ພໍ່ຄ້າ ແລະ ແມ່ຄ້າຊາວຂາຍ ຕາມແຕມທາງໃນເຂດນະຄອນຫຼວງວຽງຈັນ ໄດ້ມີການວາງຈຳໜ່າຍສິນຄ້າເຄື່ອງໄຫວ້ ແລະ ເຄື່ອງປະດັບປະດາ ເພື່ອຕ້ອນຮັບກຸດຈີນທີ່ກຳລັງຈະມາເຖິງໃນທ້າຍເດືອນມັງກອນນີ້ແລ້ວ.
ຈາກການສອບຖາມເຈົ້າຂອງຮ້ານທີ່ຂາຍຢູ່ເຂດຖະໜົນສາຍລົມ ໄດ້ໃຫ້ຮູ່້ວ່າ: ໄດ້ເລີ່ມເປີດຮ້ານມາແລ້ວຕັ້ງແຕ່ຕົ້ນເດືອນມັງກອນ ກໍມີຄົນມາຊື້ເຄື່ອງຢູ່ເລື້ອຍໆ ໂດຍປົກກະຕິກໍເປັນແບບນີ້ຢູ່ແລ້ວ ເຊິ່ງຈະມີຄົນຈະຫຼາຍກໍຢູ່ໃນຊ່ວງໃກ້ຮອດມື້ແທ້ໆ.
ສຳລັບເລື່ອງຂອງລາຄາເຄື່ອງຕ່າງໆໄດ້ຖາມນໍາແມ່ຄ້າ ກໍໄດ້ຮູ້ວ່າ ເຄື່ອງທີ່ນໍາເອົາມາຂາຍໃນປີນີ້ ແມ່ນມີລາຄາທີ່ສູງຂຶ້ນເມື່ອທຽບໃສ່ປີທີ່ຜ່ານມາ ໂດຍສະເພາະເຂົ້າໜົມເຄື່ອງໄຫວ້ ແລະ ເຂົ້າຕົ້ມໃສ້ໝູ ຫໍ່ໜຶ່ງລາຄາຢູ່ທີ່ 50.000 ກີບ ຈາກແຕ່ກ່ອນ 30.000-35.000 ກີບ ແລະ ເຂົ້າໜົມກ່ອງນ້ອຍກ່ອງໜຶ່ງ 25.000 ກີບ.
Hits: 9
