ປະຈຳວັນທີ 7 ສິງຫາ 2021 | ສຳນັກຂ່າວມີເດຍລາວໄດ້ໃຫ້ຮູ້ວ່າ:
ຄວາມຕ້ອງການເງິນຕາຕ່າງປະເທດສູງ ແຕ່ການສະໜອງບໍ່ພຽງພໍເຮັດໃຫ້ເງິນກີບອ່ອນຄ່າ
ໃນປີ 2021 ນີ້ ບັນຫາອັດຕາແລກປ່ຽນເປັນສິ່ງທ້າທາຍຕໍ່ເສດຖະກິດຂອງ ສປປ ລາວ ໂດຍສະເພາະໃນໄລຍະເດືອນມິຖຸນາຫາເດືອນກໍລະກົດຜ່ານມານີ້ ທີ່ເງິນກີບໄດ້ອ່ອນຄ່າລົງຫຼຼາຍເມື່ອທຽບກັບເງິນໂດລາ ແລະ ເງິນບາດ ແລະ ໄດ້ມີຄວາມຫຼຸດໂຕນກັນຫຼາຍລະຫວ່າງອັດຕາແລກປ່ຽນຂອງທະນາຄານກັບອັດຕາແລກປ່ຽນຕະຫຼາດນອກລະບົບ
ໂດຍະເພາະ ແມ່ນອັດຕາແລກປ່ຽນເງິນກີບກັບເງິນໂດລາ ຊຶ່ງໄດ້ກວ້າງອອກສູງສຸດເຖິງ 22,1% ໃນກາງເດືອນກໍລະກົດ ຈາກນັ້ນກໍຄ່ອຍໆແຄບລົງຢູ່ໃນລະດັບ 15,6%…ອ່ານຕໍ່
ປະຊາຊົນສ່ວນຫຼາຍຍັງຖືເບົາຕໍ່ການປະຕິບັດມາດຕະການປ້ອງກັນພະຍາດໂຄວິດ-19
ຄະນະສະເພາະກິດໄດ້ສຸມໃສ່ວຽກງານຕ່າງໆເພື່ອປ້ອງກັນການແຜ່ລະບາດຂອງພະຍາດໂຄວິດ-19 ໂດຍມີຈຸດປະສົງເພື່ອຢັບຢັ້ງພະຍາດດັ່ງກ່າວບໍ່ໃຫ້ມີການແຜ່ເຊື້ອເປັນວົງກວ້າງລວມທັງປ້ອງກັນບໍ່ໃຫ້ມີການຕິດເຊື້ອເພີ່ມຂຶ້ນໃນຊຸມຊົນ ແລະ ເຮັດໃຫ້ມີຜູ້ເສຍຊີວິດຈາກພະຍາດດັ່ງກ່າວໜ້ອຍທີ່ສຸດ
ແຕ່ກົງກັນຂ້າມພັດຍັງມີປະຊາຊົນສ່ວນຫຼາຍໂດຍສະເພາະຢູ່ນະຄອນຫຼວງວຽງຈັນຍັງຖືເບົາຕໍ່ກັບມາດຕະການປ້ອງກັນພະຍາດໂຄວິດ-19 ໂດຍສັງເກດໄດ້ວ່າຍັງມີການຊຸມແຊວຕາມເຮືອນ, ຕາມຮ້ານອາຫານກີນດື່ມ ເຊິ່ງການກະທໍາເຫຼົ່ານັ້ນມີຄວາມສ່ຽງສູງທີ່ຈະເກີດການຕິດເຊື້ອ ແລະ ແຜ່ລະບາດໃນຊຸມຊົນ…ອ່ານຕໍ່
ສາທາລະນະສຸກເມືອງທຸລະຄົມຢືນຢັນບໍ່ມີການກັກຕຸນຢາວັກຊິນປ້ອງກັນພະຍາດໂຄວິດ-19
ກ່ຽວກັບເລື່ອງດັ່ງກ່າວ ທ່ານດຣ. ດິ້ງ ເລືອງໄຊ ຫົວໜ້າຫ້ອງການສາທາລະນະສຸກເມືອງທຸລະຄົມ ໄດ້ຊີ້ແຈງວ່າ ຂ່າວການກັກຕຸນຢາວັກຊິນຊະນິດ johnson & johson ທີ່ສື່ສັງຄົມອອນລາຍລົງຂ່າວນັ້ນ ແມ່ນບໍ່ມີຄວາມຈິງສ່ວນຫຼາຍເປົ້າໝາຍ ແມ່ນມາບໍລິການ ຖືກຕ້ອງ
ແຕ່ຍັງມີຈຳນວນໝຶ່ງບໍ່ແມ່ນເປົ້າໝາຍກໍ່ມາວົນວາຍຍາດຊິງ ສັກຢາດັ່ງກ່າວ, ບໍ່ໄດ້ດັ່ງໃຈກໍ່ວິຈານແນວບໍ່ດີໃຫ້ແພດໝໍ ວ່າມີຄົນເຈົ້າ, ຄົນຂ້ອຍ ຍາດພີ່ນ້ອງແພດໝໍຕ່າງໆ ນາໆ ເຮັດໃຫ້ແຕະຕ້ອງເຖິງອັນລວມ ສະນັ້ນ, ຈິ່ງຮ້ອງຂໍໃຫ້ສັງຄົມໄດ້ພິຈາລະນາເຖິງການປະຕິບັດ ໜ້າທີ່ຂອງແພດໝໍພວກເຮົາດ້ວຍ…ອ່ານຕໍ່
ບໍ່ແກ້ວກຽມສ້າງພຣະເຈົ້າໃຫຍ່ ປະດິດສະຖານຢູ່ພູໄຊຫົວຂອງບາຣະມີ
ອໍານາດການປົກຄອງແຂວງບໍ່ແກ້ວກຽມສ້າງພຣະເຈົ້າໃຫຍ່ ທີ່ມີຊື່ວ່າ ພຣະພຸດທະຣັດຕະນະບາຣະມີສຣີ ບໍ່ແກ້ວ ເພື່ອປະດິດສະຖານຢູ່ພູໄຊຫົວຂອງບາຣະມີ (ພູ106) ຢູ່ເມືອງຫ້ວຍຊາຍ ແຂວງບໍ່ແກ້ວ
ພຣະເຈົ້າອົງດັ່ງກ່າວ ແມ່ນພະປາງຊະນະມານ ໄດ້ນາມມາຈາກພະເຈົ້າແສນແຊ່ ໄດ້ປະດິດສະຖານ ຢູ່ວັດສີບຸນເຮືອງ ເມືອງຕົ້ນເຜີ້ງ ແຂວງບໍ່ແກ້ວ ໃນປີ ພສ 2386 ຄສ 1843 ເປັນພຣະເຈົ້າທີ່ມີຄວາມໝາຍສໍາຄັນທາງພຸດທະສາສະໜາ…ອ່ານຕໍ່