ປະຈຳວັນ ⠚ 26 ພຶດສະພາ 2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:
ເມືອງພະລານໄຊກຽມພ້ອມ ການປູກຕົ້ນໄມ້ໃນວັນປູກຕົ້ນໄມ້ແຫ່ງຊາດໄດ້ແລ້ວ 70%
ທ່ານ ບັນລັງ ວົງວິໄຊ ຫົວໜ້າຫ້ອງການກະສິກໍາ ແລະ ປ່າໄມ້ເມືອງພະລານໄຊ ໄດ້ໃຫ້ຮູ້ວ່າ ສໍາລັບທົ່ວເມືອງພະລານໄຊມາຮອດປະຈຸບັນ ແມ່ນ ໄດ້ກະກຽມແລະ ມີຄວາມພ້ອມແລ້ວ 70% , ໂດຍມີແຜນປູກໄມ້ທັງໝົດປະມານ 70 ເຮັກຕາ, ເຊິ່ງຕ້ອງໃຊ້ເບ້ຍໄມ້ 50.000 ເບ້ຍ, ສໍາລັບການຈັດພິທີປູກໄມ້ເປັນທາງການຂອງເມືອງແມ່ນອີງໃສ່ສະພາບຄວາມເປັນຈິງ ເພາະໄລຍະນີ້ຍັງຢູ່ໃນໄລຍະຮັກສາໄລຍະຫ່າງ ແລະ ຫຼີກລ້ຽງບ່ອນທີ່ມີຈໍານວນພົນຫຼາຍ
ເນື່ອງໃນໂອກາດວັນປູກຕົ້ນໄມ້ແຫ່ງຊາດ ຍັງໄດ້ຮຽກຮ້ອງໃຫ້ປະຊາຊົນບັນດາເຜົ່າ ຜູ້ໃດທີ່ມີຄວາມສາມາດປູກຕາມຫົວໄຮ່ປາຍນາ, ຕາມຮົ້ວສວນ ໃຫ້ຍາດແຍ່ງໃຊ້ງົບປະມານຂອງຕົນໃນການຊື້ເບ້ຍໄມ້, ບຸກເບີກ, ເຮັດຮົ້ວ ເອົາໃຈໃສ່ປູກ ເພື່ອອານາຄົດ…ອ່ານຕໍ່
ຫົວໜ້າ ປກສ ແຂວງເຊກອງລົງຢ້ຽມຢາມພະນັກງານປະຈໍາປ້ອມກວດກາຢູ່ເມືອງທ່າແຕງ
ທ່ານ ພົນຈັດຕະວາ ສົມໄຊ ພູລະຄຳມະນີ ກໍາມະການປະຈຳພັກແຂວງ, ຫົວໜ້າກອງບັນຊາການ ປກສ ແຂວງເຊກອງ ພ້ອມດ້ວຍຄະນະ ລົງຢ້ຽມຢາມ ແລະໃຫ້ກໍາລັງພະນັກງານທີ່ປະຈໍາການຢູ່ຈຸດກວດຄັດກອງຄົນເຂົ້າ-ອອກແຂວງ ເພື່ອປ້ອງກັນພະຍາດໂຄວິດ-19 ຢູ່ 4 ຈຸດຂອງເມືອງທ່າແຕງ
ເພື່ອສືບຕໍ່ປະຕິບັດບັນດາມາດຕະການຕ່າງໆຈໍານວນໜຶ່ງຢ່າງເຂັ້ມງວດຕໍ່ການປ້ອງກັນ, ບໍ່ໃຫ້ມີການລະບາດພາຍໃນແຂວງເຊກອງ ຈຶ່ງໃຫ້ພະນັກງານ-ນັກຮົບສອງກໍາລັງປະກອບອາວຸດ ໂດຍສະເພາະກໍາລັງ ປກສ ທຸກຂັ້ນສືບຕໍ່ປະຕິບັດຄໍາສັ່ງເລກທີ 15/ນຍ, ຄໍາສັ່ງຂອງທ່ານເຈົ້າແຂວງ ແລະແຈ້ງການຕ່າງໆ ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະຕ້ານພະຍາດໂຄວິດ -19 ຢ່າງເຂັ້ມງວດ ໂດຍສະເພາະແມ່ນສະກັດກັ້ນບໍ່ໃຫ້ພໍ່ແມ່ປະຊາຊົນ, ພໍ່ຄ້າ-ຊາວຂາຍ ເຄື່ອນໄຫວໄປມາຕາມລຳພັງໃຈ…ອ່ານຕໍ່
