ປະຈຳວັນທີ 14 ພຶດສະພາ 2022 | ສຳນັກຂ່າວມີເດຍລາວ ໄດ້ໃຫ້ຮູ້ວ່າ:
ພົບເຫັນສິນຄ້າໝົດອາຍຸ ແລະບໍ່ຖຶກກົດໝາຍ ຢູ່ເມືອງຊຽງເງິນ
ກອງບັນຊາການ ປກສ ແລະ ຫ້ອງການໂຍທາທິການ ແລະ ຂົນສົ່ງ ເມືອງຊຽງເງິນ, ໄດ້ລົງກວດກາສິນຄ້າໝົດອາຍຸ, ສິນຄ້າເຊື່ອມຄຸນນະພາບ, ສິນຄ້າປອມແປງ ແລະ ສິນຄ້າບໍ່ເສຍພາສີຢູ່ພາຍໃນເມືອງຊຽງເງິນ ແຂວງຫຼວງພະບາງ ເພື່ອເປັນການປົກປ້ອງຜູ້ຊົມໃຊ້, ຜູ້ບໍລິໂພກໃຫ້ມີຄວາມປອດໄພ ລວມທັງຜູ້ຈຳໝ່າຍ
ຜ່ານການລົງກວດກາທັງໝົດພາຍໃນ 16 ບ້ານ ພົບເຫັນສິນຄ້າໝົດອາຍຸ, ສິນຄ້າເຊື່ອມຄຸນນະພາບ, ສິນຄ້າປອມແປງ ແລະ ສິນຄ້າບໍ່ເສຍພາສີທັງໝົດ 25 ຮ້ານ, ມີ 4 ປະເພດຄື: ຢາປິ່ນປົວພະຍາດ, ຢາສູບທີ່ບໍ່ທັນໄດ້ເສຍພາສີ, ນ້ຳມັນເຄື່ອງລໍ່ລື່ນລົດຈັກ ແລະ ປະເພດເຄື່ອງດື່ມຊູກຳລັງ, ເຄື່ອງບໍລິໂພກຕ່າງໆ 47 ລາຍການ ລວມມູນຄ່າທັງໝົດ 9.422.000 ກີບ…ອ່ານຕໍ່
ຄະນະຮັບຜິດຊອບຕິດຕາມກວດກາ ໂຄງການກໍ່ສ້າງສະຖານີວິທະຍຸບໂທລະພາບ ແຂວງໄຊສົມບູນ
ຄະນະຮັບຜິດຊອບຕິດຕາມກວດກາ ໂຄງການກໍ່ສ້າງສະຖານີວິທະຍຸບໂທລະພາບ ແຂວງໄຊສົມບູນ ໄດ້ເຄື່ອນໄຫວເກັບກຳຂໍ້ມູນ-ກວດກາ ໂຄງການກໍ່ສ້າງ ສະຖານີວິທະຍຸ-ໂທລະພາບ ແຂວງ ຫ່ວງທຶນສົມທົບ ຂອງລັດຖະບານລາວ
ຊຶ່ງໂຄງການດັ່ງກ່າວແມ່ນໄດ້ເລີ່ມລົງມືຈັດຕັ້ງປະຕິບັດແຕ່ເດືອນພະຈິກ ປີ 2021 ເປັນຕົ້ນມາ ແລະ ສຳເລັດໃນເດືອນມີນາ ປີ 2022 ຜ່ານມາ ລວມມູນຄ່າຕາມສັນຍາ ທັງໝົດ 1 ຕື້ 7 ຮ້ອຍລ້ານກວ່າກີບ ໃນນັ້ນ ປະກອບມີ 7 ໜ້າວຽກຄື: ຮື້ຖອນອາຄານເກົ່າ, ປັບດິນ, ເກັບກູ້ລະເບີດ, ການກໍ່ສ້າງ…ອ່ານຕໍ່
ພະແນກການເງິນແຂວງອຸດົມໄຊ ໄດ້ຮັບອຸປະກອນ ລະບົບກອງປະຊຸມທາງໄກ
ທີ່ຫ້ອງປະຊຸມພະແນກການເງິນແຂວງອຸດົມໄຊ ໄດ້ຈັດພິທີ ມອບ-ຮັບອຸປະກອນ ລະບົບປະຊຸມທາງໄກ (VC) 1 ຊູດ ຈາກ ກະຊວງການເງິນ ໃຫ້ພະແນກການເງິນແຂວງອຸດົມໄຊ ເພື່ອໝູນໃຊ້ລະບົບທັນສະໄໝເຂົ້າໃນການຈັດກອງປະຊຸມ, ເພີ່ມຄວາມສະດວກສະບາຍໃນການຈັດກອງປະຊຸມທາງໄກ.
ໃຫ້ກຽດມອບໂດຍທ່ານ ນໍ່ຊ່ວງ ທຸມມາ ຮອງຫົວໜ້າພະແນກຫ້ອງການກະຊວງການເງິນ ແລະ ຕາງໜ້າພະແນກການເງີນແຂວງອຸດົມໄຊ ຮັບໂດຍແມ່ນທ່ານ ທອງເພັດ ສີສົມແພງ ຮອງຫົວໜ້າຂະແໜງຈັດຕັ້ງບໍລິຫານພະແນກການເງິນ ແຂວງ ອຸດົມໄຊ…ອ່ານຕໍ່
ປະຊາຊົນບ້ານປຸ່ງບໍ່ ເມືອງໂພນທອງຮ່ວມກັບທະຫານ ກໍ່ສ້າງສະໂມສອນບ້ານ
ທີມງານກໍ່ສ້າງຮາກຖານການເມືອງ ປະຈໍາຢູ່ຈຸດບ້ານປຸ່ງບໍ່, ເມືອງໂພນທອງ, ແຂວງຫຼວງພະບາງ, ໄດ້ນໍາພາຂະບວນການກໍ່ສ້າງສະໂມສອນຂອງບ້ານ ໂດຍການຊີ້ນຳ-ນຳພາຂອງ ສະຫາຍ ພັນໂທ ທອງສຸກ ມະນີວັນ ເລຂາໜ່ວຍພັກພະແນກການເມືອງ ຮອງຫົວໜ້າການເມືອງກອງບັນຊາການທະຫານເມືອງໂພນທອງ
ສະໂມສອນຫຼັງດັ່ງກ່າວມີຂະໜາດກ້ວາງ 6 ແມັດຍາວ 12 ແມັດ, ສູງ 3 ແມັດ, ຈະມຸງດ້ວຍສັງກະສີ, ແອ້ມຝາໄມ້ແປ້ນ, ເທພື້ນເບຕົງ. ເຊິ່ງງົບປະມານ ແລະທືນຂອງການກໍ່ສ້າງແມ່ນໄດ້ມຈາກຫຼາຍພາກສ່ວນປະກອບສ່ວນ, ໃນນີ້ເມືອງໂພນທອງໄດ້ປະກອບສ່ວນຊ່ວຍເຫຼືອເປັນສັງກະສີ, ບ້ານຮັບຜິດຊອບໄມ້, ແຮ່-ຊາຍ ແລະ ແຮງງານ, ສ່ວນຊີມັງແມ່ນທິມງານກໍ່ສ້າງຮາກຖານເປັນຜູ້ປຸກລະດົມຂົນຂວາຍແຜ່ວັດຖຸປັດໃຈຈາກພະນັກງານ – ນັກຮົບ, ນັກທຸລະກິດ, ພໍ່ຄ້າຊາວຂາຍ…ອ່ານຕໍ່