ປີໃໝ່ສາກົນນີ້ ວາງແຜນໄປທ່ຽວໃສແລ້ວບໍ່ ເຮັດວຽກມາໝົດປີ ມີມື້ພັກກໍຕ້ອງໃຊ້ໃຫ້ຄຸ້ມ ເຮົາຈະພາໄປເບິ່ງລາຄາໂຮງແຮມຕາມສະຖານທີ່ທ່ອງທ່ຽວຍອດນິຍົມທີ່ຫຼາຍຄົນພາກັນຄົ້ນຫາ ເພື່ອທີ່ຈະຮູ້ລາຄາ ກ່ອນເອົາໄປວາງແຜນທ່ຽວ ໃນແຕ່ລະບ່ອນນໍາກັນ.
ນະຄອນຫຼວງວຽງຈັນ (Vientiane)
ເປັນບ່ອນສຳລັບ ຄົນຕ່າງປະເທດ ແລະ ຄົນຕ່າງແຂວງ ທີ່ຢາກມາທ່ຽວຫຼິ້ນໃນເມືອງ
Vientiane Garden Villa Hotel
ໂຮງແຮມໃກ້ກັບແຖວຖະໜົນສີຫອມ Street Food ຍອດນິຍົມຂອງໄວລຸ້ນ, ມີວັດອົງຕື້ – ວັດອິນແປງ ໃກ້ກັບໂຮງແຮມທີ່ສາມາດຢ່າງໄປໄດ້, ມີສະລອຍນໍ້າ ແລະ ບໍລິການ 24 ຊົ່ວໂມງ ລາຄາຢູ່ປະມານ 27 ໂດລາ (486.000 ກີບ).
Location: ທີ່ຢູ່ Google Map
Family Boutique Hotel
ຈະຢູ່ໃກ້ກັບ ທາດດຳ 150 ແມັດ ແລະ ບໍລິເວນນັ້ນກໍຈະມີສະຖານທີ່ໃຫ້ທ່ຽວເລາະຫຼິ້ນເຊັ່ນ ວັດສີສະເກດ, ປະຕູໄຊ ແລະ ວັດຫໍພະແກ້ວ ເຊິ່ງແຕ່ລະບ່ອນຫ່າງຈາກໂຮງແຮມ ບໍ່ກາຍ 1 ກິໂລແມັດ ລາຄາຢູ່ປະມານ 21 ໂດລາ (378.000 ກີບ).
Location: ທີ່ຢູ່ Google Map
Mekong Hotel
ໂຮງແຮມໃຫຍ່ໃກ້ແຄມຂອງ ຫ່າງຈາກສ່ວນເຈົ້າຟ້າງຸ່ມປະມານ 100 ແມັດ ລາຄາຢູ່ປະມານ 33 ໂດລາ (594.000)
Location: ທີ່ຢູ່ Google Map
ຫຼວງພະບາງ (Luang Prabang)
ເມືອງມໍລະດົກໂລກ ແຫຼ່ງທ່ອງທ່ຽວທີ່ເປັນຍອດນິຍົມ ຂອງຄົນພາຍໃນປະເທດ ແລະ ຕ່າງປະເທດ
Villa Mahasok Hotel
ໂຮງແຮມຢູ່ໃນຕົວເມືອງ ຫຼວງພະບາງ ຫ່າງຈາກຕະຫຼາດກາງຄືນ ປະມານ 610 ແມັດ ລາຄາຢູ່ປະມານ 34 ໂດລາ (612.000 ກີບ).
Location: ທີ່ຢູ່ Google Map
E-Outfitting VangThong Hotel
ໂຮງແຮມສະຕາຍພະລາດຊະວັງ ມີສະລອຍນໍ້າກາງແຈ້ງ ແລະ ບໍລິການ 24 ຊົ່ວໂມງ ແຕ່ຫ່າງຈາກຕະຫຼາດກາງຄືນໄກປະມານ 2 ກິໂລແມັດ ລາຄາຢູ່ປະມານ 41 ໂດລາ (735.000 ກີບ)
Location: ທີ່ຢູ່ Google Map
Mahout Hotel
ຫ່າງຈາກຕົວເມືອງ ຫຼວງພະບາງ ປະມານ 5 ກິໂລແມັດ ແຕ່ວ່າມີຊ້າງທີ່ລ້ຽງໃຫ້ນັກທ່ອງທ່ຽວເບິ່ງ ລາຄາຢູ່ປະມານ 47 ໂດລາ (846.000 ກີບ).
Location: ທີ່ຢູ່ Google Map
ວັງວຽງ (Vang Vieng)
ສະຖານທີ່ຍອດນິຍົມທີ່ຄົນຕ່າງປະເທດໄປຫຼາຍ ສຳລັບການເດີນທາງສະດວກສະບາຍ ເພາະມີທາງດ່ວນ ແລະ ທາງລົດໄຟ ໄປຮອດປາຍທາງເລີຍ
Vang Vieng Diamond Resort
ທີ່ພັກຫ່າງຈາກ ຄິວລົດເມວັງວຽງ ປະມານ 1 ກິໂລແມັດ ລາຄາຢູ່ປະມານ 67 ໂດລາ (1.206.000 ກີບ).
