ປະຈຳວັນ ⠚ 13 ພຶດສະພາ 2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:
ການດໍາເນີນທຸລະກິດຕ່າງໆ ຂອງຜູ້ປະກອບການຢູ່ແຂວງບໍ່ແກ້ວ ໄດ້ຖືກປິດຊົ່ວຄາວຫຼາຍແຫ່ງ
ການດໍາເນີນທຸລະກິດຕ່າງໆ ຂອງຜູ້ປະກອບການ ຢູ່ແຂວງບໍ່ແກ້ວໄດ້ຖືກປິດຊົ່ວຄາວ ແລະ ເຂັ້ມງວດກວ່າເກົ່າ ເນື່ອງຈາກວ່າແຂວງບໍ່ແກ້ວເແນແຂວງໜຶ່ງ ທີ່ກວດພົບກໍລະນີຜູ້ທີ່ຕິດເຊື້ອພະຍາດໂຄວິດ-19 ຫຼາຍໃນຊ່ວງທີ່ຜ່ານມາ
ປັດຈຸບັນມີບັນດາໂຮງງານ ອຸດສາຫະກຳປຸງແຕ່ງ 98 ຫົວໜ່ວຍທີ່ປິດຊົ່ວຄາວຫຼາຍແຫ່ງເຊັ່ນ: ໂຮງງານອຸດສາຫະກຳ ແລະ ຫັດຖະກຳ 11 ແຫ່ງ, ໂຮງງານເພີນີເຈີ 22 ແຫ່ງ ແລະ ໂຮງງານອື່ນໆລວມທັງໝົດ 23 ກວ່າ ແຫ່ງ ພ້ອມນັ້ນ ກໍ່ຍັງມີບັນດາຕະຫຼາດທຸກໆແຫ່ງພາຍໃນເທດສະບານເມືອງຫ້ວຍຊາຍ ແລະ ເມືອງອື່ນໆ ທົ່ວແຂວງບໍ່ແກ້ວແມ່ນຖືກປິດເປັນທີ່ຮຽບຮ້ອຍ…ອ່ານຕໍ່
ຄະນະທີມແພດຊ່ຽວຊານ ຈາກ ສສ ຫວຽດນາມ ລົງເບິ່ງຕົວຈິງໃນການເຄື່ອນໄຫວ
ໃນກອງປະຊຸມ ທ່ານ ດຣ ຄຳສິງ ແກ້ວທອງກຸ ຜູ້ອຳນວຍການໂຮງໝໍຈຳປາສັກໄດ້ລາຍງານສະພາບລວມຂອງການຈັດຕັ້ງປະຕິບັດວຽກງານຄຸ້ມຄອງກໍລະນີຂອງແຕ່ລະສູນໃຫ້ຄະນະຜູ້ແທນກອງປະຊຸມ
ເຊິ່ງແຂວງຈຳປາສັກໄດ້ຂະຫຍາຍສະຖານທີ່ການປີ່ນປົວຜູ້ຕິດເຊື້ອພະຍາດໂຄວິດ-19 ໄດ້ທັງໝົດ 3 ແຫ່ງເຊີ່ງມີ: ສູນປິ່ນປົວທີ່ເມືອງໂພນທອງ ສາມາດຮອງຮັບຄົນເຈັບໄດ້ 52 ຕຽງ, ໂຮງໝໍພາກສະໜາມ ( ວິທະຍາໄລການເງີນພາກໃຕ້ ) ສາມາດຮັບຮອງຄົນເຈັບໄດ້ 334 ຕຽງ ແລະ ໂຮງໝໍບໍລິເວນ106 ພ້ອມລົງເບີ່ງຕົວຈິງການຈັດຕັ້ງປະຕິບັດໃນການປິ່ນປົວຄົນເຈັບຢູ່ສູນປິ່ນປົວທັງ 3 ແຫ່ງ…ອ່ານຕໍ່
ບໍລິຄຳໄຊ ໄດ້ຈັດຈຸດອອກໃບອະນຸຍາດຂອງຄະນະສະເພາະກິດແຂວງຊົ່ວຄາວ
