ປະຈຳວັນ 9 ມິຖຸນາ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ແຂວງໄຊຍະບູລີ ສຳເລັດການປູກເຂົ້ານາປີຢູ່ທີ່ເມືອງຊຽງຮ່ອນແລ້ວ 80%
ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມຄະນະ ໄດ້ລົງໄດ້ຕິດຕາມ ແລະ ຊຸກຍູ້ຂະບວນການຜະລິດລະດູຝົນທີ່ເມືອງຊຽງຮ່ອນ ເປັນຕົ້ນແມ່ນການປູກເຂົ້ານາປີ
ເຊິ່ງໃນປີນີ້ ມີເນື້ອທີ່ແຜນການຜະລິດລະດູຝົນລວມທັງໝົດ 10.900 ເຮັກຕາ, ເປັນເນື້ອທີ່ປູກເຂົ້າລວມມີ 4.158 ເຮັກຕາ, ມາຮອດປະຈຸບັນແມ່ນໄດ້ປູກສຳເລັດແລ້ວ 80%, ແນວພັນທີ່ປະຊາຊົນນໍາມາປູກສ່ວຍໃຫຍ່ແມ່ນພັນເຂົ້າປັບປຸງ ແລະ ພັນພື້ນເມືອງຈໍານວນໜຶ່ງ…ອ່ານຕໍ່
ພົບພະຍາດຜີວໜັງອັກເສບ ງົວ – ຄວາຍ ຈຳນວນ 4.000 ກວ່າໂຕ ທີ່ແຂວງສະຫວັນນະເຂດ
ຢູ່ແຂວງສະຫວັນນະເຂດ ແມ່ນໄດ້ເກີດມີການລະບາດຂອງພະຍາດຜີວໜັງອັກເສບງົວ ແລະ ຄວາຍໃນໄລຍະເດືອນກຸມພາຜ່ານມາ ຢູ່ທີ່ບ້ານຈຳນວນໜຶ່ງໃນນະຄອນໄກສອນພົມວິຫານ ເຊິ່ງພະຍາດດັ່ງກ່າວຈະສັງເກດເຫັນໄດ້ຈາກອາການທີ່ເປັນຕຸ່ມພຸພອງຢູ່ຕາມຜີວໜັງຂອງສັດປະເພດງົວ ແລະ ຄວາຍ
ພະຍາດຜີວໜັງອັກເສບງົວ-ຄວາຍເປັນພະຍາດທີ່ຄ້າຍຄືກັນກັບພະຍາດໄຂ້ຍຸງລາຍທີ່ເກີດຈາກສັດດູດເລືອດປະເພດໂຕເຫັບ,ເຫຼືອກ,ຍຸງ,ຮິ້ນ ທີ່ໄປດູດເລືອດສັດທີ່ເປັນພະຍາດແລ້ວໄປກັດ ຫຼື ດູດເລືອດສັດໂຕອື່ນ ການລະບາດມີທັງໝົດ 190 ກວ່າບ້ານ,ມີສັດ 4.700 ກວ່າໂຕ,ປິ່ນປົວດີແລ້ວ 2.500 ກວ່າໂຕ,ສັດຕາຍຈຳນວນ 60 ກວ່າໂຕ ແລະ ກຳລັງສືບຕໍ່ປິ່ນປົວອີກຈຳນວນໜຶ່ງ…ອ່ານຕໍ່
ສາທາລະນະສຸກເມືອງບາຈຽງຈະເລີນສຸກ ລົງເຜີຍແຜ່ການປ້ອງກັນຄວບຄຸມໜອນນໍ້າຍຸງລາຍ
ຫ້ອງການສາທາລະນະສຸກເມືອງບາຈຽງຈະເລີນສຸກ ແຂວງຈຳປາສັກ ສ້າງຂະບວນທຳລາຍແຫຼ່ງເພາະພັນໜອນນ້ຳຍຸງລາຍຢູ່ບ້ານຫົວແຊ
ການກວດກາພະຫະນາຕ່າງໆທີ່ໃສ່ນ້ຳໃນແຕ່ລະຄົວເຮືອນຂອງປະຊາຊົນເພື່ອເຮັດອະນາໄມທຳລາຍໜອນນ້ຳຍຸງລາຍໄປພ້ອມໆກັບການໂຄສະນາສຸຂະສືກສາໃຫ້ຄວາມຮູ້ກ່ຽວກັບການປ້ອງກັນຄອບຄຸມໜອນນ້ຳຍຸງລາຍດ້ວຍການປະຕິບັດ5ປໍໂດຍຕີດພັນກັບການອະນາໄມສາມສະອາດຢູ ເພື່ອເປັນການປ້ອງກັນສະກັດກັ້ນບໍ່ໃຫ້ມີການລະບາດຂອງພະຍາດດັ່ງກ່າວ…ອ່ານຕໍ່
ຈັດກອງປະຊຸມຈັດຕັ້ງທີມຕິດຕາມ ດໍາເນີນປະຕິບັດມາດຕະການບໍ່ຊື້-ບໍ່ຂາຍເຄື່ອງດື່ມທີ່ມີທາດເຫຼົ້າ ໃຫ້ແກ່ເດັກນ້ອຍ
ທ່ານ ອະນຸສິດ ສັກປະເສີດ ຜູ້ອໍານວຍການໂຄງການ CB-DAC ມີຄະນະຮັບຜິດຊອບໂຄງການ, ຂະແໜງການທີ່ກ່ຽວຂ້ອງ, ອໍານາດການປົກຄອງບ້ານ 8 ບ້ານ ໄດ້ຜັດປ່ຽນກັນເຜີຍແຜ່ບັນດາເອກະສານຕ່າງໆເຊັ່ນ: ເອກະສານວ່າດ້ວຍຂໍ້ຫ້າມ ແລະ ມາດຕະການຕໍ່ການຄຸ້ມຄອງເຄື່ອງດື່ມທີ່ມີທາດເຫຼົ້າ ໃຫ້ເດັກນ້ອຍອາຍຸຕໍ່າກວ່າ 18 ປີ, ເອກະສານກ່ຽວກັບການຫັນປ່ຽນ ແບບແຜນດໍາລົງຊີວິດແບບໃໝ່
ເພື່ອເຮັດໃຫ້ອໍານາດການປົກຄອງບ້ານ 8 ບ້ານ ໃນເທດສະບານແຂວງ ໄດ້ຮັບຮູ້ເຂົ້າໃຈກ່ຽວກັບບັນດານິຕິກໍາການຄວບຄຸມ, ປ້ອງກັນ ແລະ ສະກັດກັ້ນພະຍາດໂຄວິດ-19 ໃຫ້ແກ່ປະຊາຊົນພາຍໃນບ້ານຂອງຕົນ…ອ່ານຕໍ່