ກັກໂຕ 14 ວັນ ແລະຫຼັງຈາກນັ້ນຈະສືບຕໍ່ຂຸດຄົ້ນສິ່ງເສດເຫຼືອຂອງທະຫານອາເມລິກາ, ເຊິ່ງປະຈຸບັນ, ສອງຝ່າຍໄດ້ຂຸດຄົ້ນພົບສິ່ງເສດເຫຼືອທະຫານອາເມຣິກາ, ໄດ້ຈັດສົ່ງ ແລະ ສັນລະສູດແລ້ວ ຈໍານວນ 287 ຄົນ ແລະຄາດວ່າຍັງອີກ 286 ຄົນ ທີ່ຝ່າຍອາເມຣິກາຈໍາເປັນຕ້ອງໄດ້ຮ່ວມມືກັບຝ່າຍລາວ ໃນການສືບຕໍ່ຄົ້ນຫາ
ແຜນການປະຕິບັດງານຮ່ວມ ລາວ-ອາເມຣິກາ ຢູ່ພາກສະໜາມເພື່ອສໍາຫຼວດ ແລະ ຂຸດຄົ້ນແມ່ນໄດ້ມີແຜນການຮ່ວມມືມາແລ້ວ ແຕ່ໄດ້ຖືກໂຈະມາຫຼາຍຄັ້ງແລ້ວຍ້ອນສະພາບການແຜ່ລະບາດຂອງພະຍາດໂຄວິດ-19…ອ່ານຕໍ່
ຍທຂ ສະເໜີໃຫ້ລັດວິສາຫະກິດນໍ້າປະປາ ຫຼຸດຜ່ອນນະໂຍບາຍຕ່າງໆ ໃນຊ່ວງໂຄວິດ-19
ລັດວິສາຫະກິດນໍ້າປະປາ ໄດ້ຄົ້ນຄວ້າຄຳສະເໜີຂອງ ກະຊວງໂຍທາທິການ ແລະ ຂົນສົ່ງ (ຍທຂ) ເຊິ່ງມີດັ່ງນີ້: ໃຫ້ເລື່ອນເວລາໃນການຊໍາລະເງິນຄ່າຊົມໃຊ້ນໍ້າປະປາຂອງເດືອນພຶດສະພາ, ມິຖຸນາ ແລະ ເດືອນກໍລະກົດ ປີ 2021 ໃຫ້ໄປຊໍາລະໃນເດືອນ ສິງຫາ, ກັນຍາ ແລະ ເດືອນຕຸລາ ປີ 2021
ພ້ອມກັບການຍົກເລີກມາດຕະການວ່າດ້ວຍການຕັດນໍ້າສໍາລັບລູກຄ້າທີ່ມີໜີ້ເກີນ 90 ວັນ ແລະ ຍົກເລີກການຈັດເກັບມູນຄ່າເພີ່ມ 10%, ໃຫ້ຫຼຸດລາຄາຄ່າຊົມໃຊ້ນໍ້າປະປາໃນເດືອນ ພຶດສະພາ, ມິຖຸນາ ແລະ ເດືອນກໍລະກົດ ປີ 2021 ລົງ 5% ແລະ ຍົກເລີກການຈັດເກັບມູນຄ່າເພີ່ມ 10%…ອ່ານຕໍ່
