Thursday, July 18, 2024
Lenovo

ການວາງແຜນການເງິນ ແບບມະນຸດເງິນເດືອນ ຂອງຄົນທີ່ອາໄສຢູ່ຫ້ອງແຖວ

ການວາງແຜນການເງິນ ໃນແຕ່ລະມື້ນັ້ນຖືວ່າມີປະໂຫຍດ ຕໍ່ການໃຊ້ຊີວິດປະຈຳວັນ ເປັນຢ່າງຫຼາຍ ນອກຈາກຈະເຮັດໃຫ້ ຮູ້ຈັກການບໍລິຫານເງິນໄດ້ຫຼາຍຂຶ້ນ ແລ້ວຍັງຊ່ວຍເປັນເຄື່ອງມື ໃນການຄວບຄຸມຄ່າໃຊ້ຈ່າຍໃນແຕ່ລະເດືອນໄດ້ອີກ, ເພາະໃນບາງເທື່ອ ເຮົາບໍ່ສາມາດຮູ້ໄດ້ເລີຍ ວ່າເງິນເຮົານຳໄປໃຊ້ຈ່າຍຫຍັງແດ່ ຈົນເຮັດໃຫ້ຫຼາຍໆເທື່ອ ຕ້ອງພົບກັບບັນຫາເລື່ອງເງິນຂາດມື ຫຼື ເງິນຕິດລົບໃນບາງເດືອນ, ມື້ນີ້ເຮົາມີວິທີການວາງແຜນການເງິນ ແບບມະນຸດເງິນເດືອນ ຂອງຄົນທີ່ອາໄສຢູ່ຫ້ອງແຖວມາຝາກກັນ.

ຈາກການສອບຖາມ ພະນັກງານທີ່ເຮັດວຽກປະຈຳ ທີ່ອາໄສຢູ່ຫ້ອງແຖວ ເຂດບ້ານສ້າງຄູ້ ເມືອງໄຊທານີ ນະຄອນຫຼວງວຽງຈັນເວົ້າວ່າ: ການບັນທຶກລາຍຮັບລາຍຈ່າຍໃນແຕ່ລະມື້ ຖືເປັນການຊ່ວຍໃຫ້ເຮົາຮູ້ ຂໍ້ບົກຜ້ອງທາງການເງິນ ວ່າມີສ່ວນໃດແດ່ທີ່ເຮົາຕ້ອງຫຼຸດຜ່ອນ ແລະ ຮູ້ຈັກການໃຊ້ເງິນຢ່າງລະມັດລະວັງຫຼາຍຂຶ້ນ, ອີກທັງຍັງຊ່ວຍໃຫ້ເຮົາຮູ້ຈັກການວາງແຜນ, ການໃຊ້ຈ່າຍໄດ້ຢ່າງຖືກວິທີ ແລະ ຊ່ວຍໃຫ້ເຮົາມີລະບຽບວິໄນໃນການໃຊ້ເງິນເພີ່ມຫຼາຍຂຶ້ນ ເພາະ ເຮົາບໍ່ມີທາງຮູ້ໄດ້ເລີຍ ວ່າເງິນທີ່ຫາມາໄດ້ນັ້ນ ຈະພຽງພໍຕໍ່ຄ່າໃຊ້ຈ່າຍ ໃນແຕ່ລະເດືອນບໍ່, ຈຶ່ງຕ້ອງຈັດການກັບງົບປະມານ ໂດຍການບັນທຶກປະຈຳວັນ ດັ່ງນີ້:

