ປະຈຳວັນ ⠚ 13 ພຶດສະພາ 2021 ⠓ ໜັງສືພິມວຽງຈັນທາຍໄດ້ໃຫ້ຮູ້ວ່າ:
6 ແຂວງພາກເໜືອຂອງລາວ ໄດ້ຮັບການເຊື່ອເຫຼືອອຸປະກອນການແພດຈາກ ສສ ຫວຽດນາມ
ພະແນກສາທາລະນະສຸກ ແຂວງດຽນບຽນ ສສ ຫວຽດນາມ ໄດ້ມອບອຸປະກອນການແພດເພື່ອ ປ້ອງກັນພະຍາດໂຄວິດ-19 ໃຫ້ 6 ແຂວງພາກເໜືອຂອງລາວ ເຊິ່ງມີ: ແຂວງອຸດົມໄຊ, ຜົ້ງສາລີ, ຫຼວງນ້ຳທາ, ຫຼວງພະບາງ, ໄຊຍະບູລີ ແລະ ແຂວງບໍ່ແກ້ວ
ອຸປະກອນທີ່ມາມອບໃນຄັ້ງນີ້ປະກອບມີ ຜ້າອັດປາກ-ດັງ ຈໍານວນ 32.000 ອັນ, ຊຸດແພດປ້ອງກັນ ແລະ ຄວບຄຸມ ພະຍາດລະບາດ ຈໍານວນ 300 ຊຸດ, ນ້ຳຢາລ້າງມືຂ້າເຊື້ອ ຈຳນວນ 200 ລິດ ໂດຍຈະມີການແຈກຢາຍອຸປະກອນການແພດດັ່ງກ່າວໃຫ້ເທົ່າທຽມ ກັນໃນແຕ່ລະແຂວງ…ອ່ານຕໍ່
ກະຊວງ ແຮງງານ ແລະ ສະຫວັດດີການສັງຄົມກໍາລັງເກັບກໍາຂໍ້ມູນເພື່ອກຽມຊ່ວຍເຫຼືອຜູ້ທີ່ໄດ້ຮັບຜົນກະທົບ
ທ່ານ ປະເດີມພອນ ສົນທະນີ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ລາຍງານໃຫ້ຮູ້ວ່ສ ກະຊວງ ຮສສ ໄດ້ອອກແຈ້ງການເຖິງພະແນກ ຮສສ ແຂວງ, ເມືອງ ແລະ ນະຄອນຫຼວງວຽງຈັນ ເພື່ອເກັບກໍາຂໍ້ມູນແຮງງານນອກລະບົບປະກັນສັງຄົມ ແລະ ປະຊາຊົນທຸກຍາກທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19
ເຊິ່ງການເກັບກໍາຂໍ້ມູນດັ່ງກ່າວນີ້ແມ່ນເລັ່ງໃສ່ສະເພາະຜູ້ທີ່ໄດ້ຮັບຜົນກະທົບໜັກເປັນຕົ້ນແມ່ນ: ຜູ້ທີ່ຢຸດວຽກ, ຜູ້ຫຍຸ້ງຍາກຂາດເຂີນທີ່ພັກອາໄສ, ອາຫານການກິນ ໃນຕົວເມືອງໃຫຍ່ ແລະ ເຂດທີ່ມີການລະບາດຂອງພະຍາດໂຄວິດ-19 ເພື່ອເຮັດໃຫ້ຜູ້ອອກແຮງງານເຫຼົ່ານັ້ນໄດ້ສືບຕໍ່ດໍາລົງຊີວິດໄດ້ໂດຍພື້ນຖານ…ອ່ານຕໍ່