ປະຈຳວັນ 10 ມິຖຸນາ 2021 | ສຳນັກຂ່າງມີເດຍລາວໄດ້ໃຫ້ຮູ້ວ່າ:
ແຂວງໄຊຍະບູລີ ໃຫ້ການຊ່ວຍເຫຼືອ 5 ແຂວງພາກເໜືອຂອງ ສສ ຫວຽດນາມ ເພື່ອຕ້ານພະຍາດໂຄວິດ-19
ເຊິ່ງມອບການຂ່ວຍເຫຼືອໃຫ້ແຂວງເຊີນລາ, ແຂວງກວາງນິງ, ແຂວງດຽນບຽນ ແລະ ແຂວງທາຍບິງ ແຂວງລະ 50 ລ້ານກີບ, ສ່ວນແຂວງອຽນບາຍ ແມ່ນ 60 ລ້ານກີບ ລວມທັງໝົດ 260ລ້ານກີບ ກ່າວມອບໂດຍ ທ່ານ ຄໍາແພງ ຕັດສະຫວັດ ກໍາມະການພັກແຂວງ ຫົວໜ້າພະແນກການຕ່າງປະເທດແຂວງໄຊຍະບູລີ
ພ້ອມນັ້ນທັງສອງຝ່າຍຍັງໄດ້ສະແດງເຈດຈໍານົງໃນການຊ່ວຍເຫຼືອເຊິ່ງກັນ ແລະ ກັນ ໃນອະນາຄົດໃຫ້ນັບມື້ນັບກວ້າງຂວາງ ແລະ ເລິກເຊິ່ງ…ອ່ານຕໍ່
ຣາຊະອານາຈັກກໍາປູເຈຍ ມອບການຊ່ວຍເຫລືອໃຫ້ ແຂວງຈໍາປາສັກ ເພື່ອຕ້ານພະຍາດໂຄວິດ-19
ແຂວງຊຽງແຕງ ຣາຊະອານາຈັກກໍາປູເຈຍ ມອບ ເຄື່ອງອຸປະໂພກ-ບໍລິໂພກ, ອຸປະກອນການແພດ ໃຫ້ ແຂວງຈໍາປາສັກ ເພື່ອຮັບໃຊ້ເຂົ້າ ໃນວຽກງານ ສະກັດກັ້ນ ແລະ ແກ້ໄຂ ການລະບາດຂອງພະຍາດໂຄວິດ-19 ມູນຄ່າ 128 ລ້ານກວ່າກີບ
ເຄື່ອງທີ່ນໍາມາມອບປະກອບມີ: ເຂົ້າສານ 5 ໂຕນ, ປາກະປ໋ອງ 3.000 ປ່ອງ (30 ແກັດ), ໝີສຳເລັດຮູບ 3OO ແກັດ, ຜ້າອັດປາກ-ດັງ ຈຳນວນ 30,000 ອັນ (30ແກັດ), ອັງໂກນ ຈໍານວນ 300 ຂວດ (15 ແກັດ) ແລະ ນ້ຳຢາລ້າງປາກ ຈໍານວນ 1.OOO ຂວດ (50 ແກັດ)…ອ່ານຕໍ່
ເມືອງສາລະວັນ ຈະສ້າງໂຄງການກໍ່ສ້າງຝາມໄຊ ແລະຕະຟັງເຈື່ອນໃຫ້ສຳເລັດພາຍໃນ 3 ເດືອນ
ໂຄງການນີ້ແມ່ນໄດ້ລົງມືຈັດຕັ້ງປະຕິບັດໄປແລ້ວໄດ້ພຽງປະມານ 80% ຕັ້ງແຕ່ໂຄງການໄດ້ຮັບຜົນກະທົບ ຍ້ອນສະພາບນໍ້າຖວມໃນປີ 2019 ເຮັດໃຫ້ໂຄງການດັ່ງກ່າວເສຍຫາຍ
ປະຈຸບັນ, ເລີ້ມລົງມືຈັດຕັ້ງປະຕິບັດຄືນໃໝ່ເປັນໂຄງການສືບຕໍ່ ໃນນັ້ນໂຄງການກໍ່ສ້າງຝາມໄຊມີມູນການກໍ່ສ້າງ 1 ຕື້ 600 ລ້ານກວ່າກີບ, ຈຳນວນ 1 ຫຼັງ, ຂະໜາດ 19,5×23,5 ແມັດ, ໂຄງສ້າງເຮັດເບຕົງເສີມເຫຼັກ, ມຸງດ້ວຍຊີເຟັກ ແລະໂຄງສ້າງຕະຝັ່ງເຈື່ອນເປັນໂຄງສ້າງເຮັດດ້ວຍ ເບຕົງເສີມເຫຼັກ ມີຄວາມຍາວ 200 ກ່ວາແມັດ, ການກໍ່ສ້າງຈະໃຫ້ສຳເລັດພາຍໃນ 3 ເດືອນ…ອ່ານຕໍ່
ເມືອງນອງ ແຂວງສະຫວັນນະເຂດໄດ້ສຸມໃສ່ປູກແນວພັນໄມ້ໃຫ້ເປັນປ່າເຖິງ 31.000 ກວ່າເບ້ຍ
ສະເພາະປີນີ້ທາງເມືອງນອກໍ່ຄືຫ້ອງການກະສິກຳ ແລະ ປ່າໄມ້ເມືອງ ແມ່ນໄດ້ເອກະພາບກັນປູກຕົ້ນໄມ້ທີ່ບ້ານຕະກໍ ໃນເນື້ອທີ່ 5 ເຮັກຕາເຊິ່ງເປັນຂະບວນການໜຶ່ງຂອງເມືອງ ເຊິ່ງເປົ້າໝາຍໃນການປູກຕົ້ນໄມ້ໃນຄັ້ງນີ້ແມ່ນປະຕິບັດແຜນຍຸດທະສາດປ່າໄມ້ 2021 ເວົ້າໂດຍລວມກ່ໍແມ່ນເພື່ອຍົກລະດັບຄວາມປົກຫຸ້ມຂອງປ່າໄມ້ ແລະຄວາມອຸດົມສົມບູນຂອງປ່າໄມ້ໃຫ້ສູງຂື້ນ
ທາງຫ້ອງການກະສິກຳ ແລະ ປ່າໄມ້ ສາມາດຜະລິດເບ້ຍໄມ້ໄດ້ທັງໝົດ 31.930 ເບ້ຍ, ຍັງໃຫ້ບັນດາຫ້ອງການທີ່ຢູ່ອ້ອມຂ້າງເມືອງປູກຕື່ມໃນເນື້ອທີ່ຫ້ອງການຂອງຕົນ ແລະ ທັງໃຫ້ອຳນາດການປົກຄອງທັງໝົດໃນ 69 ບ້ານໃຫ້ລະດົມປະຊາຊົນປູກຕົ້ນໄມ້ພາຍໃນບໍລິເວນເຮືອນຂອງຕົນ…ອ່ານຕໍ່
