Saturday, July 20, 2024
Lenovo

ພາວ ມິຣາໂຄ ຈັບມືກັບ ບິກບລູ ຂະຫຍາຍທຸລະກິດໃນ ສປປ ລາວ

ໃນວັນທີ 8 ກໍລະກົດ 2022 ຢູ່ທີ່ ໂຮງແຮມ ລາວພລາຊາ ໄດ້ມີພິທີເຊັນສັນຍາຮ່ວມມືກັນລະຫວ່າງ ບໍລິສັດ ພາວ ມິຣາໂຄ ຈຳກັດ (Pow Miracle co.,LTD) ແລະ ບໍລິສັດ ຟ້າໃຫຍ່ມີເດຍ ຈໍາກັດ (Bigblue Agency Laos) ເພື່ອນຳເອົາຜະລິດຕະພັນສະໝຸນໄພ (ຜັກຄາວທອງ) ມາຈຳໜ່າຍໃນ ສປປ ລາວ.

ຮ່ວມເຊັນສັນຍາໃນຄັ້ງນີ້ມີ ທ່ານ ອະທິຊາດ ຊຸມນານົນ, ຜູ້ກໍ່ຕັ້ງ ແລະ ເປັນປະທານບໍລິສັດ ພາວ ມິຣາໂຄ ຈໍາກັດ ແລະ ທ່ານ ສັນທະລັກ ຈ່າສານ, ປະທານບໍລິສັດ ຟ້າໃຫຍ່ມີເດຍ ຈໍາກັດ, ໂດຍມີຕາງໜ້າຈາກຕະຫຼາດຫຼັກຊັບລາວ, ພະແນກສາທາລະນະສຸກ ນະຄອນຫຼວງ ແລະ ພາກສ່ວນທີ່ກ່ຽວຂ້ອງຕ່າງໆ ເຂົ້າຮ່ວມເປັນສັກຂີພິຍານ.

ທ່ານ ອະທິຊາດ ຊຸມນານົນ ຜູ້ກໍ່ຕັ້ງ ແລະ ເປັນປະທານບໍລິສັດ ພາວ ມິຣາໂຄ ຈໍາກັດ (Pow Miracle co.,LTD) ກ່າວວ່າ ບໍລິສັດໄດ້ເຊັນສັນຍາຕົກລົງຮ່ວມກັບ ບໍລິສັດ ຟ້າໃຫຍ່ມີເດຍ ຈໍາກັດ (Bigblue Agency Laos) ໃນການຂະຫຍາຍຖານທຸລະກິດສະໝຸນໄພຜັກຄາວທອງ ເພື່ອມຸ່ງໜ້າບຸກຕະຫຼາດເພື່ອນບ້ານເຊັ່ນ ສປປ.ລາວ ໂດຍການເປັນພັນທະມິດດ້ານການເຮັດການຕະຫຼາດຜ່ານຊ່ອງທາງສື່ໂຄສະນາປະຊາສໍາພັນຂອງ ບໍລິສັດ ຟ້າໃຫຍ່ມີເດຍ ຫຼື Bigblue Agency Laos ເຊິ່ງເປັນຜູ້ນໍາໃນດ້ານທຸລະກິດການໃຫ້ບໍລິການສື່ໂຄສະນາອັນດັບຕົ້ນໆໃນ ສປປ ລາວ ໂດຍໃນການຮ່ວມມືກັນໃນຄັ້ງນີ້ ພາວ ມິຣາໂຄ ໄດ້ນໍາຜະລິດຕະພັນສະໝຸນໄພຜັກຄາວທອງສະກັດແບບເຂັ້ມຂຸ້ນ ທັງ ພາວເດີລ່າ (ຜົງຜັກຄາວທອງແບບຊອງ), ພາວ ເຮີເບີ ແຄັບຊູນ (ແບບເມັດ) ແລະ ສະເປຜົ່ນປາກ ທີ່ມີສ່ວນປະສົມຂອງສະໝຸນໄພຜັກຄາວທອງ ໂພພໍລີສ໌ ເປັບເປີ້ມີ້ນ ແລະ ສະເປມີ້ນ ມີຄົວຊິຕິນ ຊ່ວຍຕ້ານເຊື້ອໄວຣັດ ຫຼຸດບັນຫາໃນຊ່ອງປາກ ລົມຫາຍໃຈສົດຊື່ນ ມາວາງຈໍາໜ່າຍໃຫ້ກຸ່ມລູກຄ້າໃນເຂດພື້ນທີ່ ສປປ.ລາວ ໄດ້ມີທາງເລືອກໃນການນໍາຜະລິດຕະພັນສະໝຸນໄພຄຸນນະພາບທີ່ດີມາໃຊ້ເພື່ີອສຸຂະພາບ ໂດຍຈະເຮັດໃຫ້ການໂຄສະນາປະຊາສໍາພັນຜະລິດຕະພັນເພື່ອສ້າງການຮັບຮູ້ ແລະ ເນັ້ນຢໍ້າເຖິງປະໂຫຍດຕ່າງໆສອງສະໝຸນໄພຜັກຄາວທອງຜ່ານສື່ໂຄສະນາປະຊາສໍາພັນຂອງ ບໍລິສັດ ຟ້າໃຫຍ່ມີເດຍ ຫຼື Bigblue Agency Laos ທີ່ມີຄວບຄຸມທຸກພື້ນທີ່ໃນ ສປປ. ລາວ.