ເຈົ້າແຂວງ ເນັ້ນໃຫ້ ຄລທ ເອົາໃຈໃສ່ຫຼາຍບັນຫາໃນການຄຸ້ມຄອງການລົງທຶນ ຢູ່ແຂວງເຊກອງ
ທ່ານ ເຫຼັກໄຫຼ ສີວິໄລ ເຈົ້າແຂວງ-ແຂວງເຊກອງ ໄດ້ເຂົ້າຮ່ວມເປັນປະທານກອງປະຊຸມສະຫຼຸບວຽກງານຄຸ້ມຄອງການລົງທຶນຂອງລັດ, ຂອງເອກະຊົນພາຍໃນ ແລະຕ່າງປະເທດ ປະຈໍາປີ 2020
ທ່ານໄດ້ເນັ້ນໜັກໃຫ້ຄະນະກຳມະການຄຸ້ມຄອງການລົງທຶນ, ມີການຈັດຕັ້ງປະຕິບັດ, ມີການຕິດ-ຕາມກວດກາຢ່າງເປັນລະບົບ ຮັບປະກັນສິດຜົນປະໂຫຍດຂອງຊາດ ແລະແນໃສ່ແກ້ໄຂຄວາມທຸກຍາກຂອງປະຊາຊົນບັນດາເຜົ່າຢູ່ແຂວງເຊກອງ…ອ່ານຕໍ່
ໂຮງຮຽນ ມສ ຊົນເຜົ່າແຂວງເຊກອງ ເຂັ້ມງວດປະຕິບັດມາດຕະການປ້ອງກັນໂຄວິດ-19
ພາຍທີ່ເຂົ້າຮຽນຄືນໃຫມ່ ໂຮງຮຽນ ມສ ຊົນເຜົ່າແຂວງເຊກອງ ກໍ່ໄດ້ສືບຕໍ່ປະຕິບັດຕາມມາດຕະການທີ່ລັດຖະບານ ກໍຄືຄະນະສະເພາະກິດຂັ້ນສູນກາງ ແລະທ່ານເຈົ້າແຂວງວາງອອກຢ່າງ
ຍັງໄດ້ແນະນໍາໃຫ້ນັກຮຽນອະນາໄມຫ້ອງຮຽນ, ຫ້ອງນອນ, ຫ້ອງນໍ້າ ແລະເດີ່ນບໍລິເວນໂຮງຮຽນໄປຄຽງຄູ່ກັບການໂຄສະນາມາດຕະການປ້ອງກັນພະຍາດໂຄວິດ-19 ໃຫ້ເຂົາເຈົ້າໄດ້ຮັບຮູ້ ນັກຮຽນຊັ້ນ ມ4 ທັງໝົດ 96 ຄົນ, ຍິງ 50 ຄົນແບ່ງອອກເປັນ 4 ຫ້ອງຮຽນ ແລະຊັ້ນ ມ7 ມີ 38 ຄົນ, ຍິງ 21 ຄົນແບ່ງອອກເປັນ 2 ຫ້ອງຮຽນ
ໄດ້ເຂັ້ມງວດເປັນຕົ້ນແມ່ນແນະນໍາໃຫ້ພະນັກງານຄູ-ອາຈານ ແລະນັກຮຽນຮັກສາໄລຍະຫ່າງ 1 ແມັດຂຶ້ນໄປ, ໃສ່ຜ້າອັດປາກ-ອັດດັງ, ລ້າງມືດ້ວຍນໍ້າສະອາດໃສ່ສະບູ ຫຼື ເຈວລ້າງມືກ່ອນເຂົ້າຫ້ອງຮຽນ ແລະຫຼັງອອກຈາກຫ້ອງຮຽນເປັນປະຈໍາທຸກມື້…ອ່ານຕໍ່