Monday, July 15, 2024
Lenovo

“ວັດພະບາດໂພນສັນ” ຈະຂຶ້ນເປັນມໍລະດົກແຫ່ງຊາດໃນປີ 2024

ງານບຸນນະມັດສະການພະບາດໂພນສັນ ເປັນອີກໜຶ່ງໃນກິດຈະກໍາລະດັບຊາດຂອງປີທ່ອງທ່ຽວລາວ ເຊິ່ງຈະຈັດຂຶ້ນໃນເດືອນມັງກອນ ປີ 2024 ທີ່ຈະມາເຖິງນີ້ ໂອກາດດຽວກັນກໍຈະປະກາດວັດພະບາດໂພນສັນເປັນມໍລະດົກແຫ່ງຊາດ ຢ່າງເປັນທາງການ.

ທ່ານ ສົນທອງ ວິບຸນກວ້າງ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງບໍລິຄໍາໄຊ ໄດ້ໃຫ້ຮູ້ວ່າ: ງານບຸນນະມັດສະການວັດພະບາດໂພນສັນ ຈະດໍາເນີນ ລະຫວ່າງວັນທີ 22-25 ມັງກອນ 2024 ເຊິ່ງມີກິດຈະກໍາຫຼັກໆປະກອບດ້ວຍ:

1. ງານຕະຫຼາດນັດວາງສະແດງ ແລະ ຈໍາໜ່າຍສິນຄ້າຕ່າງໆດັ່ງທີ່ເຄີຍດໍາເນີນມາເປັນປົກກະຕິ.
2. ຈະໄດ້ປະກາດວັດພະບາດໂພນສັນ ເປັນມໍລະດົກແຫ່ງຊາດ (ຈາກມໍລະດົກລະດັບທ້ອງຖິ່ນເປັນມໍລະດົກລະດັບຊາດ).
3. ຈັດກິດຈະກໍາຕິດພັນກັບປີທ່ອງທ່ຽວລາວ – ທ່ອງທ່ຽວບໍລິຄໍາໄຊ ລະດັບຊາດ ຢູ່ໃນທ້ອງຖິ່ນ. ໃນນັ້ນ, ຈະມີການປະກວດເພງ, ສະແດງສິລະປະພື້ນເມືອງ ແລະ ງານເດີນແບບຊຸດບັນດາເຜົ່າພາຍໃນແຂວງ.

ໂດຍໃນມື້ເປີດກໍຈະມີການຖ່າຍທອດສົດຜ່ານໂທລະພາບ ແລະ ຈະມີລາຍການສະແດງຈາກກາຍະສິນແຫ່ງຊາດ ເຊິ່ງຕະຫຼອດໄລຍະການຈັດງານ ແຕ່ລະແລງຈະຄຶກຄື້ນດ້ວຍການປະກວດເພງ, ປະກວດຟ້ອນ ແລະ ຫາຊົມຫາຊື້ສິນຄ້າໄດ້ຢ່າງຫຼາກຫຼາຍ.

ປັດຈຸບັນ ແຂວງ ບໍລິຄໍາໄຊ ມີແຫຼ່ງທ່ອງທ່ຽວທີ່ໄດ້ຂຶ້ນບັນຊີແລ້ວ 102 ແຫ່ງ ເຊິ່ງໃນປີ 2024 ທີ່ຈະມາເຖິງກໍຈະມີຫຼາຍກິດຈະກໍານໍາສະຫຼອງ ສ້າງຄວາມປະທັບໃຈໃຫ້ກັບແຂກຄົນທີ່ຢ້ຽມຢາມເນື່ອງໃນໂອກາດປີທ່ອງທ່ຽວລາວ. ໃນນັ້ນ, ມີ 1 ກິດຈະກໍາລະດັບຊາດ ພ້ອມດ້ວຍກິດຈະກໍາອື່ນໆທີ່ຕິດພັນກັບວັດທະນະທໍາທ້ອງຖິ່ນທີ່ເຄີຍປະຕິບັດມາ ເຊັ່ນ: ບຸນປີໃໝ່ລາວ ເມືອງບໍລິຄັນ ຈະຈັດຂຶ້ນໃນເດືອນເມສາ 2024 ກິດຈະກໍາໃຫຍ່ທີ່ເມືອງບໍລິຄັນ; ງານບຸນບັ້ງໄຟໃຫຍ່ ບ້ານກ້ວຍອຸດົມ ຈະຈັດຂຶ້ນໃນເດືອນມິຖຸນາ 2024 ຢູ່ເມືອງປາກຊັນ; ບຸນອອກພັນສາປະວໍລະນາ ( ປາກົດການບັ້ງໄຟພະຍານາກ ) ວັດໂພນສັນ ຈະຈັດຂຶ້ນໃນເດືອນຕຸລາ ທີ່ເມືອງທ່າພະບາດ; ບຸນວັດທາດພູວຽງ ຈະຈັດຂຶ້ນໃນເດືອນທັນວາ ທີ່ເມືອງວຽງທອງ ແລະ ອື່ນໆ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),