ເນື່ອງຈາກພາຍຸລະດູຮ້ອນ ມາອອນ ເຮັດໃຫ້ແຂວງ ອຸດົມໄຊ ມີຝົນຕົກໜັກຕິດຕໍ່ກັນຫລາຍຊົ່ວໂມງ, ນ້ຳສາຍຕ່າງໆ ມີລະດັບນ້ຳເພີ່ມຂຶ້ນຢ່າງໄວວາ ແລະ ໄຫລເຂົ້າຖ້ວມບ້ານເຮືອນຂອງປະຊາຊົນ.
ໃນນັ້ນ, ໄດ້ສ້າງຜົນກະທົບ ແລະ ຄວາມເສຍຫາຍ 6 ເມືອງຄື: ເມືອງໄຊ, ເມືອງຫລາ, ນາໝໍ້, ເມືອງງາ, ເມືອງແບງ ແລະ ເມືອງຮຸນ, ໃນນີ້ ເສຍຫາຍໜັກໜ່ວງປະກອບມີ ເມືອງໄຊ, ເມືອງຫລາ ແລະ ເມືອງນາໝໍ້.
ເຊິ່ງຈາກການລົງສຳຫຼວດຂອງຄະນະຮັບຜິດຊອບ ໄດ້ລາຍງານຄວາມເສຍຫາຍວ່າສູງເຖິງ 244 ຕື້ກວ່າກີບ ເຊິ່ງສິ່ງທີ່ໄດ້ຮັບຜົນກະທົບສ່ວນຫຼາຍແມ່ນ ພື້ຖານໂຄ່ງລາງ, ຊັບສິນ, ເຮືອນຊານບ້ານຊ່ອງ, ສັດ ລ້ຽງ, ເນື້ອທີ່ທຳການຜະລິດ, ເສັ້ນທາງ, ໄຟຟ້າ, ນ້ຳປະປາ, ໂຮງຮຽນ, ໂຮງໝໍ, ລະບົບ ການສື່ສານ ແລະ ອື່ນໆ.
ທາງຕາງໜ້າການນໍາເມືອງ ກໍໄດ້ມີການລາຍງານກ່ຽວກັບສະພາບຜົນກະທົບ ຈາກໄພພິບັດໃນຄັ້ງນີ້ ແລະ ໄດ້ຊ່ວຍເຫຼືອໃນເບື້ອງຕົ້ນໃຫ້ປະຊາຊົນ ສ່ວນສຳລັບການແກ້ໄຂວຽກງານຈຳເປັນບາງດ້ານຍັງຕ້ອງໄດ້ກະກຽມແຜນ.
ທີ່ມາ: ປະເທດລາວ Pathedlao