Thursday, July 18, 2024
Lenovo

ເທັກນິກການກຽມຄວາມພ້ອມ ເຂົ້າເຮັດວຽກຂອງນັກສຶກສາຈົບໃໝ່

ອີກບໍ່ເທົ່າໃດເດືອນ ກໍຮອດມື້ເສັງຈົບຂອງບັນດານັກສຶກສາມະຫາວິທະຍາໄລ ປີສຸດທ້າຍແລ້ວ ເຊິ່ງກຳລັງຈະເລີ່ມກ້າວເຂົ້າສູ່ຊີວິດການເຮັດວຽກ ແລະ ການທິ່ຍັງບໍມີປະສົບການເຮັດວຽກ ກໍເຮັດໃຫ້ຫຼາຍຄົນບໍ່ຄຸ້ນເຄີຍກັບການສະໝັກວຽກ.

ແຕ່ຮູ້ບໍ່ວ່າ ກ່ອນຈະເລີ່ມການເຮັດວຽກຕ້ອງໄດ້ກຽມຫຼາຍຢ່າງ ບໍ່ວ່າຈະເປັນເປົ້າໝາຍວຽກທີ່ຈະເຮັດ, ເອກະສານທາງການຕ່າງໆ, ລວບລວມປະສົບການຕ່າງໆ ທີ່ເຮົາມີ ເຊິ່ງເຮົາຈະລວບລວມຂໍ້ມູນ ແລະ ຂັ້ນຕອນ ໃນການສະໝັກວຽກ ໃຫ້ກັບນັກສຶກສາ ວ່າຄວນກຽມຫຍັງແນ່.

ກຽມຕັດສິນໃຈເລື່ອງສາຍອາຊີບໃຫ້ດີ

ເລື່ອງທຳອິດທີ່ນັກສຶກສາຈົບໃໝ່ ຄວນເຮັດກ່ອນທີ່ຈະສະໝັກວຽກ ແມ່ນຕ້ອງຕັດສິນໃຈກ່ອນວ່າ ຊີວິດໃນຊ່ວງເຮັດວຽກຂອງເຮົາຈະໄປເຮັດໃນວຽກແບບໃດ, ເປັນວຽກທີ່ມັກ ຫຼື ບໍ່ ເຊິ່ງຫາກເຮົາບໍ່ມັກວຽກທີ່ເຮັດ ກໍຈະເຮັດໃຫ້ເຮົາອຶດອັດ, ເສຍໂອກາດ ແລະ ເສຍເວລາໄປລ້າໆ.
ສະນັ້ນ, ເຮົາຄວນຈະຫາຂໍ້ມູນກ່ຽວກັບອາຊີບນັ້ນໆ ແລະ ກັ່ນຕອງໃຫ້ດີກ່ອນ ອາດຈະປຶກສາຄອບຄົວ, ໝູ່ເພື່ອນ ຫຼື ສອບຖາມຈາກຄົນທີ່ຢູ່ໃນສາຍອາຊີບທີ່ເຮົາສົນໃຈ ເພື່ອຈະວາງແຜນສາຍອາຊີບໄດ້ຢ່າງເໝາະສົມ.

ເກັບລວບລວມຜົນງານ ແລະ ປະສົບການຕ່າງໆ ໃຫ້ພ້ອມ

ຜົນງານ ແລະ ປະສົບການ ທີ່ເຮົາມີຕອນຢູ່ໃນໂຮງຮຽນ ຫຼື ຕອນຝຶກງານ ເປັນສິ່ງທີ່ສາມາດບົ່ງບອກຕົວຕົນຂອງເຮົາໄດ້ຢ່າງດີທີ່ສຸດ ຕ້ອງຄິດໄປເຖິງປະສົບການຕ່າງໆ ຫຼື ງານພາດທາມຕ່າງໆ ທີ່ເຄີຍເຮັດມາ ເພື່ອນໍາຂໍ້ມູນໄປຂຽນໃນແບບຟອມສະໝັກງານ ລວມໄປເຖິງການລວບລວມຂໍ້ມູນເອກະສານຫຼັກຖານ ທີ່ກ່ຽວກັບປະສົບການກິດຈະກຳທີ່ເຄີຍເຮັດ ແລ້ວແນບໄປນໍາໃບສະໝັກງານ.

ກຽມເຮັດແບບຟອມສະໝັກງານ ຫຼື Resume ໃຫ້ສົມບູນ

ແບບຟອມສະໝັກງານ ຫຼື Resume ເປັນສິ່ງທີ່ເຮົາຕ້ອງໃຊ້ສະໝັກງານທຸກຄັ້ງ ແລະ ເປັນເອກະສານແນະນຳຕົວອັນທຳອິດ ທີ່ບໍລິສັດຈະທຳຄວາມຮູ້ຈັກກັບເຮົາ ດັ່ງນັ້ນ, ເຮົາຕ້ອງຂຽນລາຍລະອຽດທີ່ກ່ຽວຂ້ອງກັບໂຕເອງໃຫ້ຮຽບຮ້ອຍ ບໍ່ວ່າຈະເປັນ ຊື່-ນາມສະກຸນ, ຂໍ້ມູນສ່ວນໂຕ, ຈຸດໝາຍໃນອາຊີບ ປະຫວັດການສຶກສາ, ປະສົບການເຮັດວຽກ ແລະ ເບີໂທຕິດຕໍ່ກັບ ນອກຈາກນີ້, ຢ່າລືມກວດເບິ່ງຄວາມຖືກຕ້ອງຂອງຂໍ້ມູນໃນ Resume ກ່ອນສົ່ງ.

ກະກຽມເອກະສານສະໝັກງານໃຫ້ພ້ອມ

ໃນການສະໝັກງານໜຶ່ງຄັ້ງ ຕ້ອງໃຊ້ເອກະສານໃນການສະໝັກງານຫຼາຍໆ ຢ່າງເຊັ່ນ: Resume, ຈົດໝາຍແນະນຳ (Cover Letter), ໃບຈົບການຮຽນ ແລະ ໃບຢັ້ງຢືນຕ່າງໆ ເຊິ່ງເອກະສານເຫຼົ່ານີເປັນສິ່ງທີ່ອາດຈະຕົກຫຼົ່ນ ຫຼື ຜິດພາດໄດ້, ສະນັ້ນ ກ່ອນທີ່ຈະສົ່ງໃບສະໝັກງານ ຫຼື ເດີນທາງໄປສຳພາດງານທີ່ບໍລິສັດ ກໍຢ່າລືມກະກຽມເອກະສານເຫຼົ່ານີ້ໃຫ້ພ້ອມ ລວມເຖິງກຽມຖ່າຍຮູບສຳລັບໃຊ້ໃນການສະໝັກງານ ເພາະຮູບພາບ ກໍເປັນສ່ວນໜຶ່ງໃນການສະໝັກເຮັດວຽກເຊັ່ນກັນ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.