ນາງ ລົດແກ້ວ ອິນທະກຸມມານ ນັກກິລາຈາກ ສປປ ລາວ ຍາດໄດ້ຫລຽນຄຳ ຈາກປະເພດແຂ່ງຂັນແລ່ນ 1500 ແມັດຍິງ ຈາກງານກຣີທານານາຊາດ Thailand Open 2022 ດ້ວຍສະຖິຕິ 4 ນາທີ 43 ວິນາທີ, ອັນດັບສອງໄດ້ແກ່ນັກກິລາຈາກສະໂມສອນອາກາດ (ໄທ) ເວລາ 4 ນາທີ 54 ວິນາທີ ແລະ ອັນດັບສາມແມ່ນນັກກິລາຈາກ ມຽນມາ ດ້ວຍເວລາ 5 ນາທີ 2 ວິນາທີ.
ສຳລັບການແຂ່ງຂັນລາຍການ 100 ແມັດຊາຍ ທ້າວ ສໍສີ ພົມພັກດີ ໃນຮອບຄັດແມ່ນສາມາດເຮັດໄດ້ອັນດັບທີ 1 ເວລາ 10,89 ວິນາທີ ໄດ້ຜ່ານເຂົ້າຮອບຮອງຊະນະເລີດໄດ້ ເວລາ 100 ແມັດຊາຍ 10,96 ວິນາທີ ແລະ ທ້າວ ໄຊດາວັນ ວົງສະຫວັນ ໃນລາຍການ 100 ແມັດຊາຍ ເຮັດເວລາໄດ້ 11,33 ວິນາທີ.
ຈາກນັ້ນແມ່ນລາຍການຍິງ 100 ແມັດ ນາງ ສີລິນາ ພະອາໄພ ເຮັດເວລາໄດ້ 12,68 ວິນາທີ ແລະ ລາຍການສຸດທ້າຍຂອງວັນທີ 28 ພະຈິກ 2022 ແມ່ນ ທ້າວ ໄຊດາວັນ ວົງສະຫວັນ ໄດ້ລົງແຂ່ງຂັນລາຍການເຕັ້ນຍາວ ຊາຍ ສາມາດເຮັດສະຖິຕິໄດ້ດີ 7,19 ແມັດ
ຂໍ້ມູນຈາກ: LAO Athletics federation