Monday, July 22, 2024
Lenovo

ສ່ອງເບິ່ງແທັບເລັດອອກໃໝ່! ສະເປັກເຄື່ອງສຸດແຮງ ແຕ່ລາຄາເບົາໆ Samsung Galaxy Tab S9 FE

ຖ້າເວົ້າເຖິງແທັບເລັດແມ່ນຕ້ອງໃຫຍ່ໄວ້ກ່ອນ ເຊິ່ງ Samsung ກໍໄດ້ເປີດໂຕແທັບເລັດໃໝ່ອອກມາ 2 ລຸ້ນຄື Samsung Galaxy Tab S9 FE ແລະ Samsung Galaxy Tab S9 FE+ ທີ່ມີຈຸດເດັ່ນເລື່ອງຂອງໜ້າຈໍທີ່ໃຫຍ່ເຖິງ 12,4 ນິ້ວ ແລະ ມີແບັດເຕີລີທີ່ມີຄວາມຈຸທີ່ສູງເຖິງ 10090mAh.

ສຳລັບສະເປັກເຄື່ອງ Samsung Galaxy Tab S9 FE+ ມີຈໍ LCD ຂະໜາດມາເຖິງ 12.4 ນິ້ວ ຄວາມລະອຽດ 2560 x 1600 ສ່ວນລຸ້ນທຳມະດາ Galaxy Tab S9 FE ໄດ້ຈໍ LCD ຂະໜາດຈໍ 10.9 ນິ້ວ ຄວາມລະອຽດ 2304 x 1440 ແລະ ຣີເຟດຊັນ 90Hz, ມາພ້ອມກັບມາດຕະຖານກັນນໍ້າ IP68 ທັງອຸປະກອນ ແລະ S Pen ຄືກັນກັບ Samsung Galaxy Tab S9 Series ວັດສະດຸແມ່ນ Full Metal.

ສ່ວນກ້ອງຂອງແຕ່ລະລຸ້ນ Galaxy Tab S9 FE ມີກ້ອງຫຼັງ 8MP ອັນດຽວ, ສ່ວນ Galaxy Tab S9 FE+ ມີສອງກ້ອງຄື: ກ້ອງຫຼັກ 8 MP ແລະ ກ້ອງຫຼັງ Ultrawide 8 MP ແລະ ກ້ອງ Selfie Ultrawide 12 MP.

ອຸປະກອນທັງສອງແມ່ນໃຊ້ຊິບດຽວກັນ, Exynos 1380, ມີ RAM ສູງເຖິງ 8GB ແລະ ຄວາມຈໍາ 128GB, ສ່ວນ Galaxy Tab S9 FE+ ມີແບັດເຕີລີ 10090mAh ທີ່ຮອງຮັບການສາກໄວ 45W, ແລະ Galaxy Tab S9 FE FE ຂະຫນາດໜ້ອຍກວ່າຢູ່ທີ່ 8000mAh ທີ່ຮອງຮັບການສາກໄວ 45W. ລໍາໂພງຄູ່ໂດຍ AKG ມີຄຸນນະພາບສຽງ Dolby Atmos.

ລາຄາທີ່ວາງຈໍາໜ່າຍຢູ່ປະເທດເພື່ອນບ້ານເຮົາຢູ່ປະມານ Galaxy Tab S9 FE Wi-Fi (6/128GB) 16.990 ບາດ, Galaxy Tab S9 FE 5G (6/128GB) 19.990 ບາດ, Galaxy Tab S9 FE+ Wi-Fi (8/128GB) 23.900 ບາດ, Galaxy Tab S9 FE+ 5G (8/128GB) 27.900 ບາດ ແຕ່ໜ້າເສຍດາຍທີ່ຍັງບໍ່ມີການປະກາດຂາຍໃນລາວເຮົາ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.