ປະຈຳວັນທີ 2 ຕຸລາ 2021 | ສຳນັກຂ່າວມີເດຍລາວ ໄດ້ໃຫ້ຮູ້ວ່າ:
ອາດີດການນໍາຂັ້ນສູງຂອງສະພາ ຊີ້ນໍາວຽກງານແກ່ 3 ບ້ານເຂດແດງ ເມືອງບາຈຽງຈະເລີນສຸກ
ທ່ານ ສຈ ດຣ ພອນເທບ ພົນເສນາ ອາດິດການນໍາຂັ້ນສູງຂອງສະພາແຫ່ງຊາດ,ແພດຊ່ຽວຊານອາວຸດໂສ ທີ່ປຶກສາການນໍາແຂວງຈຳປາສັກ ໄດ້ເຄື່ອນໄຫວເພື່ອສ້າງຄວາມເຂັ້ມແຂງໃຫ້ອົງການປົກຄອງບ້ານໃນການຄວບຄຸມການລະບາດຂອງພະຍາດໂຄວິດ-19 ໃນ 3 ບ້ານໃຫ່ຍເຂດແດງຄື: ບ້ານພັດທະນາຫົວແຊ,ບ້ານລົ່ມສັກເໝືອແລະບ້ານຫ້ວຍລືສີ
ພ້ອມທັງແນະນໍາວິທີການນໍາໃຊ້ໃຫ້ຄວາມຮູ້ແກ່ປະຊາຊົນໃນການຮັກສາສຸຂະພາບຂອງຕົນເອງ,ການຮັກສາໄລຍະຫ່າງ 2 ແມັດ ເພື່ອຮັກສາຄວາມເປັນລະບຽບຮຽບຮ້ອຍແລະມີຄວາມສະຫງົບນອກນັ້ນຄະນະທີມງານສະເພາະກິດຂັ້ນແຂວງ-ເມືອງຍັງລົງໄປເບີ່ງຈຸດເຮືອນພໍ່ແມ່ປະຊາຊົນຜູ້ທີ່ຕິດເຊື້ອໂຄວິດ-19 ພ້ອມທັງພົ່ນຢາຂ້າເຊື້ອໃຫ້ອີກດ້ວຍ…ອ່ານຕໍ່
ເມືອງອຸທຸມພອນ ພົບຜູ້ຕິດເຊື້ອພະຍາດໂຄວິດ-19 ໃນຊຸມຊົນເປັຈຳນວນຫຼາຍ
ສະພາບການແຜ່ລະບາດພະຍາດໂຄວິດ 19 ໃນຊຸມຊົນຢູ່ເມືອງທຸມພອນ ແມ່ນເລີ່ມພົບຜູ້ຕິດເຊື້ອໃນຄັ້ງວັນທີ 23 ກັນຍາ ມາຮອດວັນທີ 1 ຕຸລາ 2021 ຫ່າງກັນພຽງແຕ່ 9 ວັນ ທົ່ວເມືອງແມ່ນພົບຜູ້ຕິດເຊື້ອເພີ່ມຂຶ້ນສູງເຖິງ 69 ກໍລະນີ
ໃນນັ້ນທົ່ວເມືອງມີບ້ານທີ່ຖືກປະກາດເປັນບ້ານແດງກວມເອົາ 18 ບ້ານແລ້ວຄື: ບ້ານໄຊຍະເພັດ (ບ້ານໃໝ່),ສີບຸນເຮືອງ,ໂນນຍາງ,ສະໜາມໄຊ,ນາທາດ,ເຊໂນ,ໄຊສະອາດ,ໄຊສົມບູນ,ວົງພັນສີ,ໄຊຍະມຸງຄຸນ,ໂນນສະຫວ່າງ,ຈະເລີນສຸກ,ມະນີວົງໄຊ,ພີນໃຕ້,ດົງນ້ອຍ,ໂຄກໃຫຍ່,ພີນເໜືອ ແລະ ບ້ານໜອງບົວທອງ…ອ່ານຕໍ່
ຫົວໜ້າຫ້ອງການສາທາລະນະສຸກເມືອງໂພນທອງ ລົງກວດກາສູນກັກກັນ
ທ່ານ ວຽງຄອນ ຈະເລີນໄຊ ຫົວໜ້າຫ້ອງການສາທາລະນະສຸກເມືອງໂພນທອງ ແຂວງຫຼວງພະບາງ ຕາງໜ້າຄະນະສະເພາະກິດ ປ້ອງກັນ ແລະ ຄອບຄຸມພະຍາດໂຄວິດ-19 ຂັ້ນເມືອງພ້ອມດ້ວຍຄະນະ ໄດ້ລົງເຄື່ອນໄຫວ ຕິດຕາມ ແລະ ຊຸກຍູ້ ການປ້ອງກັນ ການແຜ່ລະບາດຂອງພະຍາດໂຄວິດ 19 ຢູ່ທີີ່ສູນກັກກັນ ໂຮງໝໍຊຸມຊົນ ແລະ ສູນກັກກັນບ້ານວັງແນກ
