ປະຈຳວັນທິ 19 ມິຖຸນາ 2021 | ໜັງສືພິມສຽງຈັນທາຍໄດ້ໃຫ້ຮູ້ວ່າ:
ແຂວງຄຳມ່ວນ ມີ 179 ໂຮງຮຽນໄດ້ຮັບການຊ່ວຍເຫຼືອງົບປະມານເຂົ້າໃນໂຄງການອາຫານທ່ຽງໃນໂຮງຮຽນ
ໂຄງນີ້ການເພື່ອປັບປຸງການຮຽນຮູ້ໜັງສືຂອງເດັກກ່ອນໄວຮຽນ ໂດຍຜ່ານກິດຈະກຳການສ້າງມູມອ່ານ, ການແຈກຢາຍອຸປະກອນ ແລະ ເຄື່ອງມືການຮຽນຮູ້, ການສ້າງກິດຈະກຳ ສົ່ງເສີມການຮຽນຮູ້ໜັງສື, ການຝຶກອົບຮົມຄູ, ຝຶກອົບຮົມຜູ້ບໍລິຫານໂຮງຮຽນ, ສ້າງຄວາມຕັ້ງໃຈຮຽນ ແລະ ການເຂົ້າຫ້ອງຮຽນໂດຍຜ່ານກິດຈະກຳສະໜອງອາຫານທ່ຽງ, ການສ້າງສວນຄົວໂຮງຮຽນ, ສາງເກັບມ້ຽນອາຫານ, ເຮືອນຄົວ, ເຮືອນຮັບປະທານອາຫານ, ການລະດົມ ແລະ ສ້າງຄວາມເຂັ້ມແຂງໃຫ້ແກ່ຊຸມຊົນ, ການປັບປຸງນ້ຳສະອາດ, ສຸຂະອະນາໄມ ແລະ ສຸຂະພາບ
ແຂວງຄຳມ່ວນມີ 4 ເມືອງທີ່ນອນຢູ່ໃນເປົ້າໝາຍຂອງໂຄງການອາຫານທ່ຽງໃນໂຮງຮຽນ ຊຶ່ງປະກອບມີເມືອງມະຫາໄຊ, ຍົມມະລາດ, ບົວລະພາ ແລະ ເມືອງໄຊບົວທອງ ກວມເອົາຈຳນວນນັກຮຽນຊັ້ນອະນຸບານ ແລະ ປະຖົມປະມານ 12.444 ຄົນ, ໃນ 179 ໂຮງຮຽນທີ່ໄດ້ຮັບການຊ່ວຍເຫຼືອງົບປະມານທັງໝົດ 5,2 ລ້ານໂດລາ ຈາກ ກະຊວງກະສິກຳ ສະຫະລັດອາເມຣິກາ ແລະ ຈັດຕັ້ງປະຕິບັດໂດຍອົງການ CRS (Catholic Relief Services)…ອ່ານຕໍ່
ອົງການພັດທະນາລຸກຊຳບວກ ມອບອຸປະກອນການແພດໃຫ້ໂຮງໝໍແຂວງບໍ່ແກ້ວ
ອົງການພັດທະນາປະເທດລຸກຊຳບວກ ປະຈຳລາວໄດ້ມອບເຄື່ອງອຸປະກອນການແພດ ຈຳນວນ 23 ລາຍການໃຫ້ໂຮງໝໍແຂວງບໍ່ແກ້ວ ກ່າວມອບໂດຍ ທ່ານ ແຟຣງ ຊິກມູນ ຫົວໜ້າທີ່ປຶກສາສາກົນປະຈຳແຜນງານ ລາວ/030
ຊຶ່ງປະກອບມີອົກຊີ 20 ເຄື່ອງ, ລໍ້ຍູ້ຊະນິດນັ່ງ 2 ອັນ, ລໍ້ຍູ້ຊະນິດນ້ອຍ 2 ອັນ, ຕຽງນອນຄົນເຈັບ 5 ໜ່ວຍ, ຖົງມືປ້ອງກັນເຊື້ອ 500 ອັນ, ຖົງມືທຳມະດາ 1.000 ອັນ, ຜ້າຢາງປູຕຽງ 2 ຜືນ, ແອຮກໍຮໍ 75% ຈຳນວນ100 ກ່ອງ, ຊົບໝອນຢ່າງ 20 ໜ່ວຍ, ເຄື່ອງພົ່ນຂ້າເຊື້ອ 2 ເຄື່ອງ, ຊົບໝອນຄົນເຈັບ 50 ອັນ, ໝວກເຈ້ຍ1.000 ອັນ…ອ່ານຕໍ່
ລາວຈະສ້າງຫ້ອງທົດລອງ ທີ່ທຽບເທົ່າກັບຫ້ອງວິໄຈຂອງສາກົນ
ສະຖາບັນການແພດ ແລະ ການຢາພື້ນເມືອງ ກະຊວງສາທາລະນະສຸກ ໄດ້ຮ່ວມມືກັບບໍລິສັດ ກູນຕີວາ ຈໍາກັດ ໃນການກໍ່ສ້າງອາຄານຫ້ອງທົດລອງຄົ້ນຄວ້າ ວິໄຈຄົບຊຸດທີ່ຢັ້ງຢືນຄຸນນະພາບພືດທີ່ເປັນຢາ ແລະ ພືດເສດຖະກິດຂອງລາວທີ່ມີຄຸນນະພາບທຽບເທົ່າກັບຫ້ອງວິໄຈຂອງບັນດາປະເທດເພື່ອນບ້ານ ແລະ ສາກົນ
