Saturday, July 20, 2024
Lenovo

ອັນຕະລາຍຕໍ່ຮ່າງກາຍ ຫາກຕິດເຊື້ອ ໂຄວິດ-19 ເກີນ 2 ເທື່ອ

ລາຍງານຈາກ CNN ເວົ້າເຖິງຜົນກະທົບຕໍ່ສຸຂະພາບໃນການປ່ວຍ ຫາກເປັນຜູ້ປ່ວຍທີ່ຕ້ອງເຂົ້າຮັກສາ ໂດຍການຕິດ ໂຄວິດ ຫຼາຍກວ່າ 2 ເທື່ອຂຶ້ນໄປ ໂດຍຜົນອ້າງອີງການສຶກສາຜູ້ປ່ວຍກວ່າ 250.000 ຄົນ ປຽບທຽບລະຫວ່າງຜູ້ທີ່ປ່ວຍຈາກການຕິດເຊື້ອ ໂຄວິດ-19 ຈຳນວນ 1 ເທື່ອ, 2 ເທື່ອ ແລະ ຫຼາຍກວ່າ 2 ເທື່ອ ເພື່ອຄົ້ນຫາຜົນກະທົບທີ່ຈະເກີດຂຶ້ນຕໍ່ຮ່າງກາຍໃນໄລຍະຍາວໃຫ້ຫຼາຍຂຶ້ນ.

ຜົນການສຶກສາສະແດງໃຫ້ເຫັນວ່າ ຜູ້ທີ່ປ່ວຍດ້ວຍເຊື້ອ ໂຄວິດ ຕັ້ງແຕ່ 2 ເທື່ອຂຶ້ນໄປ ມີຄວາມສ່ຽງຫຼາຍກວ່າ ຜູ້ປ່ວຍທີ່ເຄີຍຕິດເຊື້ອ ໂຄວິດ ພຽງເທື່ອດຽວ ຫຼື ບໍ່ເຄີຍມີອາການຕິດເຊື້ອເລີຍ, ພາຍໃນ 6 ເດືອນຜູ້ປ່ວຍທີ່ຕິດເຊື້ອເທື່ອລ່າສຸດ ມີຄວາມສ່ຽງທີ່ຈະເສຍຊີວິດຫຼາຍຂຶ້ນ 2 ເທົ່າ ແລະ ຈະມີຄວາມສ່ຽງຕໍ່ການເຂົ້າປິ່ນປົວຢູ່ໂຮງໝໍຂຶ້ນເປັນ 3 ເທົ່າ ອີກທັງຍັງມີຄວາມສ່ຽງທີ່ຈະເປັນໂຣກຫົວໃຈ, ໂຣກປອດ, ອ່ອນເພຍເມື່ອຍລ້າ, ການເຮັດວຽກຂອງລະບົບຍ່ອຍອາຫານ ແລະ ໄຕ ຜິດປົກກະຕິ, ພ້ອມທັງສົ່ງຜົນກະທົບຕໍ່ອາການໂຣກເບົາຫວານ ແລະ ລະບົບປະສາດອີກດ້ວຍ.

ຈາກການສຶກສາຜູ້ປ່ວຍຕິດເຊື້ອເທື່ອທີ 1 ພົບວ່າ ມີຜູ້ປ່ວຍຕິດເຊື້ອຊ້ຳເປັນເທື່ອທີ່ 2 ປະມານ 38.200 ຄົນ ຫຼື ປະມານ 15% ແລະ ອີກຈຳນວນໜຶ່ງເປັນຜູ້ປ່ວຍຕິດເຊື້ອຊໍ້າເທື່ອທີ່ 3 ປະມານ 2.200 ຄົນ ປະມານ 5,8% ເຊິ່ງ 246 ຄົນຈາກຈຳນວນຜູ້ຕິດເຊື້ອເທື່ອທີ່ 3 ພົບວ່າຍັງຕິດເຊື້ອຊ້ຳອີກເປັນເທື່ອທີ 4.

ຈາກການສຶກສາຜົນກະທົບດັ່ງກ່າວ ເປັນການສະທ້ອນໃຫ້ເຫັນເຖິງການກາຍພັນຢ່າງໄວວາຂອງເຊື້ອ ໂຄວິດ ຕັ້ງແຕ່ສາຍພັນທຳອິດທີ່ພົບໃນປີ 2019 ເຊິ່ງກາຍພັນ ແລະ ຂະຫຍາຍພື້ນທີ່ການຕິດເຊື້ອທົ່ວໂລກໄດ້ຢ່າງໄວວາ ກາຍເປັນສາຍພັນ ເດວຕ້າ, ໂອໄມຄຣອນ ແລະ BA5 ບໍ່ວ່າຈະປ່ວຍດ້ວຍເຊື້ອຊະນິດໃດ ຊະນິດໜຶ່ງມາແລ້ວ ຜູ້ປ່ວຍກໍຍັງສາມາດຕິດເຊື້ອສາຍພັນຊະນິດອື່ນໄດ້ອີກ ເຮັດໃຫ້ເກີດການປ່ວຍຊ້ຳຊ້ອນ ສຳລັບຜູ້ທີ່ມີພູມຄຸ້ມກັນອ່ອນແອ, ຜູ້ສູງອາຍຸ ແລະ ຜູ້ທີ່ມີໂລກປະຈຳຕົວຕ່າງໆ ໂດຍທີ່ຜູ້ປ່ວຍບາງຄົນ ທີ່ພົບອາການປ່ວຍເນື່ອງຈາກການຕິດເຊື້ອໂຄວິດສູງເຖິງ 4 ເທື່ອ ໃນຊ່ວງໄລຍະພຽງ 2 ປີ ເຊິ່ງພົບເຫັນໄດ້ໜ້ອຍໃນກໍລະນີຂອງການຕິດເຊື້ອໄວຣັສ ໄຂ້ຫວັດໃຫຍ່.

ດັ່ງນັ້ນ, ຄວາມຄິດເຫັນໃນທາງການແພດ ຈຶ່ງແນະນຳໃຫ້ປະຊາຊົນໃສ່ຜ້າປິດປາກໃນທີ່ສາທາລະນະ ແລະ ຮັກສາສຸກຂະອະນາໄມຕາມຄໍາແນະນຳຂອງ WHO ຢ່າງສະໜໍ່າສະເໝີ ເຮົາຄວນຮັບຮູ້ວ່າ ພູມຄຸ້ມກັນທີ່ໄດ້ຈາກການສັກວັກຊີນ ມັນຈະມີປະສິດທິພາບໃນການຕ້ານເຊື້ອ ໂຄວິດ-19 ຫຼຸດລົງເລື້ອຍໆ ນຳອີກ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