ປັນຍາປະດິດ (Artificial Intelligence: AI) ເປັນໂປຣແກມທີ່ມາແຮງຫຼາຍໃນຊ່ວງນີ້ ເນື່ອງຈາກມິການວິເຄາະຂໍ້ມູນດ້ວນຕົວເອງໄດ້ ແລະ ລວມ AI ຫຼາຍຮູບແບບມາລວມເຂົ້າດ້ວຍກັນເຮັດໃຫ້ເປັນອີກໜອ່ງຕົວຊ່ວຍສຳລັບຜູ້ເຮັດວຽກແບບເຮົາ.
Gemini ໂມເດວ AI ທີ່ທາງ Google ພັດທະນາເຊິ່ງຫຼ້າສຸດໄດ້ປະກາດລີແບນຈາກ Google Bard ມາເປັນ Gemini ເຊິ່ງຫາກປຽບທຽບກັບ Google Assistant ແລ້ວມີຄວາມສາມາດທີ່ຫຼາກຫຼາຍກວ່າ ບໍ່ວ່າຈະເປັນການຄົ້ນຫາຂໍ້ມູນ, ການຕອບຄຳຖາມ ຫຼືການສ້າງພາບແບບ Text to Image.
ຈາກການທົດລອງໃຊ້ງານເບື່ອງຕົ້ນສິ່ງທີ່ເຫັນໄດ້ຊັດເລີຍວ່າມີການພັດທະນາຢ່າງສູງຄືການສ້າງຮູບພາບດ້ວຍຂໍ້ຄວາມ ເຊິ່ງເຮົາໄດ້ລອງໃຊ້ Copilot AI ໃນ Microsoft Bing ສ້າງຮູບພຣະທາດຫຼວງວຽງຈັນ ມາປຽບທຽບກັບຮູບທີ່ Gemini ສ້າງ ເຊິ່ງເຮົາຈະເຫັນເຖິງຄວາມຕ່າງຂອງມຸມພາບ ໂທນສີ ແລະແນວພາບທີ່ສົມຈິງຂຶ້ນ.
ແຕ່ສິ່ງທີ່ໜ້າເສຍດາຍຄືຍັງບໍ່ສາມາດຮອງຮັບຄຳສັ່ງທີ່ເປັນພາສາລາວໄດ້ ເຖິງຈະເປີດໃຫ້ຄົນລາວໃຊ້ແລ້ວກໍຕາມ ແລະ ບາງເຄື່ອງໂທລະສັບທີ່ຍັງເປັນລຸ້ນເກົ່າ ອາດຈະບໍ່ຮອງຮັບ Gemini.
ເຖິງຢ່າງໃດກໍຕາມ Gemini ຍັງສາມາດຊ່ວຍວຽກໄດ້ໃນຫຼາຍໆດ້ານຕື່ມອີກເຊັ່ນ ການຕອບຄຳຖາມໃຫ້ຄຳແນະນຳ, ຊ່ວຍຄິດ ແລະຂຽນຄອນເທັ້ນໄດ້, ສະຫຼຸບເນື້ອຫາຢູ່ໜ້າເວັບໄຊ, ອີເມວ ຫຼືລວມທັງການແປພາສາໃນເອກະສານ ເຊິ່ງນີ້ຈະຊ່ວຍໃຫ້ການເຮັດວຽກຂອງເຮົາງ່າຍຂຶ້ນໄປອີກລະດັບໜຶ່ງ.