Location: ທີ່ຢູ່ Google Map
Serene Premier VangVieng Hotel
ສະຖານທີ່ພັກໃກ້ກັບ ຖໍ້າປູຄຳ ວັງວຽງ ແລະ ຫ່າງຈາກນໍ້າຊອງ ປະມານ 1 ກິໂລແມັດ ລາຄາປະມານ 61 ໂດລາ (1.098.000 ກີບ)
Location: ທີ່ຢູ່ Google Map
Silver Naga Hotel
ມີພູເຂົາອ້ອມຮອບ ແລະ ຫ່າງຈາກແມ່ນນໍ້າຊອງ ປະມານ 800 ແມັດ ລາຄາປະມານ 85 ໂດລາ (1.530.000 ກີບ)
Location: ທີ່ຢູ່ Google Map
ຈຳປາສັກ (Champasak)
ຈຳປາສັກ ເປັນໜຶ່ງໃນແຂວງພາກໃຕ້ຂອງລາວທີ່ເປັນຈຸດຍອດນິຍົມຂອງນັກທ່ອງທ່ຽວ ທີ່ຢາກໄປສຳພັດວິຖີຊີວິດຂອງປະຊາຊົນໃນເຂດນັ້ນ
Jenda The View
ເປັນບ່ອນພັກໃກ້ກັບລິມນໍ້າ ແລະ ຫ່າງຈາກສະໜາມບິນ 30 ກິໂລແມັດ ລາຄາປະມານ 40 ໂດລາ (720.000 ກີບ)
Location: ທີ່ຢູ່ Google Map
Residence Bassac
ສະຖານທີ່ພັກໃກ້ກັບແມ່ນນໍ້າຂອງ ແລະ ໃກ້ກັບສະໜາມບິນປາກເຊ 28 ກິໂລແມັດ ລາຄາປະມານ 74 ໂດລາ (1.332.000 ກີບ)
Location: ທີ່ຢູ່ Google Map
The River Resort
ໂຮງແຮມເປັນແບບບ້ານທັນສະໄໝ ປະສົມປະສານລະຫວ່າງທຳມະຊາດທີ່ໃກ້ຄຽງ ໃກ້ກັບສະໜາມບິນປາກເຊ 28 ກິໂລແມັດ ລາຄາປະມານ 120 ໂດລາ (2.160.000 ກີບ)
Location: ທີ່ຢູ່ Google Map
ຊຽງຂວາງ (Xieng Khouang)
ຊຽງຂວາງເປັນອີກໜຶ່ງແຂວງທີ່ມີມໍລະດົກໂລກຢ່າງທົ່ງໄຫຫີນ ເປັນອີກຈຸດໜຶ່ງຂອງນັກທ່ອງທ່ຽວຕ້ອງໄດ້ໄປແວ່
Xieng Khouang Hotel
ທຳເລດີ ຕັ້ງຢູ່ໃຈກາງຕົວເມືອງຊຽງຂວາງ ແລະ ຫ່າງຈາກສະໜາມບິນຊຽງຂວາງປະມານ 6 ກິໂລແມັດ ລາຄາ 50 ໂດລາ (900.000 ກີບ)
Location: ທີ່ຢູ່ Google Map
Phouluang Hotel
ທີ່ພັກແຫ່ງນີ້ແມ່ນຫ່ງຈາກສະໜາມບິນຊຽງຂວາງປະມານ 4 ກິໂລແມັດ ລາຄາ 36 ໂດລາ (648.000 ກີບ)
Location: ທີ່ຢູ່ Google Map
The Hillside Residence
ເປັນບ້ານພັກແບບນ້ອຍໆ ຢູ່ແບບວິຖີຊີວິດບ້ານໆ ເຊິ່ງຢູ່ຫ່າງຈາກສະໜາມບິນ ເກືອບ 6 ກິໂລແມັດ ລາຄາຢູ່ທີ່ 25 ໂດລາ (450.000 ກີບ)
Location: ທີ່ຢູ່ Google Map
ສຳລັບຂໍ້ມູນດັ່ງກ່າວທີ່ເຮົານໍາສະເໜີ ອາດຈະມີການປ່ຽນແປງໄດ້ຕະຫຼອດເວລາ ເພາະບາງເທດສະການຫຼືຊ່ວງໃດຊ່ວງໜຶ່ງ ອາດຈະມີການຫຼຸດລາຄາລົງໄດ້ ແລະ ບາງສະຖານທີ່ອາດຈະມີຄົນຈອງເຕັມກ່ອນແລ້ວ ແລະ ລາຄາທີ່ພັກປ່ຽນເປັນເລດເງິນກີບທີ່ເຮົາຄິດໄລ່ແມ່ນ (1 ໂດລາ = 18.000 ກີບ), ສຳລັບຂໍ້ມູນເພີ່ມເຕີມແມ່ນສາມາດເຂົ້າໄປເບິ່ງໄດ້ທີ່ Agoda
ທ່ຽວທ້າຍປີນີ້ຫາຈອງໂຮງແຮມກັນໄວ້ເດີ້ ເພາະຕາມຂໍ້ມູນແມ່ນບາງແຂວງໄດ້ມີການຈອງໂຮງແຮມເກືອບເຕັມແລ້ວ ໂດຍສະເພາະ ນະຄອນຫຼວງວຽງຈັນ ຈອງແລ້ວ 47% ແລະ ແຂວງ ຫຼວງພະບາງ ຈອງແລ້ວ 50% ຂອງໂຮງແຮມທົ່ວແຂວງ.