ແຂວງບໍລິຄຳໄຊ ໄດ້ຈັດຈຸດອອກໃບອະນຸຍາດຂອງຄະນະສະເພາະກິດແຂວງ ຢູ່ຫ້ອງວ່າການປົກຄອງແຂວງ ບ້ານອານຸສອນໄຊ ເມືອງປາກຊັນ ທຸກວັນຈັນ-ວັນອາທິດ ໂດຍບໍ່ມີມື້ພັກ ກໍລະນີໄປຮັບຄົນໃນຄອບຄົວກັບຄືນແຂວງບໍລິຄຳໄຊ ແມ່ນຕ້ອງມີໃບຢັ້ງຢືນຈາກຄະນະສະເພາະກິດຂັ້ນເມືອງຂອງຕົນ ແລະ ກໍລະນີມີຜູ້ຕິດຕາມໃນການຂົນສົ່ງສິນຄ້າ ແມ່ນບໍ່ໃຫ້ຕິດຕາມເກີນ 2 ຄົນ, ສ່ວນການເດີນທາງທົ່ວໄປ ແມ່ນອະນຸມັດໃຫ້ຕິດຕາມບໍ່ເກີນ 1 ຄົນ
ກໍລະນີພະນັກງານ ໄປວຽກທາງລັດຖະການຢູ່ຕ່າງແຂວງ ຕ້ອງມີໃບຢັ້ງຢືນ ຫຼື ເອກະສານແຕ່ງຕັ້ງຈາກກົມກອງ, ນິຕິບຸກຄົນ ຫຼື ບໍລິສັດເອກະຊົນ ໃຫ້ເຮັດໃບສະເໜີ ຫຼື ໃບຢັ້ງຢືນ ຈາກບໍລິສັດ ພ້ອມໃບທະບຽນວິສາຫະກິດ…ອ່ານຕໍ່
ເຈົ້າເມືອງໆໂຂງ ລົງເຄື່ອນໄຫວມອບເຄື່ອງບໍລິໂພກແຈກຢາຍໃຫ້ກຳລັງແຕ່ລະຈຸດ
ລັດວິສາຫະກິດ ກໍ່ສ້າງ-ຂົວທາງ ແລະ ຕິດຕັ້ງໄຟຟ້າຄົບວົງຈອນ ໄຊສົມບູນມອບເຂົ້າຈີ່ຈຳນວນ 500 ກ້ອນ ແລະ ນົມຂຸ້ນຈຳນວນ 1 ແກັດ ຊຸກຍູ້ເຂົ້າໃນວຽກງານຕ້ານພະຍາດໂຄວິດ -19
ພ້ອມນັ້ນ, ທ່ານເຈົ້າເມືອງໆໂຂງ ພ້ອມດ້ວຍຄະນະສະເພາະກິດຂັ້ນເມືອງ ແລະ ພາກສ່ວນທີ່ກ່ຽວຂ້ອງ ກໍໄດ້ສືບຕໍ່ເຄື່ອນໄຫວນຳເອົາເຂົ້າຈີ່ ແລະ ນົມຂຸ້ນຫວານທີ່ໄດ້ຮັບຄັ້ງນີ້ ແຈກຢາຍໃຫ້ກັບກຳລັງໃນແຕ່ລະກຸ່ມເປັນຕົ້ນ: ກຸ່ມນາຝັ່ງ, ຫາດຊາຍຄູນ, 3 ຈຸດບ້ານໃຫຍ່ໃນດອນໂຂງທີ່ກຳລັງປະຕິບັດໜ້າທີ່…ອ່ານຕໍ່
ພະແນກອຸດສາຫະກໍາ ແລະການຄ້າແຂວງເຊກອງ ລົງຕິດຕາມກວດກາສິນຄ້າອຸປະໂພກ-ບໍລິໂພກ
ທ່ານ ສຸກສາຍຍັນ ແກ້ວວົງສາ ຮອງຫົວໜ້າຂະແໜງການຄ້າພາຍໃນ ພະແນກອຸດສາຫະກໍາ ແລະການຄ້າແຂວງເຊກອງໄດ້ຮຽກຮ້ອງມາຍັງພໍ່ຄ້າຊາວຂາຍ ກໍຄືຜູ້ປະກອບການທຸລະກິດຄ້າຂາຍຢູ່ບັນດາຫ້າງຮ້ານ ແລະຕະຫຼາດທຸກແຫ່ງຢູ່ພາຍໃນແຂວງເຊກອງ ຫ້າມເດັດຂາດບໍ່ໃຫ້ສວຍໂອກາດຂຶ້ນລາຄາສິນຄ້າ ເພື່ອບໍ່ໃຫ້ເອົາປຽບຜູ້ບໍລິໂພກ
ຫາກກວດເຫັນຜູ້ໃດລະເມີດແມ່ນຈະຖືກກ່າວເຕືອນ ແລະປະຕິບັດມາດຕະການປັບໃໝ່ຕາມລະບຽບກົດໝາຍ ແລະຂໍໃຫ້ທຸກຄົນເປັນເຈົ້າການນໍາກັນ…ອ່ານຕໍ່