“ການຮ່ວມມືກັບ ບໍລິສັດ ຟ້າໃຫຍ່ມີເດຍ ຫຼື Bigblue Agency Laos ໃນຄັ້ງນີ້ໝັ້ນໃຈວ່າຊ່ອງທາງການປະຊາສໍາພັນໃນສື່ຕ່າງໆ ນອກຈາກຈະຄວບຄຸມພື້ນທີ່ ແລະ ສ້າງການຮັບຮູ້ໄປສູ່ກຸ່ມເປົ້າໝາຍແລ້ວ ຍັງເຊື່ອວ່າຈະສາມາດກະຈາຍການຮັບຮູ້ກ່ຽວກັບຜະລິດຕະພັນຂອງເຮົາໄດ້ເປັນຢ່າງດີ ທັງໃນດ້ານຂອງການວິໄຈ ແລະ ພັດທະນາຜະລິດຕະພັນ ຄຸນປະໂຫຍດຕ່າງໆ ຂອງສະໝຸນໄພຜັກຄາວທອງ ໂດຍຜະລິດຕະພັນຂອງບໍລິສັດໄດ້ເລີ່ມສຶກສາວິໄຈ ແລະ ພັດທະນາເຈາະເລິກຕັ້ງແຕ່ວິເຄາະຄຸນຄ່າທາງໂພຊະນາການ ແລະ ລິດຕ້ານອະນຸມູນອິດສະຫຼະ ມາຕັ້ງແຕ່ປີ 2011 ຈົນເຖິງປັດຈຸບັນ ໂດຍໄດ້ຮັບລາງວັນນະວັດຕະກໍາໄທ ແຫ່ງທໍາອິດທີ່ໄດ້ 2 ໃບຮັບຮອງ ແລະ 4 ງານວິໄຈຮ່ວມກັບບໍລິສັດຜູ້ຜະລິດມາດຕະຖານສາກົນ ແລະ ມະຫາວິທະຍາໄລຊຽງໃໝ່ເພື່ອສ້າງຄວາມເຊື່ອໝັ້ນ ແລະ ໝັ້ນໃຈໃຫ້ກັບກຸ່ມຜູ້ບໍລິໂພກຂອງ ສປປ.ລາວ” ທ່ານ ອະທິຊາດ ກ່າວ.

ທັງນີ້ຈາກແນວໂນ້ມກະແສການເບິ່ງແຍງຮັກສາສຸຂະພາບທີ່ມາແຮງ ສົ່ງຜົນໃຫ້ຕະຫຼາດເພື່ອສຸຂະພາບຍັງມີສັກກະຍະພາບໃນການເຕີບໂຕໄດ້ຢ່າງຕໍ່ເນື່ອງທັງຈາກລູກຄ້າໃນປະເທດ ແລະ ຕ່າງປະເທດ ຊຶ່ງທີ່ຜ່ານມາຈາກການເຮັດການຕະຫຼາດໃນປະເທດໄທ ມີອັດຕາການຂະຫຍາຍຕົວ 30% ສະແດງໃຫ້ເຫັນວ່າຜະລິດຕະພັນເພື່ອສຸຂະພາບໂດຍສະເພາະສະໝຸນໄພຜັກຄາວທອງ ເປັນພືດສະໝຸນໄພທີ່ດີ ແລະ ມີປະໂຫຍດ ອີກທັງຍັງໄດ້ຮັບການຮັບຮອງດ້ວຍງານວິໄຈຈາກຜູ້ຊ່ຽວຊານຂອງບໍລິສັດ ໃນການຄິດຄົ້ນຜະລິດຕະພັນອອກມາ ຕອບໂຈດແນວທາງການດູແລຮັກສາສຸຂະພາບຂອງຜູ້ບໍລິໂພກເປັນຢ່າງດີ.

