ໃນຊ່ວງລະບາດຂອງເຊື້ອພະຍາດໂຄວິດ-19 ແບບນີ້ ຫຼາຍໂຮງຮຽນ ແລະສະຖາບັນການສຶກສາຕ່າງໆໃນລາວ ກໍ່ຕ້ອງໃຫ້ນັກຮຽນຮຽນອອນລາຍ ເຊິ່ງເຮົາຈະມາແນະນຳແອັບທີ່ຈະເຮັດໃຫ້ການຮຽນໃນຍຸກນີ້ງ່າຍຂຶ້ນ
“ຄັງປັນຍາລາວ” ຍຸກທີ່ຕ້ອງຊື້ປຶ້ມແບບຮຽນແພງໆໃຫ້ລູກ-ໃຫ້ຫຼານໝົດໄປແລ້ວ, ເພາະແອັບພິເຄຊັນ ຄັງປັນຍາລາວ ມີປຶ້ມແບບຮຽນສາມັນສຶກສາທຸກຂັ້ນ ແລະທຸກວິຊາ ຖ້າລືມປຶ້ມໄປໂຮງຮຽນ ກໍສາມາດເຂົ້າເບິ່ງໃນແອັບນີ້ງ່າຍໆ ເພາະຍຸກນີ້ຄືຍຸກຂອງດິຈິຕອນ
“Photomath” ເປັນອີກແອັບໜຶ່ງທີ່ຈະຄິດໄລ່ເລກແທນເຮົາ ບໍ່ວ່າຈະເປັນເລກງ່າຍໆບວກ, ລົບ, ຄູນ, ຫານ ຫຼືບັ້ງເລກຢາກໆຕ່າງໆ ພຽງແຕ່ເຂົ້າແອັບແລ້ວສະແກນກໍ່ຈະໄດ້ທັງຄຳຕອບ ແລະວິທີການຄິດໄລ່
“Google Translate” ແອັບແປພາສາຍອດນິຍົມ ທີ່ທຸກຄົນຕ້ອງຮູ້ຈັກ, ໃນອາດີດເຄີຍມີຄຳເວົ້າທີ່ວ່າ “ຕ້ອງຈື່ຄຳສັບທຸກໂຕໃນວັດຈະນານຸກົມ (Dictionary) ຈຶ່ງຈະເກັ່ງພາສາຕ່າງໆ” ແຕ່ວ່າຍຸກດິຈິຕອນຄືຍຸກແຫ່ງການປ່ຽນແປງ ບໍ່ຮູ້ພາສາໃດພຽງແຕ່ເປີດໃຊ້ Google Translate ກໍ່ແປໄດ້ທຸກພາສາແລ້ວ ເຊິ່ງແນ່ນອນວ່າໃຜທີ່ຍັງຈື່ວັດຈະນານຸກົມໄດ້ທັງໝົດກໍ່ຖືເປັນການດີໄປໃນໂຕ
ຍຸກການຮຽນແບບໃຫມ່ແມ່ນຕ້ອງໄດ້ປ່ຽນໄປຕາມສະພາບແວດລ້ອມໃນປັດຈຸບັນ, ລອງໂຫລດມາໃຊ້ກັນເດີ້ ເພາະການຮຽນ, ການສອນຈະງ່າຍຂຶ້ນຫຼາຍເທົ່າ