ຖ້າເຫັນໂຄສະນາກ່ຽວກັບຄຣີມບຳລຸງຜິວໃໝ່ໆ ອາດສັງເກດເຫັນວ່າ ມີຜະລິດຕະພັນອີກປະເພດໜຶ່ງທີ່ຖືກເວົ້າເຖິງ ໃນດ້ານການສ້າງຄວາມເຂັ້ມເເຂງຂອງຜິວຈາກພາຍໃນ ນັ້ນກໍຄື ຜະລິດຕະພັນປະເພດເຊຣາມາຍ (Ceramide) ເຊິ່ງມີຫຼາຍແບຣນນໍາສະເໜີສານນີ້ ເປັນສ່ວນປະກອບທີ່ໂດດເດັ່ນເປັນເອກະລັກໃນຜະລິດຕະພັນຂອງຕົນເອງ ໂດຍມີລາຄາຕັງແຕ່ 3-6 ແສນກີບກັນເລີຍ
ແລ້ວເຊຣາມາຍແມ່ນຫຍັງກັນເເທ້?
ເຊຣາມາຍເປັນສານຈໍາພວກໄຂມັນ ທີ່ເປັນອົງປະກອບສໍາຄັນຂອງເຈ້ຍຫຸ້ມເຊວຜິວ ສ່ວນຫຼາຍຈະຢູ່ທີ່ຊັ້ນຜິວໜັງກຳພ້າຊັ້ນນອກ (Epidermis) ເຊິ່ງເປັນບໍລິເວນຜິວຊັ້ນເທິງສຸດ ເຮັດໜ້າທີ່ສໍາຄັນຢ່າງໜຶ່ງໃນຜິວໜັງຂອງເຮົາ ນັ່ນກໍຄື ການເຊື່ອມເຄຣາຕິນ (Keratin) ເຊິ່ງເປັນໜຶ່ງໃນເຊວຜິວໜັງຂອງເຮົາ ສົ່ງຜົນໃຫ້ຜິວເເຂງເເຮງຂື້ນ ປົກປ້ອງເຊວຜິວຈາກສິ່ງເປິເປື້ອນພາຍນອກໄດ້ດີຂື້ນ ດັ່ງນັ້ນເຊຣາມາຍຈື່ງຖືກເອີ້ນວ່າຄືດ່ານຄຸ້ມກັນຜິວ (Skin Barrier)
ເຊັ່ນດຽວກັນກັບສານໂດຍທຳມະຊາດທີ່ຢູ່ໃນຮ່າງກາຍເຮົາອີກຫຼາຍຊະນິດ, ເຊຣາມາຍຈະສະລາຍໄປເມື່ອອາຍຸເພີ່ມຂື້ນ. ນອກນີ້ ຍັງມີປັດໄຈພາຍນອກອື່ນໆ ເປັນໂຕກະຕຸ້ນໄດ້ອີກ ເຊັ່ນ ເເສງເເດດ ມົນລະພິດ ລວມທັງຄວາມຄຽດ. ໂດຍການຂາດເຊຣາມາຍ ຈະສົ່ງຜົນໃຫ້ຜິວເເຫ້ງ ຂາດຄວາມສົດໃສ ເເລະ ເກີດຮິ້ວຮອຍໄດ້ງ່າຍ ເຖິງວ່າຈະບໍາລຸງດ້ວຍຄຣີມທີ່ດີເທົ່າໃດກໍຕາມ
ຈະເສີມເຊຣາມາຍໄດ້ເເນວໃດ?
ປົກກະຕິເເລ້ວຮ່າງກາຍຂອງເຮົາຈະຜະລິດເຊຣາມາຍຂື້ນມາໄດ້ເອງ. ແຕ່ເມື່ອອາຍຸເພິ່ມຂື້ນ ການເເກ້ບັນຫາການຜະລິດເຊຣາມາຍຫຼຸດລົງ ດ້ວຍການກິນອາຫານທີ່ມີສ່ວນປະກອບຂອງເຊຣາມາຍ ເຊັ່ນ ເຂົ້າ, ນົມ, ຫົວບຸກ, ແກ່ນໝາກນັດ ໝາກໄມ້ຊະນິດອື່ນໆ ແລະການດື່ມນໍ້າໃຫ້ຫຼາຍຂື້ນ ຈະບໍ່ຊ່ວຍໃຫ້ເຫັນຜົນໄດ້ຫຼາຍ. ດັ່ງນັ້ນ ເເພດຈຶ່ງເເນະນໍາໃຫ້ກິນອາຫານເສີມທີ່ມີເຊຣາມາຍ ຮ່ວມກັນກັບການກິນວິຕາມິນທີ່ຮ່າງກາຍຕ້ອງການເຊັ່ນ ວິຕາມິນຊີ ວິຕາມິນອີ ກົດອັບຟາໄລໂປອິກ ແລະ ໄນອະຊິນ ເຊິ່ງຈະຊ່ວຍເສີມປະສິດທິພາບໄດ້ຫຼາຍຂື້ນ
ນອກຈາກນີ້ຍັງມີການສັງເຄາະເຊຣາມາຍຂື້ນມາ ເພື່ອຮຽນເເບບເຊຣາມາຍໂດຍທໍາມະຊາດ ເເລະໃຫ້ຜົນຮັບທີ່ໜ້າເພິ່ງພໍໃຈ ໂດຍນໍາມາເປັນສ່ວນປະສົມທີ່ສໍາຄັນ ຫຼື ສ່ວນປະສົມຫຼັກຂອງຜະລິດຕະພັນບໍາລຸງຜິວ ເຊັ່ນ ຄຣີມ ໂລຊັ້ນ ອິມັລຊັ້ນ ຫຼື ຜະລິດຕະພັນທໍາຄວາມສະອາດຜິວ ໂດຍການເສີມເຊຣາມາຍສັງເຄາະຈະເຮັດໃຫ້ຜິວຄ່ອຍໆພື້ນຟູຂື້ນມາໄດ້
ໃຜທີ່ເລີ່ມມີປັນຫາເລື່ອງຜິວບໍ່ເເຂງເເຮງ ເເຫ້ງ ແພ້ງ່າຍ, ເລືອກຊື້ຜະລິດຕະພັນຄັ້ງຕໍ່ໄປ ໃຫ້ລອງເບິ່ງສະຫຼາກວ່າມີເຊຣາມາຍຫຼືບໍ່ ເພື່ອການສ້າງດ່ານຄຸ້ມກັນໃຫ້ຜິວໃໝ່ອີກຄັ້ງ ອາດແກ້ບັນຫາຂອງທ່ານໄດ້.
Hits: 0
