ຖືເປັນຂ່າວຮ້າຍສຳລັບຜູ້ທີ່ໃຊ້ງານ Windows ຮຸ່ນເກົ່າໆ ເພາະຖ້າ Chrome ມີການອັບເດດເວີຊັນໃໝ່ຈະຮອງຮັບແຕ່ Windows 10 ແລະ 11 ເທົ່ານັ້ນ ເຊິ່ງຈະບໍ່ມີການສະໜັບສະໜູນແກ້ໄຂຂໍ່້ຜິດພາດດ້ານຄວາມປອດໄພໃຫ້ອີກດ້ວຍ.
Chrome ເວີຊັນໃໝ່ ຈະບໍ່ຮອງຮັບ Windows 7 ແລະ Windows 8.1 ອີກຕໍ່ໄປ ນັບຕັ້ງແຕ່ວັນທີ 7 ກຸມພາ 2023 ຜູ້ໃຊ້ງານຈະຕ້ອງໃຊ້ Windows 10 ເປັນຂັ້ນຕໍ່າເພື່ອຮັບການອັບເດດທີ່ຈະເກີດຂຶ້ນ ທັງອັບເດດເລື່ອງຂອງຄວາມປອດໄພ ແລະ ການປັບປຸງແອັບ.
ແຕ່ວ່າຫາກໃຜທີ່ຍັງໃຊ້ງານ Windows 7 ຫຼື 8,1 ຢູ່ Google ກໍບໍ່ໄດ້ຫ້າມໃຫ້ໃຊ້ງານ Chrome ແຕ່ເຮົາຈະໄດ້ເປັນເວີຊັນເກົ່າ ກ່ອນທີ່ຈະອັບເດດ ແລະ ຕ້ອງໃຊ້ເວີຊັນເກົ່ານັ້ນຈົນກວ່າຈະມີການອັບເດດລະບົບປະຕິບັດການເປັນ Windows 10 ເຊິ່ງຖ້າເຮົາຍັງໃຊ້ເວີຊັນເກົ່າຢູ່ຫາກມີຂໍ້ຜິດພາດດ້ານຄວາມປອດໄພ ກໍຈະບໍ່່ໄດ້ຮັບການອັບເດດໃດໆເພີ່ມເຕີມ.
ຂໍ້ມູນຈາກ: Android Police