ຂະແໜງທ່ອງທ່ຽວຫົວພັນ ຮ່ວມກັບສູນຄົນພິການ ໄດ້ລົງພື້ນທີ່ສວນດອກຊາກຸຣະ ມິດຕະພາບ ລາວ-ຍີ່ປຸນ ເພື່ອສຳຫຼວດສຳລັບສ້າງຈຸດຖ່າຍຮູບ ແລະ ຕິດຕັ້ງປ້າຍຕ່າງໆພາຍໃນງານນິທັດສະການທ່ຽວຊົມດອກຄາຍປ່າ & ດອກຊາກຸຣະແລ້ວ ເຊິ່ງປີນີ້ຈັດຢູ່ສວນ ມິດຕະພາບ ລາວ-ຍີ່ປຸນ ແລະ ຍິ່ງໃຫຍ່ກວ່າທຸກໆປີ.
ງານນິເທດສະການທ່ຽວຊົມ ດອກຄາຍປ່າ ແລະ ດອກຊາກຸຣະ ຈະຈັດຂຶ້ນໃນລະຫວ່າງວັນທີ 23-26 ທັນວາ 2022 ທີ່ເມືອງວຽງໄຊ ແຂວງຫົວພັນ ແລະ ວັນດຽວກັນຈະປະກາດດອກຄາຍປ່າເປັນດອກໄມ້ເອກະລັກປະຈຳແຂວງຫົວພັນ ອີກດ້ວຍ
ສຳລັບກິດຈະກຳພາຍໃນງານປີນີ້ປະກອບມີ:
- ງານປະກວດນາງສາວດອກຄາຍປ່າປະຈຳປີ
- ງານແຂ່ງຂັນປະກວດນັກຮ້ອງສຽງດີ
- ງານຕະຫຼາດນັດຂອງບັນດາເມືອງທົ່ວແຂວງ ແລະ ຕ່າງປະເທດ
- ພິທີປູກຕົ້້ນດອກຄາຍປ່າ
- ທ່ຽວຊົມດອກຊາກຸຣະຢູ່ສວນ ມິດຕະພາບລາວ-ຍີ່ປຸ່ນທີ່ເມືອງວຽງໄຊ
- ທ່ຽວຊົມຖ່າຍຮູບດອກຄາຍປ່າຕາມຈຸດຕ່າງໆຢູ່ເທດສະບານເມືອງຊໍາເໜືອ ແລະ ວຽງໄຊ
ຂໍ້ມູນຈາກ: ທ່ອງທ່ຽວຫົວພັນ Tourism Houaphanh