ປະຈຳວັນທີ 9 ເມສາ 2022 | ສຳນັກຂ່າວມີເດຍລາວ ໄດ້ໃຫ້ຮູ້ວ່າ:
ຍັງພົບເຫັນ! ເດັກນ້ອຍຈໍານວນໜຶ່ງ ທີ່ເຮັດວຽກຕິດພັນກັບສະຖານທີ່ບໍລິການທ່ອງທ່ຽວ
ການທ່ອງທ່ຽວແມ່ນຂະແໜງການທີ່ມີຕ່ອງໂສ້ການບໍລິການທີ່ກວ້າງຂວາງ ກວມເອົາຫຼາຍຂະແໜງການທີ່ຕິດພັນກັບການບໍລິການ ທັງໂດຍທາງກົງ ແລະ ທາງອ້ອມ ບັນດາກິດຈະການທີ່ປິ່ນອ້ອມເຫລົ່ານັ້ນ ໄດ້ດຶງດູດແຮງງານທັງທາງກົງ ແລະ ທາງອ້ອມຈໍານວນຫລາຍ ເປັນການສ້າງວຽກເຮັດງານທໍາໃຫ້ແກ່ປະຊາຊົນໃນທ້ອງຖິ່ນປະກອບສ່ວນລົບລ້າງຄວາມທຸກຍາກ
ແຕ່ເບິ່ງໃນສະພາບຕົວຈິງ ຍັງພົບເຫັນເດັກນ້ອຍຈໍານວນໜຶ່ງທີ່ເຮັດວຽກຕິດພັນກັບສະຖານທີ່ບໍລິການທ່ອງທ່ຽວເປັນຕົ້ນ: ສະຖານບັນເທີງ, ຮ້ານອາຫານ, ສະຖານທີ່ພັກແຮມ, ສະຖານທີ່ທ່ອງທ່ຽວ ແລະ ເລາະຂາຍເຄື່ອງຫັດຖະກໍາຕາມສະຖານທີ່ຕ່າງໆ.ກິດຈະການຈໍານວນໜຶ່ງ ຮັບເອົາເດັກນ້ອຍອາຍຸຕໍ່າກ່ວາ 18 ປີ ເຂົ້າໄປບໍລິການເຄື່ອງດື່ມທີ່ມີທາດເຫລົ້າໃນຮ້ານບັນເທີງ,ເດັກນ້ອຍທີ່ອອກຈາກໂຮງຮຽນ ເຊິ່ງຂະແໜງການທ່ອງທ່ຽວກໍມີຄວາມພະຍາຍາມສູງ ເພື່ອປ້ອງກັນບັນຫາ ການນໍາໃຊ້ແຮງງານເດັກ…ອ່ານຕໍ່
ພິທີເຊັນສັນຍາ (MOA) ວ່າດ້ວຍການຮ່ວມມືທາງດ້ານວິຊາການ ຂອງສອງມະຫາວິທະຍາໄລ
ພິທີເຊັນສັນຍາ ( MOA ) ວ່າດ້ວຍການຮ່ວມມືທາງດ້ານວິຊາການ ລະຫວ່າງ ຄະນະເສດຖະສາດ ແລະ ບໍລິຫານທຸລະກິດ ( ຄສບ ) ມະຫາວິທະຍາໄລແຫ່ງຊາດ ແລະ ວິທະຍາໄລ ບໍລິຫານທຸລະກິດ ຄອມບີຊ ( ວຄບ ) ຢູ່ຫ້ອງປະຊຸມຂອງວິທະຍາໄລ ຄອມບີຊ ເມືອງປາກຊັນ ແຂວງບໍລິຄຳໄຊ
ຈຸດປະສົງ ກໍ່ເພື່ອເລັ່ງໃສ່ຍຸດທະສາດແຜນພັດທະນາການສຶກສາໃນໄລຍະໃໝ່ ໃຫ້ມີຄຸນນະພາບ ໂດຍສະເພາະນັກສຶກສາວິທະຍາໄລ ຄອມບີຊ ໃຫ້ມີຄຸນນະພາບ ທາງດ້ານຄຸນສົມບັດ – ຄວາມຮູ້ຄວາມສາມາດເປັນທີ່ຍອມຮັບຂອງສັງຄົມ ເພື່ອປະກອບສ່ວນໃນການສ້າງສາພັດທະນາປະເທດຊາດ…ອ່ານຕໍ່
