ປະຈຳວັນທີ 3 ກໍລະກົດ 2021 | ໜັງສືພິມວຽງຈັນທາຍໄດ້ໃຫ້ຮູ້ວ່າ:
ໂຄງການບໍລິການເກັບມ້ຽນຂີ້ເຫຍື້ອແບບບໍ່ລວມສູນຊ່ວຍຫຼຸດຄ່າໃຊ້ຈ່າຍ
ໂຄງການເກັບມ້ຽນຂີ້ເຫຍື້ອແບບບໍ່ລວມສູນ ຊ່ວຍຫຼຸດຄ່າໃຊ້ຈ່າຍໜ້ອຍລົງ ເພື່ອເພີ່ມການເຂົ້າເຖິງການບໍລິການເກັບມ້ຽນ ແລະກຳຈັດຂີ້ເຫຍື້ອທົ່ວເຖິງ ຢູ່ພາຍໃນນະຄອນຫຼວງວຽງຈັນ ແລະ ໄດ້ປັບຮູບແບບຂອງລົດເກັບມ້ຽນຂີ້ເຫຍື້ອ, ໄດ້ເລືອກຂະໜາດນ້ອຍ ເພື່ອໃຫ້ເໝາະສົມກັບບໍລິມາດຂອງຂີ້ເຫຍື້ອ
ສ່ວນຄ່າບໍລິການ ແລະ ລະບົບໃໝ່ນີ້, ຢູ່ບັນດາຄົວເຮືອນໄດ້ສະເໜີເກັບຄ່າບໍລິການ 7.000 ກີບຕໍ່ຄົນ/ຕໍ່ເດືອນ ອີງຕາມຈຳນວນສະມາຊິກພາຍໃນເຮືອນ ຊຶ່ງການນຳໃຊ້ມາດຕະການແບບນີ້ ຈະເຮັດໃຫ້ຄອບຄົວທີ່ມີສະມາຊິກໜ້ອຍຄົນຈ່າຍໜ້ອຍລົງ…ອ່ານຕໍ່
ພະຍາດຜີວໜັງອັກເສບງົວ-ຄວາຍບໍ່ສາມາດຕິດຕໍ່ ໃສ່ຄົນ
ພະແນກກະສິກຳ ແລະ ປ່າໄມ້ນະຄອນຫຼວງວຽງຈັນໄດ້ໃຫ້ຮູ້ວ່າ 7 ເມືອງ ທີ່ເກີດເຊື້ອພະຍາດດັ່ງກ່າວນີ້ປະກອບມີ: ເມືອງຫາດຊາຍຟອງ, ສັງທອງ, ນາຊາຍທອງ, ສີໂຄດຕະບອງ, ໄຊທານີ, ໄຊເສດຖາ ແລະ ເມືອງປາກງື່ມ, ຍັງເຫຼືອແຕ່ 2 ເມືອງຄື: ເມືອງສີສັດຕະນາກ ແລະ ເມືອງຈັນທະບູລີທີ່ຍັງບໍ່ມີພະຍາດດັ່ງກ່າວ
ອາການສະແດງອອກ ຂອງສັດຕິດເຊື້ອພະຍາດຜີວໜັງອັກເສບຕິດຕໍ່ງົວ-ຄວາຍ ແມ່ນມີຕຸ່ມທົ່ວຕົນໂຕ ໂດຍສະເພາະບໍລິເວນແອບແອ້ຂາຫຼັງ, ສັດຈະເປັນໄຂ້ ແລະຈ່ອຍ, ຖ້າຮັກ ສາບໍ່ທັນ ຕຸ່ມຈະແຕກ, ເມື່ອແມງວັນໄປຕອມ ແລະເຊື້ອພະຍາດດັ່ງກ່າວບໍ່ສາມາດຕິດຕໍ່ໃສ່ຄົນໄດ້…ອ່ານຕໍ່
ກາເຟອິນຊີລາວ ສົ່ງອອກຂາຍໃຫ້ຕ່າງປະເທດເປັນເວລາ 5 ປີ
ບໍລິສັດຜະລິດກາເຟມາລົງໂກ ຈາກຝຣັ່ງໄດ້ຕົກລົງຊື້ກາເຟອິນຊີລາວ ຈາກສະຫະກອນກາເຟວັນໃໝ່ ຢູ່ແຂວງຫົວພັນເປັນເວລາ 5 ປີນັບແຕ່ປີ 2021 ຫາ 2025 ຄາດວ່າຈະມີການຊື້ຂາຍຈາກ 20 ໂຕນໃນປີ 2021 ເປັນ 200 ໂຕນໃນປີ 2025
ສະຫະກອນກາເຟວັນໃໝ່ ແມ່ນຊຸມຊົນຂອງຄອບຄົວຕ່າງໆຢູ່ ແຂວງຫົວພັນ ທີ່ມາໂຮມຕົວກັນ ເພື່ອປູກກາເຟດ້ວຍການສະໜັບສະໜຸນຈາກ ອົງການສະຫະປະຊາຊາດເພື່ອຕ້ານຢາເສບຕິດ ແລະ ອາຊະຍາກຳ (UNODC) ແລະ ຄະນະກຳມະການແຫ່ງຊາດລາວ ເພື່ອກວດກາ ແລະ ຄວບຄຸມຢາເສບຕິດ (LCDC)…ອ່ານຕໍ່
ປະຕິສັງຂອນ ວັດພຸດທະວັນນາຣາມ ບ້ານເມືອງກາງ ແຂວງຈຳປາສັກ
ບໍລິສັດ ST ກຣຸບ ຈຳກັດ ໄດ້ມອບເງິນອຸປະຖຳ ຈຳນວນ 350 ລ້ານກີບ ໃຫ້ແຂວງຈຳປາສັກເພື່ອນຳໄປປະຕິສັງຂອນ ວັດພຸດທະວັນນາຣາມ ບ້ານເມືອງກາງ, ການປະຕິສັງຂອນ ວັດພຸດທະວັນນາຣາມ ແມ່ນເປັນສ່ວນໜຶ່ງຂອງເປົ້າໝາຍການສ້າງເມືອງບູຮານ ຢູ່ແຂວງຈຳປາສັກ ເພື່ອ ສົ່ງເສີມການທ່ອງທ່ຽວ ທີ່ຕິດພັນກັບ ປະຫວັດສາດ ແລະ ວັດທະນະທຳ ທີ່ເກົ່າແກ່
ຊຶ່ງວັດພຸດທະວັນນາຣາມ ເປັນວັດທີ່ເກົ່າແກ່ທີ່ສຸດໃນເມືອງຈຳປາສັກ ກໍ່ຕັ້ງມາໄດ້ເກືອບ 500 ກວ່າປີ (ພສ. 2042 ຫຼື ຄສ. 1499), ມີເອກະລັກສະເພາະ ເປັນການປະສົມປະສານທາງດ້ານສະຖາປັດຕະຍະກຳຕ່າງໆ ທີ່ຈົບງາມ, ມີອາຄານເກົ່າແກ່ 5 ຫຼັງ…ອ່ານຕໍ່