ແອັບແຊັດທີ່ຄົນລາວນິຍົມໃຊ້ກັນຫຼາຍທີ່ສຸດກໍ່ຄື WhatsApp ສາມາດສົ່ງຂໍ້ຄວາມ ຫຼື ໂທຫາຜູ້ໃຊ້ WhatsApp ຄົນອື່ນໄດ້ພຽງແຕ່ມີການເຊື່ອມຕໍໍ່ອິນເຕີເນັດ ແຕ່ກໍມີຂໍ້ຈຳກັດຄືຕ້ອງໃຊ້ກັບເບີໂທລະສັບເທົ່ານັ້ນ
ບໍລິສັດຜະລິດໂທລະສັບສ່ວນໃຫຍ່ໄດ້ອະນຸຍາດໃຫ້ໃຊ້ຕ້້ງຄ່າແອັບຄູ່ ຫຼືແອັບຄູ່ ຊຶ່ງວ່າແອັບໜຶ່ງສາມາດໃຊ້ໄດ້ສອງບັນຊີ, ທາງຜູ້ຜະລິດ Xiaomi, Samsung, Vivo, Oppo, huawei, Honor, Oneplus ແລະ Realme ໄດ້ນໍາເອົາການສ້າງແອັບຄູ່ເຂົ້າໃນການຕັ້ງຄ່າຂອງເຄື່ອງ ເຊີ່ງແຕ່ລະລຸ້ນຈະມີຊື່ໃນບ່ອນຕັ້ງຄ່າທີ່ແຕກຕ່າງກັນເຊັ່ນ: Dual Apps, App Clone, App twin ແລະ Parallel Apps
ວິທີການເປີດໃຊ້ງານແລະຕິດຕັ້ງແອັບຄູ່ງ່າຍໆ ມີດັ່ງນີ້:
- Samsung : ເຂົ້າໄປທີ່ Settings > Advance features >Dual Messenger.
- Huawei ແລະ Honor : ເຂົ້າໄປທີ່ Settings > Apps > App twin.
- Oppo : ເຂົ້າໄປທີ່ Settings > App Cloner.
- Vivo : ເຂົ້າໄປທີ່ Settings > Apps and notifications > App Clone.
- Xiaome : ເຂົ້າໄປທີ່ Settings > Apps > Dual apps.
- Realme: ເຂົ້າໄປທີ່ Settings > App management > App cloner.
ເທົ່ານີ້ກໍສາມາດໃຊ້ງານ WhatsApp ໄດ້ສອງບັນຊີໃນເຄື່ອງດຽວ ໂດຍທີ່ບໍ່ຕ້ອງໄປຊື້ໂທລະສັບໃຫມ່, ວິທີການຕັ້ງຄ່າເປີດໃຊ້ງານແອັບຄູ່ນີ້ ສາມາດໃຊ້ໄດ້ກັບເຄື່ອງທີ່ມີມາໃຫ້ໃນໂຕເຄື່ອງຢູ່ແລ້ວເທົ່ານັ້ນ, ສ່ວນເຄື່ອງທີ່ບໍ່ມີການຕັ້ງຄ່າແບບນີ້ບໍ່ຕ້ອງເປັນຫ່ວງ ເພາະຍັງສາມາດໂຫລດຈາກ Play Store ເພາະມີຫຼາຍແອັບທີ່ີສາມາດສ້າງແອັບຄູ່ ມາໃຊ້ງານໄດ້ຄືກັນ