ຫ້ອງທົດລອງດັ່ງກ່າວນີ້ຈະຢັ້ງຢືນຄຸນນະພາບ ແລະ ຄວາມປອດໄພດ້ານພືດເປັນຢາ ແລະ ພືດເສດຖະກິດ ຕາມມາດຕະຖານຂອງພາກພື້ນ ແລະ ສາກົນ ແລະ ສາມາດກໍານົດເປັນ ມາດຕະຖານຂອງລາວ…ອ່ານຕໍ່
ອົດສະຕຣາລີ ມອບອຸປະກອນການແພດຕ້ານໂຄວິດ-19 ໃຫ້ແກ່ລາວ
ລັດຖະບານອົດສະຕຣາລີ ໂດຍຜ່ານມູນນິທິ ເຟຣດໂຮໂລ (Fred Hollows) ປະຈຳລາວ ໄດ້ມອບອຸປະກອນການແພດເພື່ອປ້ອງກັນ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ໃຫ້ແກ່ ສປປ ລາວ
ເຄື່ອງໄດ້ຮັບຄັ້ງນີ້ປະກອບມີ ເສື່ອນອນຄົນເຈັບ, ຕຽງພັບ, ຕຽງນອນຄົນເຈັບແບບມາດຕະຖານ, ຜ້າອັດປາກ-ດັງ, ເຈວລ້າງມື, ຊຸດແພດໝໍປ້ອງກັນເຊຶ້ອ PPE, ເຄື່ອງກວດວັດແທກອຸນຫະພູມຮ່າງກາຍ ແລະ ເຫຼົ້້າຂ້າເຊື້ອ…ອ່ານຕໍ່
ໂຄງການພັດທະນາແຫຼ່ງທ່ອງທ່ຽວ ຕາດຟ້າ ເຂດບ້ານນໍ້າສະນາມ ສຳເລັດແລ້ວ 30%
ທ່ານ ໄຊສົມບູນ ສຸວັນດາລາ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຄຳມ່ວນ ພ້ອມຄະນະ ໄດ້ລົງຊຸກຍູ້, ຕິດຕາມໂຄງການພັດທະນາແຫຼ່ງທ່ອງທ່ຽວ ຕາດຟ້າ ເຂດບ້ານນໍ້າສະນາມ ເມືອງຄູນຄຳເມື່ອບໍ່ດົນມານີ້ ໂດຍແມ່ນບໍລິສັດ ຕາດຟ້າເອໂກທົວຣິສ໌ເຊິມ ໄດ້ສໍາປະທານເນື້ອທີ່ທັງໝົດ 12,61 ເຮັກຕາ ເພື່ອພັດທະນາແຫຼ່ງທ່ອງທ່ຽວແບບອະນຸລັກທໍາມະຊາດ
ໂຄງການພັດທະນາແຫຼ່ງທ່ອງທ່ຽວ ຕາດຟ້າ ໄດ້ແບ່ງເປັນເຂດພັດທະນາການທ່ອງທ່ຽວ ຄື: ເຂດບໍລິການ ຈໍານວນ 2 ເຮັກຕາ ແລະ ເຂດພັດທະນາການທ່ອງທ່ຽວແບບອະນຸລັກທໍາມະຊາດ ຈໍານວນ 10,61 ເຮັກຕາ ຊຶ່ງໂຄງການ ແມ່ນເນັ້ນໃສ່ປຸກສ້າງສະຖານທີ່ພັກແຮມແບບກົມກືນກັບທໍາມະຊາດ, ກໍ່ສ້າງສູນຂໍ້ມູນດ້ານການທ່ອງທ່ຽວ, ຕິດຕັ້ງອຸປະກອນ ແລະ ສິ່ງອໍານວຍຄວາມສະດວກໃນການທ່ອງທ່ຽວ-ການບໍລິການ ຊຶ່ງໃນນັ້ນ ແມ່ນຈະມີກິດຈະກຳຕ່າງໆ…ອ່ານຕໍ່
ໄຊຍະບູລີໄດ້ຮັບຄວາມເສຍຫາຍຫຼາຍກວ່າໝູ່ໃນການເກີດນໍ້າຖ້ວມຄັ້ງນີ້
ພຽງຕົ້ນລະດູຝົນເທົ່ານັ້ນ 4 ແຂວງຂອງລາວໄດ້ຮັບຜົນກະທົບແລ້ວຈາກໄພນໍ້າຖ້ວມທີ່ເກີດຈາກຝົນທີ່ຕົກໜັກຕິດຕໍ່ກັນຫຼາຍວັນ ໂດຍນໍ້າໄດ້ຍຶ່ງຂຶ້ນຖ້ວມກະທັນຫັນ ຊຶ່ງປະກອບມີເມືອງວັງວຽງ ແລະ ເມືອງໂພນໂຮງ ແຂວງວຽງຈັນ, ຢູ່ເມືອງຜາໄຊ ແລະ ເມືອງຄູນ ແຂວງຊຽງຂວາງ, ຢູ່ເມືອງ 7 ເມືອງ ຂອງແຂວງໄຊຍະບູລີ, ເມືອງຜາອຸດົມ ແຂວງບໍ່ແກ້ວ ແລະ ເມືອງອື່ນໆອີກ
ຊຶ່ງເຫດນໍ້າຖ້ວມໃນຄັ້ງນີ້ແຂວງໄຊຍະບູລີໄດ້ຮັບຜົນກະທົບໝັກກວ່າແຂວງອື່ນໆຊຶ່ງມີມູນຄ່າເສຍຫາຍສູງເຖິງ 94 ຕື້ກີບ ໂດຍນໍ້າໄດ້ຖ້ວມເຮືອນປະຊາຊົນ, ຖ້ວມເນື້ອທີ່ການຜະລິດ, ເສັ້ນທາງຈໍານວນໜຶ່ງຂາດ, ເສົາໄຟຟ້າຫັກ…ອ່ານຕໍ່