  • ເຮັດຄ່າໃຊ້ຈ່າຍເປັນງົບປະມານ: ໂດຍທົ່ວໄປແລ້ວ ຄ່າໃຊ້ຈ່າຍໃນແຕ່ລະເດືອນນັ້ນ ມີຄວາມແນ່ນອນຂ້ອນຂ້າງສູງ ແລະ ມີການກຳນົດຕົວເລກທີ່ແນ່ນອນຢູ່ແລ້ວ ເຊິ່ງໃນແຕ່ລະເດືອນ ເຮົາພໍຮູ້ຢູ່ວ່າເຮົາມີພາລະຄ່າໃຊ້ຈ່າຍໃນສ່ວນໃດແດ່ ຈຶ່ງຕ້ອງວ່າງແຜ່ນເງິນສ່ວນນັ້ນໄວ້ຕ່າງຫາກ.
  • ຊ່ວງເວລາທີ່ໄດ້ຮັບລາຍໄດ້: ເມື່ອເຮົາຮູ້ ວ່າເວລາທີ່ໄດ້ຮັບເງິນຢ່າງຊັດເຈນ ຈະຊ່ວຍປ້ອງກັນບັນຫາເງິນຂາດມືໄດ້.
  • ແບ່ງເງິນເກັບ 10 ເປີເຊັນ ຂອງເງິນເດືອນ: ເພື່ອໄວ້ໃຊ້ໃນກໍລະນີລາຍໄດ້ຂອງເຮົາບໍ່ພຽງພໍ ຕໍ່ຄ່າໃຊ້ຈ່າຍຂອງເດືອນນັ້ນໆ, ເພື່ອເຮັດການຢືນໃນສ່ວນນັ້ນໄປໃຊ້ກ່ອນ ແຕ່ກໍຈະຕ້ອງນໍາເງິນທີ່ຢືມໄປນັ້ນມາໄຊ້ຄືນ ວິທີນີ້ຈະເຮັດໃຫ້ເຮົາບໍ່ຕ້ອງໄປຢືມເງິນຈາກຄົນອື່ນ.
  • ແຍກຄ່າໃຊ້ຈ່າຍສ່ວນຕົວໃຫ້ຊັດເຈນ: ການເລີ່ມຈັດງົບປະມານລາຍຮັບລາຍຈ່າຍ ສຳຄັນທີ່ສຸດກໍຄື ເງິນຄ່າໃຊ້ຈ່າຍສ່ວນຕົວ ກັບເງິນສ່ວນຂອງການລົງທຶນ ຫຼືເງິນເກັບ ຈະຕ້ອງແບ່ງແຍກກັນໃຫ້ຊັດເຈນ ບໍ່ຄວນນຳມາປະປົນໄວ້ໃນກະເປົາດຽວກັນ ເຊັ່ນຄ່າໃຊ້ຈ່າຍສ່ວນຕົວໄດ້ແກ່: ຄ່າອາຫານ, ຄ່ານ້ຳມັນລົດ, ຄ່າຫ້ອງພັກ, ຄ່າອິນເຕີເນັດຕ່າງໆ.

ດັ່ງນັ້ນ ການການວາງແຜນການເງິນ ໃນແຕ່ລະມື້ ຈະຊ່ວຍໃຫ້ເຮົາຮູ້ຂໍ້ບົກຜ້ອງທາງການເງິນທີ່ດີ ວ່າມີສ່ວນໃດແດ່ ທີ່ເຮົາຕ້ອງຫຼຸດຜ່ອນ, ຮູ້ຈັກການໃຊ້ເງິນຢ່າງລະມັດລະວັງຫຼາຍຂຶ້ນ ອີກທັງຍັງຊ່ວຍໃຫ້ເຮົາຮູ້ຈັກການວາງແຜນການໃຊ້ຈ່າຍ ໄດ້ຢ່າງຖືກວິທີ ແລະ ຊ່ວຍໃຫ້ເຮົາມີລະບຽບວິໄນ ໃນການໃຊ້ເງິນເພີ່ມຫຼາຍຂຶ້ນ.

ສຳລັບໃຜທີ່ຍັງບໍ່ຮູ້ວ່າຈະເລີ່ມ ໝູນເງິນແນວໃດໃຫ້ລອດໃນແຕ່ລະເດືອນ ແຖມຍັງມີເງິນເກັບອີກ ສາມາດນຳວິທີນີ້ໄປລອງໃຊ້ກັນເບິ່ງໄດ້ເດີ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.