ສໍາລັບກົນລະຍຸດດ້ານການຕະຫຼາດຈາກນີ້ໄປ ບໍລິສັດຈະໃຫ້ຄວາມສໍາຄັນໃນການຂະຫຍາຍຖານທຸລະກິດໄປກຸ່ມປະເທດ CLMV ໃນລັກສະນະຂອງການເປັນພັນທະມິດຮ່ວມກັນ ຊ່ວຍສົ່ງເສີມການຂະຫຍາຍຜ່ານຊ່ອງທາງຕ່າງໆ ເນັ້ນສ້າງການຮັບຮູ້ແບຣນ ເພື່ອເປັນການເຈາະກຸ່ມຜູ້ບໍລິໂພກ ໂດຍໃນການຮ່ວມມືເປັນພັນທະມິດຮ່ວມກັບ ບໍລິສັດ ຟ້າໃຫຍ່ມີເດຍ ຫຼື Bigblue Agency Laos ຄັ້ງນີ້ຖືວ່າເປັນຈຸດເລີ່ມຕົ້ນຄັ້ງທໍາອິດ ທີ່ຕ້ອງການຂະຫຍາຍທຸລະກິດໄປສູ່ຕະຫຼາດຕ່າງປະເທດ ກໍ່ຄື ສປປ ລາວ ທີ່ເຊື່ອວ່າເປັນຕະຫຼາດທີ່ມີສັກກາຍະພາບ ລວມເຖິງການໄດ້ພັນທະມິດທີ່ດີ ມາຊ່ວຍເສີມສ້າງຄວາມເຂັ້ມແຂງທາງການຕະຫຼາດ.

ທ່ານ ສັນທະລັກ ຈ່າສານ ປະທານບໍລິສັດ ຟ້າໃຫຍ່ມີເດຍ ຈໍາກັດ (BigBlue Agency Laos) ເປີດເຜີຍວ່າ ບໍລິສັດດໍາເນີນທຸລະກິດເປັນຜູ້ໃຫ້ບໍລິການສື່ໂຄສະນາ ແລະ ປະຊາສໍາພັນ ອັນດັບຕົ້ນໆໃນ ສປປ. ລາວ ແລະ ມີສື່ອອນລາຍເປັນຂອງຕົວເອງເຊັ່ນ: InsideLaos ປັດຈຸບັນມີຜູ້ຕິດຕາມຈໍານວນ 2 ແສນກວ່າຄົນ ສໍາລັບສື່ໂຄສະນາກາງແຈ້ງຂອງບໍລິສັດກໍ່ຕັ້ງຢູ່ໃນພື້ນທີ່ສໍາຄັນ ແລະ ເປັນພື້ນທີ່ຍຸດທະສາດຄວບຄຸມໃນນະຄອນຫຼວງວຽງຈັນ ເຊັ່ນ: ໜ້າຕະຫຼາດເຊົ້າຊ໋ອບປີ້ງມໍ, ສີ່ແຍກໄຟແດງ ICBC, ໜ້າທາງເຂົ້າສະຖານີລົດໄຟຄວາມໄວສູງ ລາວ-ຈີນ ນອກຈາກນີ້ຍັງມີຢູ່ທີ່ແຂວງສະຫວັນນະເຂດ ຈຸດວົງວຽນໄດໂນເສົາ, ແຂວງຫຼວງພະບາງ ແລະ ແຂວງຄໍາມ່ວນ.

 “ບໍລິສັດ BigBlue Agency Laos ດໍາເນີນທຸລະກິດມາ 16 ປີ ແລະ ເປັນຜູ້ໃຫ້ບໍລິການທາງດ້ານສື່ໂຄສະນາ ແລະ ປະຊາສໍາພັນອັນດັບຕົ້ນໆຂອງປະເທດ ໃຫ້ບໍລິການປ້າຍໂຄສະນາແມ່ນຢູ່ຕາມຈຸດສໍາຄັນທົ່ວ ສປປ.ລາວ ແລະ ໄດ້ຮັບຄວາມໄວ້ວາງໃຈຈາກລູກຄ້າສໍາຄັນ ເຊັ່ນ: SCG, Heineken, LDB Bank, PTT ແລະ ປັດຈຸບັນຍັງໄດ້ຮັບການຕອບຮັບທີ່ດີຈາກລູກຄ້າເຊັ່ນກັນ” ທ່ານ ສັນທະລັກ ກ່າວ.

ດຣ. ສົມພົບ ສັກພັນພະນົມ ຜູ້ອໍານວຍການໃຫຍ່ ບໍລິສັດ ຫຼັກຊັບເອພີເອັມລາວ ຈໍາກັດ (APMLAO) ເປີດເຜີຍວ່າ ໃນຖານະທີ່ປຶກສາທາງການເງິນຂອງ ບໍລິສັດ ຟ້າໃຫຍ່ມີເດຍ ຫຼື Bigblue Agency Laos ຮູ້ສຶກຍິນດີທີ່ທັງສອງບໍລິສັດໄດ້ຮ່ວມລົງນາມເຊັນ MOU ໃນຄັ້ງນີ້ ເນື່ອງຈາກທັງສອງບໍລິສັດມີຈຸດແຂງທີ່ຈະເສີມສ້າງເກື້ອກູນກັນ ແລະ ກັນ ທັ້ງນີ້ເຊື່ອວ່າຄວາມຮ່ວມມືໃນຄັ້ງນີ້ຈະເປັນຈຸດເລີ່ມຕົ້ນໃນການເສີມສ້າງຄວາມແຂງແກ່ງທັງຍອດຂາຍ ແລະ ລາຍໄດ້ໃຫ້ເຕີບໂຕໃນອານາຄົດ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