ອາກາດເລີ່ມໜາວແລ້ວ ນອກຈາກເຮົາຈະຕ້ອງເບິ່ງແຍງສຸຂະພາບບໍ່ໃຫ້ເຈັບປ່ວຍແລ້ວ ສິ່ງໜຶ່ງທີ່ສາວໆຄວນເບິ່ງແຍງໃຫ້ດີນັ້ນກໍຄືຜິວພັນ, ມື້ນີ້ ອິນໄຊລາວ ມີເຄັດລັບເບິ່ງແຍງຜິວພັນໃນຍາມໜາວມາຝາກກັນ ໄປເບິ່ງນຳກັນເລີຍ.
ທາເບບີອອຍ ຫຼັງຈາກອາບນໍ້າແລ້ວໃໝ່ໆ: ຫຼັງອາບນໍ້າໃໝ່ໆ ໂດຍສະເພາະຄົນທີ່ອາບນໍ້າອຸ່ນໃນຍາມໜາວ ຜິວຈະແຫ້ງ່າຍ, ໃຫ້ໃຊ້ເບບີອອຍ ທາທົ່ວໂຕໃນຂະນະທີ່ໂຕປຽກໝາດໆ ບໍ່ຕ້ອງຖ້າໃຫ້ແຫ້ງ ຈະເຮັດໃຫ້ຜິວນຸ່ມຊຸ່ມຊື່ນ. ເບບີອອຍຈະບຳລຸງໃຫ້ຜິວນຽນເງົາ.
ທາຄີມບຳລຸງທັງເຊົ້າ ແລະ ກ່ອນເຂົ້ານອນ: ນອກຈາກນີ້ ຄວນໝັ່ນທາຄີມບຳລຸງທຸກຄັ້ງ ເຊົ້າ-ແລງ ໂດຍສະເພາະຄົນທີ່ຢູ່ໃນຫ້ອງແອເຢັນ ເປັນປະຈຳ ເພາະຜິວຈະຂາດຄວາມຊຸ່ມຊື່ນ. ສະນັ້ນ ຄວນທາຄີມເລື້ອຍໆ ໃຫ້ເປັນນິດໄສ ຈະເຮັດໃຫ້ຜິວບໍ່ແຫ້ງ, ບໍ່ແຕກ.
ຂັດຜິວໄດ້ ແຕ່ຢ່າດຸເກີນໄປ: ຍາມໜາວ ຄວນຂັດຜິວໃຫ້ໜ້ອຍລົງ, ໃຫ້ເຫຼືອບໍ່ເກີນອາທິດລະ 1 ຄັ້ງກໍພໍ, ຫຼັງຈາກຂັດຜິວ ກໍບຳລຸງດ້ວຍຄີມ ຢ່າໃຫ້ຂາດ, ຖ້າຂັດຜິວດຸເກີນໄປໃນຍາວໜາວ ຜິວອາດຈະແຕກແຫ້ງ ຈົນເປັນບາດແຜໄດ້.
ຈຸດໃດແຫ້ງ ໃຫ້ນວດດ້ວຍນໍ້າມັນໝາກພ້າວ: ສ່ວນໃດທີ່ຍັງມີຈຸດແຕກແຫ້ງ, ຫຍາບ ລອງໃຊ້ນໍ້າມັນໝາກພ້າວ ທາໆນວດໆ ເປັນປະຈຳສະເພາະຈຸດ ຈະເຮັດໃຫ້ຜິວຄ່ອຍໆນຸ່ມ ແລະ ມື່ນຂຶ້ນ, ຮອຍແຕກແຫ້ງ ຄ່ອຍໆຈາງຫາຍໄປ ກາຍເປັນຜິວນຽນນຸ່ມ.