Monday, July 15, 2024
Lenovo

ຈອງບ່ອນຕັ້ງແຄັມແລ້ວບໍ່! ລວມສະຖານທີ່ຕັ້ງແຄັມງາມໆ ທີ່ສາຍ Camping ບໍ່ຄວນພາດ

ເຮັດວຽກມາເມື່ອຍໆມາໝົດປີ ທ້າຍປີຕ້ອງຈັດທິບທ່ຽວພັກຜ່ອນຍ່ອນໃຈໃຫ້ລາງວັນໂຕເອງ ເພື່ອສູ້ວຽກຕໍ່ໃນປີໜ້າ ມື້ນີ້ເຮົາຈະມາແນະນຳສະຖານທີ່ຕັ້ງແຄ້ມງາມໆ ກຽມຈອງໄວ້ກ່ອນໂລດບໍ່ຊັ້ນຮອດທ້າຍປີຈະບໍ່ມີບ່ອນຫວ່າງເລີຍ.

ລີເວີມູນ

ລີເວີມູນ ເມືອງ ສີໂຄດຕະບອງ ນະຄອນຫຼວງວຽງຈັນ: ເປັນສະຖານທີ່ນັ່ງຊິວລິມນໍ້າ ເໝາະສຳລັບຜູ້ທີ່ບໍ່ມັກກະກຽມຫຍັງໄປ ເພາະສະຖານທີ່ເພິ່ນກຽມໃຫ້ທຸກຢ່າງແລ້ວ ບໍ່ວ່າຈະເປັນອາຫານການກິນ, ກາງເຕັ້ນໃນຕູບໄວ້ໃຫ້ ພຽງແຕ່ໂທຈອງສະຖານທີ່ໄວ້ກ່ອນ ເນື່ອງຈາກມັກຈະມີຄົນຈອງຫຼາຍໃນຊ່ວງເທສະການ ຫຼື ມື້ພັກທົ່ວໄປ. ເບີໂທ 020 5599 3737, 020 5959 1331.

ຜາທອງ

ຜາທອງ ເມືອງ ເຟືອງ ແຂວງ ວຽງຈັນ: ເປັນອີກສະຖານທີ່ໜຶ່ງທີ່ງາມຫຼາຍ ອ້ອມຮອບໄປດ້ວຍທຳມະຊາດ ພູຜາປ່າໄມ້ ແມ່ນໍ້າ ແລະ ທົ່ງນາ ສະຖານທີ່ສະງົບງຽບດີ ເໝາະສຳລັບສາຍ camping ໄລຍະທາງຈາກ ນະຄອນຫຼວງ-ຜາທອງ 110 ກິໂລແມັດ, ສຳລັບຈຸດກາງເຕັ້ນຜາທອງແມ່ນເປັນຂອງສ່ວນບຸກຄົນ ໃຜທີ່ສົນໃຈແມ່ນຕ້ອງໄດ້ຕິດຕໍ່ຈອງສະຖານທີ່ກ່ອນ ເພື່ອໃຫ້ເຈົ້າຂອງສະຖານທີ່ອຳນວຍຄວາມສະດວກໃຫ້. ເບີໂທ: 020 9934 9997 (ອ້າຍວັນນາ).

ພູຫົວໂລ້ນ

ພູຫົວໂລ້ນ ບ້ານ ພູຫົວຊ້າງ ເມືອງ ອະນຸວົງ ແຂວງ ໄຊສົມບູນ: ຖືວ່າເປັນອີກໜຶ່ງແຫຼ່ງທ່ອງທ່ຽວທີ່ໄດ້ຮັບຄວາມນິຍົມຫຼາຍທີ່ສຸດໃນປີນີ້ເລີຍກໍວ່າໄດ້ ເປັນຈຸດຕັ້ງແຄ້ມເທິງພູເຂົາ ຍິ່ງໄປຕອນຍາມອາກາດໜາວແບບນີ້ ຕື່ນເຊົ້າມາກໍຈະເຫັນທະເລໝອກ. ເບີໂທ 020 9945 9104, 020 9699 8361

ຜາທໍ່ວິວ

ຜາທໍ່ວິວ ໂຮມສະເຕ ເມືອງ ເຟືອງ ແຂວງ ວຽງຈັນ: ຈຸດກາງເຕັ້ນນ້ອງໃໝ່ ມີສິ່ງອຳນວຍຄວາມສະດວກຫຼາຍບໍ່ວ່າຈະເປັນ ໄຟຟ້າ, ຫ້ອງນໍ້າ, ອາຫານ, ເຕັ້ນນອນ ແລະຍັງມີບໍລິການໂຮມສະເຕພ້ອມ. ເບີໂທ 020 9168 2288

ຟາມພາຈະເລີນ

ຟາມພາຈະເລີນ ບ້ານອ່າງນ້ອຍ ເມືອງ ສັງທອງ ນະຄອນຫຼວງວຽງຈັນ: ເປັນທັງບ່ອນຕັ້ງແຄ້ມ ແລະ ບ່ອນທ່ອງທ່ຽວ ໂດຍໃນສະຖານທີ່ຈະມີທັງ ຮ້ານອາຫານ, ຮ້ານກາເຟ, ທີ່ພັກຜ່ອນວິວງາມໆແຄມນ້ຳຂອງ, ສະລອຍນ້ຳ. ເບີໂທ 020 2808 8888, 020 5556 4954, 020 2300 0498.

ປາຊີຟິກບລູ

ປາຊີຟິກບລູ ບ້ານຫວ້ຍຫອ້ມ ເມືອງ ສີໂຄດຕະບອງ ແຂວງ ນະຄອນລວງວຽງຈັນ: ສວນອາຫານບັນຍາກາດດີ ໃກ້ກັບແມ່ນໍ້າຂອງ ມີຫຼາຍໂຊນໄວ້ຮອງຮັບ ຕູບແຄມຂອງ ຕູບຫ້ອງແອ ໂຊນນັ່ງໄກ້ບ່ອນຫລີ້ນເດັກນ້ອຍ ໂຊນນັ່ງກ້ອງຕົ້ນໄມ້ ແລະ ສາມາດຈອງຈຸດຕັ້ງແຄ້ມໄດ້. ເບີໂທ 020 5544 4888.

ເຖິງຢ່າງໃດກໍຕາມຈາກການສອບຖາມບັນດາຮ້ານໃນເບື້ອງຕົ້ນແມ່ນທ້າຍປີຍັງສາມາດຈອງກັນໄດ້ຢູ່ ແຕ່ມີບ່ອນໜຶ່ງກໍຄື ລີເວີມູນ ມື້ເຄົ້າດາວແມ່ນບ່ອນຕັ້ງແຄັມເພິ່ນເຕັມແລ້ວ ສຳລັບໃຜທີ່ມີແຜນໄປທ່ຽວຢູ່ໃສໃນທ້າຍປີກໍຢ່າລືມຈອງກັນໄວ້ກ່ອນໄປເດີ້ ເພາະຖ້າໄປເອົາຢູ່ດ່ານໜ້າອາດຈະເຕັມໄດ້.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),