ເຊິ່ງມີຜູ້ກັກກັນທັງໝົດ 17 ຄົນ,ໃນນີ້ແມ່ນແຮງງານລາວທີ່ກັບມາພູມລຳເນົາ ແລະ ມາກັກກັນໂຕເພື່ອຕິດຕາມອາການໃຫ້ຄົບຕາມກຳນົດ 14 ວັນຕາມລະບຽບຂອງຄະນະສະເພາະກິດວາງອອກ…ອ່ານຕໍ່
ຫົວໜ້າກອງບັນຊາການທະຫານເມືອງຊະນະສົມບູນ ລົງມອບເຄື່ອງຊ່ວຍເຫຼືອແກ່ຄະນະສະເພາະກິດຢູ່ 2 ບ້ານຊາຍແດນ
ທ່ານ ພັນໂທ ບຸນຖອງ ຈິນດາວົງ ຫົວໜ້າກອງບັນຊາການທະຫານເມືອງຊະນະສົມບູນ ພ້ອມດ້ວຍ ທ່ານ ພັນໂທ ຄຳພູ ວໍລະຈິດ ເລຂາຄະນະພັກຮາກຖານຊີ້ນຳກຸ່ມ III ໄດ້ນຳເອົານ້ຳດື່ມ,ຜ້າອັດປາກ-ດັງຈຳນວນໜຶ່ງ ມອບໃຫ້ແກ່ຄະນະສະເພາະກິດ,ປ້ອງກັນຕ້ານການລະບາດຂອງພະຍາດໂຄວິດ 19 ກຸ່ມ III ແລະ 2 ບ້ານຊາຍແດນຄື: ບ້ານໃຫ່ຍຕົວເມືອງນ້ອຍສິງສຳພັນ,ບ້ານສຸລະ ແລະ ອ້າຍ,ນ້ອງ ກຳລັງປ້ອງກັນຊາດທະຫານຊາຍແດນກອງຮ້ອຍ 521
ຈຸດປະສົງໃນການເຄື່ອນໄຫວລົງມອບເຄື່ອງເທື່ອນີ້ ກໍ່ເພື່ອເປັນການຕິດຕາມຊຸກຍູ້ ແລະ ໃຫ້ກຳລັງໃຈກຳລັງປ້ອງກັນຊາດ-ປ້ອງກັນຄວາມສະຫງົບ ພ້ອມດ້ວຍ ຄະນະສະເພາະກິດປ້ອງກັນພະຍາດໂຄວິດ 19 ຂັ້ນບ້ານ…ອ່ານຕໍ່
ເມືອງງາ ແຂວງອຸດົມໄຊ ພົບການລະບາດຂອງບົ້ງຝູງ ແລະ ເຊື້ອພະຍາດຜີວຫນັງອັກເສບ ງົວ-ຄວາຍ
ເຊິ່ງປີ 2021 ນີ້ ປະຊາຊົນ ເມືອງງາ, ແຂວງອຸດົມໄຊ ໄດ້ເອົາໃຈໃສ່ ການປູກ-ການລ້ຽງ ເປັນທາງເລືອກໃນການພັດທະນາເສດຖະກິດຄອບຄົວ ໂດຍສະເພາະແມ່ນ ການປູກເຂົ້າ ແລະ ລ້ຽງງົວ, ແຕ່ມາຮອດປັດຈຸບັນ ການປູກເຂົ້າເນີນສູງ ແລະ ການລ້ຽງງົວ ເກີດມີຜົນກະທົບຢູ່ບາງເຂດ ຈາກການລະບາດຂອງບົ້ງຝູງ ແລະ ເຊື້ອພະຍາດຜີວຫນັງອັກເສບສັດໃຫຍ່
ທ່ານ ຄຳຈັນ ສີລິສຸກ ຫົວຫນ້າຫ້ອງການກະສິກຳ ແລະ ປ່າໄມ້ ເມືອງງາ ກ່າວວ່າ: ເຂົ້າເນີນສູງ ຂອງປະຊາຊົນທີ່ໄດ້ຮັບຜົນກະທົບ ຈາກການລະບາດຂອງບົ້ງຝູງ ມີ 2 ບ້ານ ຄື: ບ້ານແສນໄຊ ແລະ ບ້ານຫ້ວຍລຽງ ເຊິ່ງ 95% ຂອງເຂົ້າ ແມ່ນຖືກບົ້ງຝູງທຳລາຍ ສ່ວນການລ້ຽງງົວ ຂອງປະຊາຊົນ ກໍໄດ້ກຳນົດເອົາເຂດຈຸດສຸມ ບ້ານຫ້ວຍໄລ່ ເປັນຈຸດຫລັກໃນການລ້ຽງ…ອ່ານຕໍ່
