ປະຈຳວັນທີ 23 ກໍລະກົດ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ຄວາມຄືບໜ້າ ໂຄງການທະລຸ ແລະຍົກລະດັບເສັ້ນທາງລຽບຊາຍແດນລາວ-ຫວຽດນາມ
ໂຄງການທະລຸ ແລະຍົກລະດັບເສັ້ນທາງລຽບຊາຍແດນລາວ-ຫວຽດນາມແຂວງເຊກອງ ມີຄວາມຍາວທັງໝົດ 101 ກິໂລແມັດ, ໄດ້ເລີ່ມລົງມືປະຕິບັດມາແຕ່ເດືອນກຸມພາ 2020 ມາຮອດກໍລະກົດ 2021
ໂຄງການດັ່ງກ່າວໄລຍະເວລາການກໍ່ສ້າງທັງໝົດ 4 ປີ, ມີມູນຄ່າທັງໝົດ 200 ກວ່າຕື້ກີບ ໂດຍນໍາໃຊ້ທຶນຂອງລັດຖະບານແຫ່ງ ສປປ ລາວ 100% ວຽກທົ່ວໄປປະຕິບັດໄດ້ 9,1%; ວຽກດິນປະຕິບັດໄດ້ 5,71%; ວຽກໂຄງສ້າງຂົວປະຕິບັດໄດ້ 3,08%…ອ່ານຕໍ່
ກອງບັນຊາການທະຫານແຂວງສະຫວັນນະເຂດ ຢ້ຽມຢາມພະນັກງານທີ່ເສຍອົງຄະປະຈຳສູນເຊ 17
ການຢ້ຽມຢາມຄັ້ງນີ້ເພື່ອສະແດງຄວາມຮູ້ບຸນຄຸນ,ຜົນງານ,ຄຸນງາມຄວາມດີຕໍ່ພະນັກງານປະຕິວັດອາວຸດໂສທີ່ເສຍສະຫຼະເລືອດເນື້ອ ເພື່ອປົດປ່ອຍປະເທດຊາດອອກຈາກການກົດຂີ່ຂຸດຮີດຂອງພວກຈັກກະພັດຕ່າງດ້າວ ທີ່ບ້ານໂນນໄຊ ເມືອງພີນ ແຂວງສະຫວັນະເຂດ
ຄະນະກອງບັນຊາການທະຫານແຂວງສະຫວັນະເຂດ ກໍ່ໄດ້ນຳເອົາເຂົ້າສານຈ້າວຈຳນວນ 30 ກະສອບນ້ອຍພ້ອມເຄື່ອງຕ້ອນຂອງຝາກ ແລະ ເງິນສົດຈຳນວນໜຶ່ງມາມອບໃຫ້ໂດຍແມ່ນ ທ່ານ ເດີນກາ ພົມມະລີນ ຫົວໜ້າສູນເສຍອົງຄະເຊ 17…ອ່ານຕໍ່
ກອງພັນ 617 ປັກດຳເຂົ້ານາປີຕາມລະດູການ ກຸ້ມຢູ່ກຸ້ມກິນ
ຄະນະພັກ-ຄະນະບັນຊາກອງພັນ 617 ທີ່ຂຶ້ນກັບກອງພົນທະຫານຮາບທີ 4 ໄດ້ເປັນເອກະພາບກັນຈັດຕັ້ງພະນັກງານ-ນັກຮົບ ພາຍໃນກົມກອງຂອງຕົນ ປັກດຳເຂົ້ານາປີໃຫ້ທ່ວງທັນກັບລະດູການ ສຸ່ມໃສ່ການປັກດຳເຂົ້ານາປີໃນເນື້ອທີ່ທັງໝົດ 13 ເຮັກຕາ
ເຊີ່ງນຳໃຊ້ແນວພັນທັງໝົດ 1,200 ກິໂລ, ໂດຍນຳທຶນຮອນ ພາຫະນະ ແລະ ແຮງງານ ພາຍໃນກົມກອງ 100% ລົງມືປັກດຳຕົວຈິງໃຊ້ເວລາ 7 ວັນ ແມ່ນສຳເລັດ 100% ທັງນີ້ ເພື່ອປະຕິບັດຕາມຄຳຂວັນທີ່ວ່າ: ເພີ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຂອງກົມໃຫຍ່ພະລາທິການກອງທັບວາງອອກ…ອ່ານຕໍ່
ທ່ານຮອງເຈົ້າເມືອງປາກທາ ລົງຕິດຕາມຊູກຍູ້ການສອບເສັງຈົບຊັ້ນ ມ 4 ຢູ່ສູນ ມສ ກ້ອນຕື່ນ
ຜູ້ຊີ້ນຳວຽກງານວັດທະນະທຳສັງຄົມ ພ້ອມຄະນະ ໄດ້ລົງຕິດຕາມສຸກຍູ້ການສອບເສັງຈົບຊັ້ນ ມ 4 ຢູ່ສູນ ມສ ກ້ອນຕື່ນ ໄດ້ຮັບຟັງການລາຍງານໂດຍຫຍໍ້ຈາກຄະນະອຳນວຍການໂຮງຮຽນເຊິງໂຮງຮຽນ
ໄດ້ເນັ້ນໜັກໃຫ້ຄະນະອຳນວຍການຄູອາຈານ ແລະ ຄະນະຮັບຜິດຊອບຕ້ອງໄດ້ເອົາໃຈໃສ່ເພີ່ມຄວາມຮັບຜິດຊອບ ປະຕິບັດລະບຽບການສອບເສັງທີວາງອອກຢ່າງເຂັ້ມງວດ, ຕິດຕາມກວດກາຈໍານວນ ນັກສອບເສັງໃຫ້ມາສອບເສັງທັນໂມງເວລາ ເອົາໃຈໃສ່ປະຕິບັດໂມງເວລາ ຫຼັງຈາກສອບເສັງສຳເລັດຕ້ອງນຳບົດຕອບຂອງນັກຮຽນມາກວດກາໃຫ້ລະອຽດ…ອ່ານຕໍ່