ປະຈຳວັນ ⠚ 11 ພຶດສະພາ 2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:
ການນຳຂັ້ນແຂວງສະຫວັນນະເຂດ ມອບເຄື່ອງອຸປະໂພກ-ບໍລິໂພກ ໃຫ້ກັບເມືອງທ່າປາງທອງ
ການມອບໃນຄັ້ງນີ້ກໍ່ເພື່ອນຳໃຊ້ເຂົ້າໃນວຽກງານຕ້ານ ສະກັດກັ້ນ ແລະ ຄອບຄຸມ ການລະບາດຂອງພະຍາດໂຄວິດ-19 ເຊິ່ງປະກອບມີຜ້າປິດປາກ 200 ກັບ, ນ້ຳດື່ມ 30 ແຟັກ, ໝີໄວໄວ 23 ແກັດ, ປ່ອງປາ 6 ແຟັກ, ກາເຟ 15 ຖົງ ແລະ ເອັມ 150 14 ແຟັກ ລວມມູນຄ່າຫຼາຍກວ່າ 8ລ້ານກີບ
ພ້ອມນັ້ນ, ທ່ານ ບຸນຍົງ ຍົດສີຟອງ ຄະນະປະຈຳພັກເມືອງ ຮອງເຈົ້າເມືອງ ຫົວໜ້າ ສະເພາະກິດຂັ້ນເມືອງ ກໍ່ໄດ້ກ່າວຄຳຂອບໃຈ ແລະ ຈະນຳເອົາເຄື່ອງດັ່ງກ່າວນຳໃຊ້ເຂົ້າໃນວຽກງານສະກັດກັ້ນການລະບາດຂອງພະຍາດໂຄວິດ-19…ອ່ານຕໍ່
ສາທາເຊກອງ ຮຽກຮ້ອງໃຫ້ທຸກຄົນສືບຕໍ່ປະຕິບັດມາດຕະການປ້ອງກັນໂຄວິດ-19 ຢ່າງເຂັ້ມງວດ
ທ່ານ ດຣ. ຄຳໄຫຼ ສັນຕິພູມ ຫົວໜ້າພະແນກສາທາລະນະສຸດແຂວງເຊກອງ ໄດ້ໃຫ້ຮູ້ວ່າສະພາບການໂດຍລວມແຂວງເຊກອງໃນປັດຈຸບັນ ແມ່ນຢູ່ໃນໄລຍະທີ່ມີການເຝົ້າລະວັງ, ຄວບຄຸມ, ສະກັດກັ້ນ ແລະແກ້ໄຂການລະບາດຂອງພະຍາດໂຄວິດ-19
ເລີຍຮຽກຮ້ອງໃຫ້ປະຊາຊົນທຸກຄົນໃນທົ່ວແຂວງສືບຕໍ່ປະຕິບັດຄໍາສັ່ງຂອງນາຍົກລັດຖະມົນຕີ, ຄໍາສັ່ງເພີ່ມເຕີມຂອງທ່ານເຈົ້າແຂວງ ແລະມາດຕະການຕ່າງໆທີ່ຄະນະສະເພາະກິດວາງອອກຢ່າງເຂັ້ມງວດ ເຊິ່ງແຂວງເຊກອງກໍໄດ້ມີການກຽມຄວາມພ້ອມດ້ານບຸກຄະລາກອນ, ກໍານົດຈຸດປິ່ນປົວຜູ້ຕິດເຊື້ອໂຄວິດ-19 (ຖ້າມີກໍລະນີຕິດເຊື້ອ) ພ້ອມກໍານົດຈຸດກັກບໍລິເວນບຸກຄົນທີ່ເດີນທາງມາຈາກຕ່າງປະເທດ ກໍຄືຕ່າງແຂວງທີ່ມີການລະບາດ…ອ່ານຕໍ່
ຄະນະ ອພສ ເມືອງບາຈຽງຈະເລີນສຸກມອບເຄື່ອງຊ່ວຍເຫຼືອເຂົ້າໃນວຽກງານຕ້ານພະຍາດໂຄວິດ-19
ພຣະອາຈານ ບຸນຮຽງ ເທບອີນທາ ເຈົ້າຄະນະ ອພສ ເມືອງບາຈຽງຈະເລີນສຸກພ້ອມຄະນະ ມອບນໍ້າດື່ມ 50 ແກັດ ,ໜີ່ໄວໆ 13 ແກັດ,ກາເຟ 10 ຖົງ , ໝອນ 22 ໜ່ວຍ,ໄຂ່ 3 ແຕະ ,ສາດ 20 ຜືນ ,ຕຽງນອນ 15 ອັນ ,ໝໍ້ 3 ໜ່ວຍ ,ເສື່ອນອນ 40 ເຄືອ,ຜ້າຫົ່ມໂຕໆ 13 ຜືນ,ໝໍ້ແກງ 1ໜ່ວຍ,ຄົກ-ສາກ 2 ຊຸດ,ຫວດໜຶ້ງເຂົ້າ 3 ອັນ
ຄິດເປັນມູນຄ່າຫຼາຍລ້ານກີບໃຫ້ແກ່ຄະນະສະເພາະກິດຂັ້ນເມືອງເພື່ອຊຸກຍູ້ເຂົ້າໃນວຽກງານສະກັດກັ້ນ,ການລະບາດຂອງພະຍາດດັ່ງກ່າວ ທີ່ກຳລັງແຜ່ລະບາດໃນປະຈຸບັນ…ອ່ານຕໍ່
ເຈົ້າເມືອງໆປະທຸມພອນ ລົງຊຸກຍູ້ວຽກງານຕ້ານໂຄວິດ-19 ຢູ່ 3 ກຸ່ມຂອງເມືອງປະທຸມພອນ
ເຈົ້າເມືອງໆປະທຸມພອນພ້ອມຄະນະສະເພາະກິດຂັ້ນເມືອງ ແລະ ພາກສ່ວນທີ່ກ່ຽວຂ້ອງໄດ້ລົງເຄື່ອນໄຫວມອບເຄື່ອງຮັບໃຊ້ເຂົ້າໃນວຽກງານຕ້ານ ແລະ ສະກັດກັ້ນການລະບາດຂອງເຊື້ອພະຍາດໂຄວິດ-19 ເຊິ່ງມີ ຜ້າອັດປາກ-ດັງຈໍານວນ 17.000 ກັບເພື່ອນໍາໄປແຈກຢາຍໃຫ້ຊຸມຊົນແອອັດຫຼືກຸ່ມສ່ຽງ
ພ້ອມນັ້ນ ກໍ່ໃຫ້ອຳນາດການປົກຄອງທຸກຂັ້ນໃນກຸ່ມບ້ານດັ່ງກ່າວຕ້ອງໄດ້ເອົາໃຈໃສ່ຕິດຕາມ, ກວດກາ ແລະ ລາດຕະເວນຕາມຈຸດຕ່າງໆ , ກວດກາບຸກຄົນເຂົ້າ-ອອກຢ່າງເປັນປະຈໍາ…ອ່ານຕໍ່