Emoji Kitchen ແມ່ນການປະສົມເອົາ Emoji 2 ໂຕມາປະສົມກັນ ເພື່ອສ້າງ Emoji ໂຕໃຫມ່ ເຊິ່ງຈະຕ້ອງມີການໃຊ້ງານຜ່ານແອັບແປ້ນພິມ Gboard ເທິງໂທລະສັບ Android.
ໃຜມີໄອເດຍທີ່ໜ້າສົນໃຈ ກໍສາມາດລອງປະສົມເບິ່ງໄດ້ ມີຫຼາຍກວ່າໝື່ນຮູບແບບ ເພາະມັນຈະເຮັດໃຫ້ຜູ້ໃຊ້ງານສ້າງ Emoji ໄວ້ໃຊ້ສົນທະນາໄດ້ຫຼາຍຂຶ້ນ, ສຳລັບວິທີການປະສົມແມ່ນ ເຮົາຈະຕ້ອງພິມ Emoji ໂຕທຳອິດກ່ອນ ແລະ ເອົາໂຕທີສອງມາປະກອບກັນຕາມໃຈເຮົາ ເຊັ່ນວ່າ: ໂຕທຳອິດແມ່ນ Emoji ໄຫ້ ແລະ ໂຕທີສອງແມ່ນຮູບແມວ ກໍຈະໄດ້ Emoji ແມວໄຫ້.
ສຳລັບວິທີການເປີດໃຊ້ງານ Gboard ແມ່ນເຮົາສາມາດໂຫລດຈາກ play Store ມາຕິດຕັ້ງໄດ້, ຫຼັງຈາກຕິດຕັ້ງສຳເລັດແລ້ວ ແມ່ນໃຫ້ເຂົ້າໂປແກຣມເພື່ອປ່ຽນແປ້ນພິມ ໃຫ້ເປັນ Gboard ຈຶ່ງຈະສາມາດເຂົ້າໄປປະສົມ Emoji ມາໃຊ້ງານໄດ້.
ປັດຈຸບັນ, ຍັງສາມາດໃຊ້ໄດ້ກັບພຽງແຕ່ບາງແອັບເທົ່ານັ້ນ ເຊັ່ນ: Messenger, WhatsApp, Telegram, Twitter, Instagram Direct Messages ແລະ ອື່ນໆ, ນອກຈາກນີ້, ບັນດາ Emoji ປະສົມເຫຼົ່ານີ້ ຍັງສາມາດບັນທຶກໄວ້ໃນ favorite ໄດ້ອີກດ້ວຍ
Hits: 21