ຮອງເລຂາພັກແຂວງຫຼວງພະບາງ ຢ້ຽມຢາມຄອບຄົວຕົວແບບຢູ່ເມືອງນ້ຳບາກ
ທ່ານ ສຸກັນ ບຸນຍົງ ຮອງເລຂາພັກແຂວງຫຼວງພະບາງ ພ້ອມດວ້ຍພະແນກການທີ່ກຽ່ວຂ້ອງ. ໄດ້ເຄື່ອນໄຫວ ຢຽ້ມຢາມຄອບຄົວຕົວແບບດ້ານການປູກ, ການລຽ້ງ ຢູ່ເມືອງນ້ຳບາກ ແຂວງຫຼວງພະບາງ ໂດຍການນຳພາຂອງທ່ານ ສົມຫວັງ ພອນຄຳວົງສາ ເຈົ້າເມືອງນ້ຳບາກ ພ້ອມດ້ວຍຫ້ອງການທີ່ກຽ່ວຂ້ອງຂອງເມືອງ
ການຢ້ຽມຢາມຄອບຄົວຕົວແບບຄັ້ງນີ້ ໄດ້ລົງເຄື່ອນໄຫວກ່ຽວກັບກະສິກຳຂອງປະຊາຊົນເປັນຕົ້ນແມ່ນ ການລຽ້ງເປັດຢູ່ກຸ່ມບ້ານນະຄອນ, ການລຽ້ງປາຢູ່ກຸ່ມບ້ານນາຍາງ, ການລຽ້ງໝູລາດ ຢູ່ກຸ່ມບ້ານນ້ຳດວ່ນ, ເຊີ່ງເປັນທ່າແຮງໜື່ງ ໃນການສ້າງລາຍໄດ້ໃຫ້ແກ່ປະຊາຊົນໃນແຕ່ລະເຂດ ເພື່ອເປັນການລຸດຜ່ອນຄວາມທຸກຍາກ…ອ່ານຕໍ່
ຮອງຫົວໜ້າພະແນກ ຖວທ ລົງຊຸກຍຸ້ເຄື່ອນໄຫວກິດຈະກຳ ສຳລັບເດັກ ຢູ່ທີ່ ໂຮງຮຽນແຂວງໄຊສົມບູນ
ທ່ານ ກິ່ງເພັດ ເພັດມະຈັນ ຮອງຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງໄຊສົມບູນ ພ້ອມດ້ວຍທີມງານສູນວັດທະນະທຳເດັກ ໄດ້ລົງຊຸກຍູ້ເຄື່ອນໄຫວກິດຈະກຳ ເພື່ອເສີມສ້າງທັກສະຄວາມຮູ້ໃຫ້ແກ່ນ້ອງນ້ອຍນັກຮຽນ ຢູ່ໂຮງຮຽນປະຖົມສົມບູນ ບ້ານນໍ້າຊານ, ເມືອງລ້ອງແຈ້ງ, ແຂວງໄຊສົມບູນ.
ຈຸດປະສົງ ໃນການເຄື່ອນໄຫວຊຸກຍູ້ໂຮງຮຽນປະຖົມ ບ້ານນໍ້າຊານ ໃນຄັ້ງນີ້ ເພື່ອເປັນການສົ່ງເສີມການຮຽນຮູ້ໃຫ້ນ້ອງນ້ອຍນັກຮຽນ, ຊື່ງຄະນະທິມງານໄດ້ນຳເອົາສາລະໜ້າຮູ້, ກິດຈະກຳສຳລັບເດັກນ້ອຍ ແລະ ຮັບຟັງ ການເຜີຍແຜ່ພາລະບົດບາດການເຄື່ອນໄຫວຂອງສູນວັດທະນະທໍາເດັກ, ເຜີຍແຜ່ສິດທິເດັກ ແລະ ຍັງໄດ້ນໍາເອົາ ໂທລະໂຄ່ງ 1 ຊຸດໃຫ້ແກ່ທາງໂຮງຮຽນ…ອ່ານຕໍ່
